JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Governu seidauk deside uza vasina AstraZeneca

Governu seidauk deside uza vasina AstraZeneca

Primeiru Ministru (PM), Taur Matan Ruak, hateten, to’o oras ne’e Governu seidauk deside atu uza vasina husi empreza farmaseútika AstraZeneca, hodi vasina populasaun Timor-Leste.

Tuir Taur, Governu sei estuda hela efitivadade vasina COVID-19 husi AstraZeneca, antes halo vasinasaun ba populasaun sira.

“Vasina ne’ebé mak Organizasaun Mundiál Saúde (OMS) rekomenda mai Timor-Leste mak AstraZeneca, maibé iha informasaun barak ne’ebé mak perturba ita, halo ita la hakmatek, tanba iha España sira hatete só faixa etária ema balu de’it husi populasaun tomak bele hetan balun labele. Iha Portugál ema ne’ebé ho tinan 65 labele simu vasina ida ne’e, iha Áfrika Súl sira haruka suspende tiha tanba nia efisiénsia. Entaun halo ita duvida, entaun horiseik iha Konsellu Ministru (KM) ami seidauk deside”, Xefe Governu ne’e hafoin enkontru semanál ho Prezidente Repúblika (PR), Fransisco Guterres “Lú Olo”, Kinta (11/02/2021).

Tanba tuir Xefe Governu, sei iha dúvida barak kona-bá vasina AstraZeneca ne’ebé rekomenda husi OMS hodi halo vasina ba populasaun Timor-Leste.

PM Taur afirma katak, oras ne’e dau-daun ezekutivu sei kontinua rekolla informasaun sira, relasiona vasina COVID-19 husi farmaseútika AstraZeneca.

“Entaun ha’u husu para kontinua rekolla informasaun OMS no aban ha’u husu enkontru ida ho OMS para sira garante mai ita vasina ida ne’e di’ak. Só que sira mós hatete vasina ida ne’e iha funsaun tolu importante, ida mak evita ema hetan COVID-19 grave, rua evita atu labele mate no tolu mak ema sira labele ba ospitál. Prontu iha forma jerál di’ak, mas ita hakarak iha serteza antes ita halo desizaun ida iha serteza katak, nia iha efisiénsia no efikásia ne’e iha’’, nia dehan.

Ministra Saúde, Odete Freitas Belo, fó sai ona ba públiku katak, Governu sei uza vasina COVID-19 husi Astrazeneca atu halo vasinasaun ba populasaun sira. Tuir planu husi Ministériu Saúde vasina ne’e sei to’o iha Timor-Leste iha fulan Abril no sei vasina ema sira ne’ebé iha liña frente. oct

Lee hotu :   Estrada difikulta komunidade Bobonaro

Add to Comments Here!!!!

error: Content is protected.
Secured By miniOrange
You might also like:
MS rejista tan pozitivu COVID-19 na’in 14

Ministériu Saúde (MS) rejista tan kazu...

Xanana simu medalla husi Eskola Fletcher

Líder Karismátiku, Kay Rala Xanana Gusmão,...

Governu susar lori mate-isin husi Austrália

Sekretáriu Estadu Formasaun Profisionál no Empregu...

Close