JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Governu planeia transforma Atauro sai Munisípiu Espesiál

Governu planeia transforma Atauro sai Munisípiu Espesiál

Ministru Administrasaun Estatál (MAE), Miguel Pereira de Carvalho, hateten, dau-daun ne’e Governu hahú halo preparativu hodi garante Atauro iha infraestrutura di’ak, molok transforma sai Munisípiu Espesiál.

“Preparativu sira hodi garante katak Atauro iha infraestrutura ne’ebé natón para abanbainrua wainhira Estadu konsege transforma Postu Administrativu Atauro ba Munisípiu Espesiál, kestaun ida ne’e foin mak diskute iha Konsellu Ministru (KM), opsaun lejislativa Ministériu Administrasaun Estatál hodi mai aprezenta ona iha KM iha semana 3 ou 4 ba kotuk no KM apresia ba proposta ne’e nesesidade atu harii munisípiu Atauro, maibé tenke iha proposta alterasaun husi Governu ba to’o iha Parlamentu Nasionál no ikus liu Prezidente Repúblika tenke promulga”, MAE ne’e hafoin remata enkontru ho Primeiru Ministru (PM), Taur Matan Ruak, iha Palásiu Governu, Tersa (09-02-2021).

Governante ne’e esplika, wainhira atu estabelese munisípiu ida presiza tebes preparativu sira, liu-liu infraestrutura sira para podér lokál sira estabelesidu iha fatin no bele iha ona fasilidade sufisiente.

Razaun prinsipál halo planu ba transformasaun ne’e, tanba tuir Konstituisaun Repúblika Demokrátika Timor-Leste (KRDTL) prevé katak, tenke iha tratamentu espesiál ba Oe-Cusse no Atauro, nune’e faze preparasaun ne’e hodi inísia nia prosesu.

“KRDTL prevé katak, tenke iha tratamentu administrativu espesiál ba, purtantu ne’e previzaun konstituisaun ne’e kabe ba lejisladór sira para bele hatur iha forma legál oinsa tratamentu espesiál, Ministériu Administrasaun Estatál sei propoin ba entidade hotu kona-bá nia estatutu espesiál sira ne’e no ne’e sei hatur iha proposta ne’ebé ami sei lori mai”, tenik Carvalho.

Iha enkontru ho Xefe Governu ne’e informa mós kona-bá nesesidade para aselera nomeasaun Administradór Munisípiu Covalima, Ainaro no Aileu ne’ebé prosesu konklui ona, maibé hein KM halo deliberasaun liu husi rezolusaun Governu ida para bele nomea Administradór foun.

Alende ne’e, MAE informa mós rekrutamentu ba Administradór no Prezidente Autoridade Munisipál lima (5) ne’ebé dau-daun la’o hela hanesan Bobonaro, Díli, Ermera, Liquiça no Manatuto no ko’alia mós kona-bá preparativu ba selebrasaun loron nasionál sira iha tinan 2021. ida

Lee hotu :   Kalbuadi Lay eleitu ba Sekjer CNRT, Prezidente Xanana Gusmão

Add to Comments Here!!!!

error: Content is protected.
Secured By miniOrange
You might also like:
Sidadaun estranjeiru na’in neen pozitivu COVID-19

Ministériu Saúde (MS) liu husi Komisan...

PTR: Harii Tribunál Supremu Justisa la’ós fásil

Prezidente Tribunál Rekursu (PTR), Deolindo dos...

PN lamenta membru PNTL baku komunidade to’o nehan monu

Reprezentante povu iha uma fukun Parlamentu...

Close