JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Governu bandu ema tama-sai Bobonaro no Covalima

Governu bandu ema tama-sai Bobonaro no Covalima

Konsellu Ministru (KM) estraordináriu iha Segunda (15/2/2021) aprova ona Projetu Rezolusaun Governu hodi impoin serka sanitária ba munisípiu Bobonaro no Covalima, tanba kazu diagnóstikadu sira COVID-19 dezignadamente kazu detetadu sira ne’ebé proveniente husi ema sira tama ilegál iha país.

“Ita hahú wainhira rezolusaun Governu ne’e loron ida hafoin publikasaun, ita prevé hela ba aban sei iha serka sanitária ba munisípiu rua mak hanesan Bobonaro no Covalima, ida ne’e imi hotu hatene, tanba númeru ema tama ilegál no foin la-lais ne’e hirak ne’ebé tama ilegál subar de’it no até ariska ema barak nia vida, liu-liu iha munisípiu Bobonaro iha zona Hauba, Marobo no Lourba”, Ministru Prezidénsia Konsellu Ministru (MPKM), Fidelis Magalhães ba jornalista sira hafoin reuniaun KM.

Objetivu husi Governu impoin serka sanitária ne’e, atu prevene saúde públika no populasaun inklui impede transmisaun komunitária husi corona vírus foun iha teritóriu nasionál.

“Entaun ho ida ne’e Governu hanoin katak, importante atu impoin serka sanitária ida ne’e. Hafoin publikasaun ida ne’e loron ida depois movimentu ema nian ba tama no sai husi munisípiu rua sei para hotu”.

Ho projetu Rezolusaun Governu nian ne’e, hanesan bandu dezlokasaun sira entre munisípiu sira-ne’e no munisípiu sira seluk.

“Bus sira, transporte sira viajen ba-mai husi munisípiu sira seluk ba iha munisípiu rua ne’e sei para hotu. No husi munisípiu Bobonaro no Covalima atu mai Díli mós sei taka hotu”.

Tuir Fidélis, pesoál sira ne’ebé bele halo viajen ba iha munisípiu rua ne’e mak ema sira ne’ebé konfirma katak sira lori sasán umanitária, nesesidade bázika ba nesesidade urjente sira.

Rezolusaun Governu ne’e prodús efeitu sira  iha loron tuir mai ba ninia publikasaun no termina iha tuku 23:59, husi loron 3, fulan Marsu, tinan 2021.

“Serka sanitária sei bele implementa wainhira iha Estadu Emerjénsia. Ne’ebé ida nia data tempu kaduka ne’e depende ba iha Estadu Emerjénsia no mós situasaun epidemiolójika iha munisípiu rua ne’e. Sé moras aumenta liu tan, ita laiha opsaun atu kontinua implementa, maibé komunidade iha ne’ebá kumpre no moras laiha infesaun komunitária laiha, ita bele muda fali medida sira”. oct

Lee hotu :   FRETILIN manan eleisaun sei dezenvolve área peska iha Liquiça

Add to Comments Here!!!!

error: Content is protected.
Secured By miniOrange
You might also like:
Heineken hapara traballadór Timor-oan, uza fali estranjeiru

Reprezentante povu iha uma fukun Parlamentu...

AMMO luta kontra status quo iha FRETILIN

Asosiasaun Movimentu Maubere Oan (AMMO) sei...

Konfrontu iha Klak-Fuik, PNTL detein suspeitu na’in haat

Polísia Nasionál Timor-Leste (PNTL), Eskuadra Cristo...

Close