JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

PM husu públiku labele ansi Governu foti OJE husi FP

PM husu públiku labele ansi Governu foti OJE husi FP

Primeiru Ministru (PM), Taur Matan Ruak, husu públiku labele ansi atu Governu foti la-lais Orsamentu Jerál Estadu (OJE) tinan 2021 husi Fundu Petrolíferu (FP), tanba Ministru Finansa fó sai ona katak, seidauk iha nesesidade atu halo levantamentu.

“Osan ne’e la’ós ita hanoin dehan ba foti de’it, ema ne’ebé mak jere osan ne’e mak Ministériu Finansa (MF), sé nia dehan seidauk iha nesesidade atu ba foti, bee ita sira iha liur ne’e ansi atu halo saída ne’e? Ita la presiza preokupa, nia mak hanesan dapur karik nia mak hatene, ema iha dapur ne’e hatene hahán to’o ba ita ka lae? La to’o, naturalmente nia tenke tein tan. Sé to’o, to’o ona”, PM Taur iha Palásiu Prezidensiál, Bairro Pite, Díli, Kinta (11/02/2021), hodi hatán kona-ba to’o oras ne’e seidauk halo levantamentu ba OJE 2021 husi FP.

Ho nune’e, Xefe Governu ne’e, husu atu públiku atu labele ansi Governu halo lalais levantamentu ba iha OJE 2021, ho montante billiaun USD 1.8.

Relasiona ho sirkulár husi MF ne’ebé husu atu foti orsamentu husi konta tezouru kada Ministériu ho montante pursentu hitu, hodi finansia Programa Sesta Bázika. Taur Matan Ruak, hateten, asaun Governu nian ne’e sei la fó impaktu ba funsionamentu mákina Estadu.

“Ne’e iha dekretu Governu nian ne’e fó dalan, por tanto Governu la halo buat ida ne’ebé mak viola lei. Halo buat hotu bazeia ba regulamentu, lei no dekretu lei sira ne’ebé mak ita iha, fora ida ne’e buat hotu loos hela, laiha problema”, subliña PM, Taur.

Antes ne’e, Xefe Estadu Maiór F-FDTL, Majór Jenerál Lere Anan Timur, sente triste, tanba fulan tolu ona F-FDTL laiha osan ba hahán, nune’e F-FDTL deve foos, mina ho tabaku, liu-liu ba forsa sira ne’ebé halo seguransa iha fronteira.

Tuir observasaun Jornal Nacional Diário iha portál transparénsia Kinta (11/2) ne’e, ezekusaun OJE 2021 ho montante billiaun USD 1.895 la’o ho pursentu 5.9, ho totál reseita husi ezekusaun pursentu rua. oct

Lee hotu :   CNRT–PD la partisipa serimónia hatur fali meza PN

Add to Comments Here!!!!

error: Content is protected.
Secured By miniOrange
You might also like:
Faustino: Ema tama ilegál mai TL ho motor ojek

Polísia Nasionál Timor-Leste (PNTL) identifika modus...

Governu seidauk deside uza vasina AstraZeneca

Primeiru Ministru (PM), Taur Matan Ruak,...

MS rejista tan pozitivu COVID-19 na’in 14

Ministériu Saúde (MS) rejista tan kazu...

Close