JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Governu propoin PR renova tan EE da-11

Governu propoin PR renova tan EE da-11

Ministru Prezidénsia Konsellu Ministru (MPKM), Fidelis Manuel Leite Magalhães, deklara, Governu delibera ona atu propoin ba Prezidente Repúblika (PR), Francisco Guterres Lú Olo, renovasaun Estadu Emerjénsia (EE) ba da-11 ka loron 30 tan, bazeia ba mudansa preokupante husi situasaun epidemiolójika no proliferasaun ba kazu sira ne’ebé mak rejista ona husi kontájiu COVID-19, tantu iha nível rejionál no mós mundiál.

“Ohin mós Governu delibera atu husu dala ida tan ba iha PR, Francisco Guterres Lú Olo, hodi estende EE ba períodu fulan Marsu to’o fulan Abríl, ho ida ne’e previstu para karta ida sei Palásiu Prezidensiál husi Governu ba PR”, MPKM ne’e ba jornalista sira, Sesta (19/02/2021), iha Palásiu Governu, hafoin remata reuniaun Konsellu Ministru (KM) estraordinária.

Nia afirma, atu evita no neutraliza risku sira propagasaun SARS-CoV-2, proteje saúde sidadaun nian, Governu propoin ba PR katak, ho renovasaun EE permite atu suspende ka limita direitu fundamentál balun.

“Buat ida ne’ebé mak iha proposta foun, sei hato’o ba PR deklara tan EE ho nia natureza nafatin ho antes, maibé iha espesífiku balun atu halo klaru liu tan, ida mak relasiona ho autorizasaun Governu nian karta ne’e sei husu mós ba PR haree autorizasaun ba Forsa Defeza sira, atu bele halo patrullamentu iha fronteira para bele prevene entrada ilegál”, salienta Fidelis.

Governante ne’e realsa, tuir mai ho pedidu ne’ebé mak Governu sei haruka ba PR, inklui mós klauzula ida atu halo klaru liu tan kona-bá posibilidade atu halo suspensaun ba Rejime Prezidensiál Edukasaun nian, ho nune’e bainhira Governu suspende atividade hanorin nian. Tanba iha karta ne’e mós refleta ona ámbitu ba ema nia direitu no labarik sira-nia direitu ne’e iha ona autorizasaun Prezidente konkorda no haruka ona ba Parlamentu Nasionál karik refleta ona no halo klaru liu tan kona-bá materia hirak ne’e.

“Karta pedidu ne’e nia natureza nafatin, só aumenta tan proposta simples balun, hodi halo klaru liu tan ba matéria ida oinsa atu envolve F-FDTL sira iha terrenu no oinsa atu Governu bele iha klareza liu tan regula suspensaun no atividade ensinu sira nian iha munisípiu sira”, dehan MPKM ne’e. oly

Lee hotu :   AUSTRALIA PROMETE SEI APOIA MILLAUN 10.5 USD BA TL

Add to Comments Here!!!!

error: Content is protected.
Secured By miniOrange
You might also like:
MS halibur ona amostra husi komunidade Bobonaro

Ekipa Ministériu Saúde (MS), liu husi...

Sérgio Quintas: Aplika ona TIR, MP tenke aselera prosesu

Jurista Timor-oan, Sérgio Quintas, hateten, kódigu...

Seidauk halo levantamentu OJE, la fó impaktu ba dezenvolvimentu

Primeiru Ministru (PM), Taur Matan Ruak,...

Close