JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Governu sei vasina uluk populasaun porsentu ualu

Governu sei vasina uluk populasaun porsentu ualu

Konsellu Ministru (KM) estraordináriu Segunda (15/02/2021) aprova ona Projetu Rezolusaun Governu kona-bá planu nasionál vasinasaun kontra COVID-19. Tuir previzaun Governu nian katak, iha faze dahuluk bele vasina populasaun porsentu 8.

Vasinasaun faze dahuluk ba populasaun 8%, husi 3% sira seluk koresponde ba traballadór sira iha liña frente, liu-liu funsionáriu sira ne’ebé servisu iha Unidade Kuarentena no Izolamentu, ka iha Postu-Entrada nian (aeroportu, portu no ketan raik). Pursentu lima sira seluk husi faze dahuluk ida ne’e abranje ba populasaun ne’ebé hela iha área ne’ebé hamutuk ba ketan raik no ema sira ne’ebé pelumenus patolójia ne’ebé konsidera risku.

Projetu Rezolusaun Governu nian kona-bá planu nasionál vasinasaun kontra COVID-19 ne’e aprezenta husi Vise Primeira Ministra no Ministra Solidariedade Sosiál no Inkluzaun, Armanda Berta dos Santos no husi Komisaun Interministeriál ba Elaborasaun no Koordenasaun Ezekusaun Planu Vasinasaun kontra COVID-19.

“Iha tempu badak vasina sira ne’ebé Timor-Leste sei sosa bele to’o iha ita-nia rai. Organizasaun Mundiál Saúde (OMS) iha nia opiniaun katak, entre opsaun vasina hirak ne’ebé mak iha konsidera pontu importante sira hanesan efikásia seguransa no preparativu nasionál ba vasina ida naran AstraZeneca husi Universidade Oxford nian, ida ne’e mak di’ak ba Timor-Leste”, Ministru Prezidénsia Konsellu Ministru (MPKM), Fidélisa Magalhães ba jornalista sira hafoin reuniaun KM.

Planu vasinasaun nasionál kontra COVID-19 agora aprova ne’e prevé tuir rekomendasaun OMS nian katak, vasina di’ak liu ba kontestu Timor-Leste mak vasina “AstraZeneca”, tanba OMS konsidera vasina ne’e segura no efikaz no mós katak kondisaun nesesáriu sira armazenamentu no refrijerasaun, entre grau rua sentígradu no grau sentígradu ualu, ne’ebé eziste iha país no hanesan similár sira ba utiliza iha programa vasinasaun nasionál sira seluk.

Timor-Leste adere ona ba mekanizmu COVAX Facility no sei iha asesu gratuita ba vasina kontra COVID-19 ba porsentu 20 husi ninia populasaun. Akizisaun no implementasaun vasina ba populasaun porsentu 80 sira seluk ne’ebé iha hela prosesu diskusaun governamentál, hamutuk ho parseiru dezenvolvimentu prinsipál sira, tuir mobilizasaun rekursu sira, akizisaun no prestasaun servisu sira.

Parsela vasina dahuluk ne’e prevé karik bele disponiliza ba país iha inísiu trimestre daruak tinan 2021. Aprezentasaun ne’e konta mós ho partisipasaun Arvind Mathur, ne’ebé responsavél ba OMS iha Timor-Leste.

Planu vasinasaun ida-ne’e iha prinsípiu sira universalidade, gratuitidade, asesibilidade no ekuidade. Vasinasaun ne’e la’ós obrigatóriu, maibé ninia administrasaun bele forte ne’ebé rekomenda no enkoraja.

“Vasina ne’e sei administra tu-tuir malu ba grupu prioritáriu sira, to’o populasaun elejivél sira bele vasina hotu, mezmu kritériu asesu ba vasinasaun hanesan ekuitativu iha grupu nesesidade hanesan nia laran benefísiu vasina nian”, sita iha komunikadu ba imprensa.

Iha faze daruak, sei abranje husi populasaun porsentu 12, sei inklui sidadaun sira ne’ebé ho idade 60, liu-liu sira ne’ebé hela iha Rejiaun Administrativa Espesiál Oe-Cussse Ambeno (RAEOA), iha Díli, Covalima no Bobonaro. Iha faze ida ne’e sei abranje mós profisionál saúde, profesór, pesoál restaurasaun, loja no merkadu sira, pesoál konfisaun relijioza no líder komunitáriu no polítiku sira ne’ebé hela iha RAEOA ka iha munisípiu Díli, Covalima ka Bobonaro.

Grupu sira ne’ebé integra iha faze datoluk kona-bá porsentu 80 sira seluk husi populasaun ne’ebé hela iha Timor-Leste, sei define konstante ba evolusaun husi klíniku nasionál sira no ritmu fornesimentu vasina nian.

Vasinasaun ne’e sei efetua iha estabelesimentu Servisu Nasionál Saúde, sei aloka ekipa vasinasaun sira, liu-liu treinada hodi konsidera espesifikasaun sira husi vasina kontra COVID-19. oct

Lee hotu :   PR Lú Olo: Fó valór ba luta FALINTIL, Joven presiza estuda maka’as dezenvolve TL

Add to Comments Here!!!!

error: Content is protected.
Secured By miniOrange
You might also like:
PN presta omenajen ikus ba saudozu Julião Mausiri

Reprezentante povu iha uma fukun Parlamentu...

Lisun ameasa hapara distribuisaun sesta bázika

Jestór empreza Lisun, Pascoal Suri Mali,...

Governu bandu ema tama-sai Bobonaro no Covalima

Konsellu Ministru (KM) estraordináriu iha Segunda...

Close