JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

PATIFOR husu DNRN servisu ho imparsiál

PATIFOR husu DNRN servisu ho imparsiál

Partidu Timor Forte (PATIFOR) husu ba Diresaun Nasionál Rejistu Notariadu (DNRN) servisu ho imparsiál, profesionalizmu no transparánsia, atu nune’e la prejudika sidadaun sira-nia direitu síviku harí Partidu Polítiku (ParPol).

“Ami husu ba Ministériu Justisa (MJ) no DNRN atu servisu ho seriedade, responsabilidade, imparsialidade, profesionalizmu no transparánsia, hodi nune’e labele prejudika sidadaun sira-nia direitu síviku atu harí ParPol, hodi kontribui mós ba dezenvolvimentu la di’ak povu nia moris, iha rai Timor-Leste ne’ebé ita hotu hadomi”, Prezidente PATIFOR, Gregório Saldanha liu hosi konferénsia imprensa iha sede PATIFOR, Farol-Díli, Tersa (02/02/2021).

Prezidente PATIFOR lamenta mós ho DNRN, tanba durante prosesu triajen iha fulan tolu nia laran, la notifika partidu hodi hadi’a kedas erru ne’ebé iha. No dau-daun ne’e orienta ona ekipa verifikasaun, hodi loke fali kaixa dokumentu rejistu nian ne’ebé uluk submete ba MJ liu hosi DNRN.

“Ordena fali dokumentu kartaun eleitorál no formuláriu rejistu nian sira ne’ebé dezorden hotu iha MJ no DNRN, hafoin simu fali kaixa dokumentu sira husi Tribunál Rekursu (TR), tun fali ba baze hodi kompleta kartaun eleitorál ka formuláriu rejistu orijinál balun ne’ebé lakon no la hetan legalizasaun husi MJ no DNRN, hafoin simu fali kaixa dokumentu sira husi TR”, tenik Gregório.

Ho nune’e, PATIFOR sei kompleta hikas dokumentu partidu ne’ebé TR indefere, hodi submete fali ba inskrisaun foun.

Entretantu TR indefere uluk partidu FITUN no Os Verdes de Timor, tanba dokumentu balun laiha asinatura no mós eleitorál sira la kompletu.

Nune’e mós, iha loron 21, fulan Janeiru ne’e TR hato’o notifikasaun hodi indefere tan PATIFOR no Partidu Dezenvolvimentu Sosiál (PDS), husu atu foti fali kaixa dokumentu sira atu hadi’a fali, nune’e submete fali rejistu foun tuir lei ParPol.

Tuir lei númeru 03/2004 kona-bá ParPol iha artigu 13 hateten, formalizmu no inskrisaun ne’ebé hateten iha númeru 1 no 2 sita klaru rekezitu sira kona-bá partidu ida tenke iha apoiante 1.500, husi idade 17 ba leten, iha estatutu, programa, denominasaun, sigla, bandeira, emblema no inu partidu nian no mós kada militante ida tenke nia asinatura ka karimbu rasik, ne’ebé la’ós asina husi funsionáriu kompetente rejistu sivíl nian. san

Lee hotu :   Alerjia ho liafuan PPN ilegál, CNRT sadik Aniceto Guterres hato’o keixa ba TR

Add to Comments Here!!!!

error: Content is protected.
Secured By miniOrange
You might also like:
COVID-19: Governu revé lei Eleisaun Prezidensiál

Ministru Administrasaun Estatál (MAE), Miguel Perreira...

Governu reativa sala situasaun SIJK

Governu liu husi despaixu Primeiru Ministru...

Sidadaun estranjeiru na’in lima pozitivu COVID-19, baixa 22

Ministériu Saúde (MS) liu husi Komisaun...

Close