JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Governu sei rezerva no konserva patrimóniu kulturál

Governu sei rezerva no konserva patrimóniu kulturál

Sekretáriu Estadu Arte no Kultura (SEAK), Teofilo Caldas, hateten, Governu sei rezerva no konserva patrimóniu kulturál sira, inklui uma-lisan sira iha teritóriu Timor-laran tomak.

“Parte SEAK sei implementa programa Oitavu Governu tuir rejime jurídiku kona-bá rezervasaun no konservasaun ba patrimóniu Kulturál, inklui uma-lisan sira iha teritóriu Timor-laran tomak ho dekretu lei númeru 33/2017, agora uma-lulik sira ne’e mós iha klasifikasaun lubuk ida, balun ita klasifika uma-liurai no uma-dato hodi subtitui ba uma-lulik ne’ebé nia valór boot liu, tanba uma-lulik sira ne’e mak sai identidade nasionál Timor-oan nian, tanba ne’e Governu presiza fó atensaun”, SEAK ne’e ba GMN iha nia kna’ar fatin Praia dos Coqueiros-Díli, Sesta (05/02/2021).

Teofilo Caldas mós, simu ona informasaun husi focal point SEAK iha munisípiu sira kona-bá uma-lisan hetan estragu husi dezastre naturál.

“Sim, ami mós simu ona informasaun verbál kona-bá uma-lulik balun hetan estragus, husi ami-nia reprezentante SEAK iha munisípiu sira kona-bá dezastre naturál iha munisípiu informa loos duni katak estraga uma lubuk ida, tanba ne’e iha fulan kotuk ami-nia ekipa identifika ona, maibé husu ba komunidade no autoridade lokál sira atu hato’o proposta ba SEAK para bele hetan apoiu, hodi hadi’a uma-lisan sira ne’ebé presiza fó apoiu”, subliña Governante ne’e.   

Antes ne’e mós, SEAK husu mós ba komunidade no autoridade lokál sira atu hato’o proposta ba Governu, kona-bá uma-lulik sira ne’ebé hetan estragus husi dezastre naturál. aba

Lee hotu :   Ohin, Governu diskute prolongamentu EE

Add to Comments Here!!!!

error: Content is protected.
Secured By miniOrange
You might also like:
Timor-Leste seidauk iha transmisaun lokál

Koordenadora Jerál Komisaun Nasionál COVID-19, Odete...

UNTL seidauk deside data rejistrasaun ba estudante foun

Universidade Nasionál Timor Lorosa’e (UNTL) seidauk...

Programa Sesta Bázika la tuir prosedimentu nutrisaun

Fundadora Organizasaun Naun Govermentál Hamutuk Ita...

Close