JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

PN ezije Governu klarifika FP sira seidauk simu saláriu

PN ezije Governu klarifika FP sira seidauk simu saláriu

Reprezentante povu iha uma fukun Parlamentu Nasionál (PN) husu Governu klarifika kona-bá polémika Funsionáriu Públiku (FP) seidauk simu saláriu, atu nune’e labele hamosu konfuzaun.

“Ha’u hakarak husu ba Governu data loloos servidór Estadu simu nia direitu ne’e iha sá data, tenke iha data fiksu ida, para labele halo ema bilin-bala hanesan ne’e, agora ne’e sé liu hosi data ida ne’e, ita boot sira tenke halo esplikasaun ba funsionáriu sira”, Deputada bankada CNRT, Virginia Ana Belo liu hosi ninia intervensaun iha plenária, Segunda (01-02-2021).

Deputada CNRT ne’e akresenta, FP sira ne’ebé presta servisu durante fulan ida ona, maibé to’o ohin loron seidauk simu sira-nia saláriu ne’e, tanba saída.

“Ita-nia funsionáriu ne’ebé mak seidauk simu saláriu hanesan enfermeiru sira, FP iha Ministériu Justisa (MJ), profesór sira barak tebes mak seidauk simu sira-nia saláriu, problema loloos iha ne’ebé, labele promete ba ita-nia ema sira hanesan ne’e, ami husu ho haraik-an ba ita boot sira”, dehan Virginia.

Deputadu PD, Adriano do Nascimento mós hateten, Governu presiza esplika problema kona-bá pagamentu saláriu tarde ba funsionáriu sira ne’e.

“Ha’u horiseik (31/1) forma liña iha ATM funsionáriu ferik ona nia sai mai nia oin aat, nia atu tanis, tanba nia saláriu seidauk tama, atu selu ema nia tusan oinsa, ha’u kasian loos dehan saláriu seidauk tama husu ita esplika took ba públiku problema ne’e iha ne’ebé, nune’e sira bele akompañia”, reforsa Adriano.

Hatán ba problema ne’e, Ministru Asuntu Parlamentár no Komunikasaun Sosiál, Francisco Jeronimo, hateten,  nia parte sei hato’o preokupasaun deputadu sira nian ne’e ba ministériu kompetente atu halo esplikasaun. ety

Lee hotu :   Kontra nafatin konstituisaun, Bankada Governu promete sei la defende OJE 2020

Add to Comments Here!!!!

error: Content is protected.
Secured By miniOrange
You might also like:
CPN: Rui Araújo prontu lori FRETILIN ukun iha 2023

Membru Comite Central FRETILIN (CCF) no...

PNTL sei aumenta membru iha liña fronteira

Porta-Voz Polísia Nasionál Timor-Leste (PNTL), Superintendente...

PNTL sei aumenta membru iha liña fronteira

Porta-Voz Polísia Nasionál Timor-Leste (PNTL), Superintendente...

Close