JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

PN kritika Governu atu fó subsídiu ba prizioneiru

PN kritika Governu atu fó subsídiu ba prizioneiru

Parlamentu Nasionál (PN) lamenta ho Ministériu Solidariedade Sosiál no Inkluzaun (MSSI) ho Ministériu Justisa (MJ) ne’ebé estabelese akordu intendimentu Memorandum of Understanding (MoU) hodi apoiu osan ba kada prizioneiru ida hetan USD 200, wainhira hetan ona liberdade totál husi prizaun.

Deputadu bankada PD, Adriano do Nascimento, kritika, loloos ne’e tenke fó apoiu ba profesór sira no profisionál saúde kontratadu ne’ebé voluntáriu hanorin estudante sira iha eskola no mós voluntáriu hodi atende pasiente ne’ebé moras iha ospitál no klínika sira.

“Ita mai ho polítika subsídiu ne’ebé la’ós nia fatin, promove ema halo para toba iha ne’ebá, mais dezenkoraja ema sira ne’ebé voluntáriu hanorin povu nia oan no serví povu iha ospitál”, Deputadu bankada PD ne’e liu husi ninia intervensaun polítika iha plenária, Tersa (09/02/2021).

Alénde ne’e deputada bankada CNRT, Maria Barreto, hateten, subsídiu ne’e razoável ba sidadaun ne’ebé sai desteradu iha Atauro no sobrevivente sira ne’ebé sai vítima durante invazaun Indonézia, tanba sira-nia dedikasaun no sofrimentu kontribui ba ukun rasik-an.

Tanba reprezentante povu ne’e konsidera, ema sira ne’ebé tama iha prizaun ne’e ema ne’ebé komete krime ne’ebé lei bandu, nune’e nia husu ba Ministru Justisa atu halo esplikasaun kona-bá razaun fó subsídiu ba prizioneiru ne’e.

“Nusa la fó subsídiu ba prizioneiru polítika ba ukun-rasik-an nian, tanba sira balun la hetan subsídiu, tanba sa la fó subsídiu ba sira? Tanba prizioneiru polítika nia luta to’o tama komarka luta ba ukun-rasik-an ida ne’e”, tenik deputada bankada CNRT ne’e.

Kona-ba krítika sira ne’e, Ministru Asuntu Parlamentár no Komunikasaun (MAPKOMS), Francisco Jerónimo, la fó resposta direta, maibé rejista hela preokupasaun deputadu sira nian, hodi kontinua hato’o ba ministériu relevante sira atu fó resposta. san

Lee hotu :   PR Lú Olo: Ha’u sei estuda karta koligasaun foun no demisaun PM Taur

Add to Comments Here!!!!

error: Content is protected.
Secured By miniOrange
You might also like:
Governu planeia transforma Atauro sai Munisípiu Espesiál

Ministru Administrasaun Estatál (MAE), Miguel Pereira...

Sidadaun estranjeiru na’in neen pozitivu COVID-19

Ministériu Saúde (MS) liu husi Komisan...

PTR: Harii Tribunál Supremu Justisa la’ós fásil

Prezidente Tribunál Rekursu (PTR), Deolindo dos...

Close