JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

PN preokupa kandidatu estudante UNTL valór boot la admitidu

PN preokupa kandidatu estudante UNTL valór boot la admitidu

Parlamentu Nasionál (PN) husu Governu  atu  halo  esplikasaun kona-bá prosesu selesaun ba rekrutamentu estudante foun ne’ebé atu asesu ba UNTL tinan 2021, tanba kandidatu estudante valor boot la admitidu, maibé sira ne’ebé ho valór ki’ik admitidu.

Deputadu PD, António da Conceição, hateten, iha semana kotuk Ministru Ensinu Superiór, Siénsia no Kultura (MESSK) fó sai ona rezultadu kona-bá admisaun ba UNTL, loos duni UNTL iha limititasaun fasilidade, hodi la fó meius ba Timor-oan hotu asesu UNTL.

“Ho rezultadu refere hamosu deskontentamentu hosi populasaun sira, tanba kandidatu estudante sira ne’ebé ho valór boot la admitidu, maibé ida ne’ebé ho valór ki’ik admite iha UNTL. Ha’u hanoin oportunidade ida ne’e  Ministru tenke pasa informasaun ba MESSK atu bele fó klarifikasaun ida ba prosesu selesaun ba todos rejime nian, nune’e populasaun iha klarifikasaun prosesu ne’ebé Ministru hala’o, hodi bele halo selesaun ba estudante sira, liu-liu ligadu ba rejime jerál nian“, Deputadu bankada PD ne’e liu hosi ninia intervensaun iha plenária, Segunda (08-02-2021).

Deputadu bankada FRETILIN, David Dias Ximenes “Mandati”, reforsa, atu hatene iregularidade ne’e presiza halo investigasaun.

“Ha’u atu reforsa buat ezame admisaun, ohin loron ema balun nia valór 40 la admitidu fali balun ne’ebé 30 resin admitidu fali, balun halo opsaun hakarak tama iha opsaun iha fakuldade medisina jerál ho valór 51, maibé derepente muda fali, ita-nia estudante ba iha área enjeñaria nia la motivadu ona estudante sira ne’e, sira tama iha ne’ebá ho motivasaun ida, balun iha valór 40 hakarak tama ba fakuldade direitu, maibé tau fali ba lista despera tan fali. Ministériu sira-nia preokupasaun ba polítika iha área ne’ebé sira veinkuladu ba kestaun téknika entrega ba tarefa instituisaun sira ne’ebé universitáriu. Ha’u husu la’ós atu kondena ema karik bele ita investiga to’ok atu haree ireguralidade sira rejide para ita koriji, la’ós atu kondena”, tenik Mandati.

Deputadu bankada PLP, Francisco de Vasconcelos, husu klarifikasaun husi MESSK kona-bá kandidatu estudante ne’ebé valor boot UNTL la admite.

“Ha’u atu partilla informasaun kona-bá selesaun ne’ebé Ministériu Ensinu Superiór halo, ha’u ko’alia ho Ministru ha’u mós iha alin na’in 5, kuaze na’in 5 ne’e valór boot hotu de’it, ha’u husu Ministru afinál labarik sira hili ne’e, sé valór 35 la pasa fatin ne’ebé ema fó ba hanesan enjeñaria nia 35, maibé simu de’it 20 resin, sira ne’ebé valór liu nia tenke hela duni. Depende estudante sira hili departamentu hanesan iha área medisina nia valór 52 la pasa duni, tanba ema sira-nia valór 53 barak liu, entaun muda nia fatin seluk envez de esklui de’it muda ba fatin seluk. Sé tuir departamentu ne’ebé kandidatu UNTL hili nia labele pasa, tanba nia valór 52 na’in 30 resin ne’e kuaze valor 53 ba leten hotu. Tanba ne’e PN halo to’ok fiskalizasaun ba asuntu refere, labele jeneraliza, maibé haree ba kada fakuldade”, subliña deputadu bankada PLP ne’e. 

Antes ne’e, iha  loron  5, fulan ne’e, Ministru Ensinu Superiór Siénsia no Kultura, Longuinhos dos Santos, fó sai rezultadu kandidatu estudante UNTL no Institutu Politékniku Betano (IPB) tinan 2021 hamutuk 500 resin ba rejime jerál ho espesiál.

Husu ba CAES ho MESSK

Reitór Universidade Nasionál Timor Lorosa’e (UNTL), João Soares Martins, konsidera, polémika ba selesaun estudante foun ne’ebé durante ne’e hetan komentáriu barak husi públiku hanesan responsabilidade Comissão de Acesso ao Ensino Superior (CAES) no Ministério do Ensino Superior, Ciência e Cultura (MESCC).

“Prosesu selesaun tomak iha CAES ne’ebé diriji husi MESCC no Prezidente CAES ne’e mak Diretór Jerál Ensinu Superiór, UNTL hola parte no ami-nia membru na’in rua mak hola parte, kona-bá iregularidade ou la’e kuandu ita seidauk halo avaliasaun ita seidauk bele dehan, di’ak liu mak husu ba CAES no MESCC”, Reitór UNTL ne’e hafoin ho Ekipa Foun Reitorál halo enkontru ho Primeiru Ministru (PM), Taur Matan Ruak iha Palásiu Governu, Segunda (08-02-2021).

João Martins esplika, ba estudante foun ou ema balun ne’ebé la satisfaz ho rezultadu ne’ebé fó sai ona bele halo protesta CAES no MESCC, tanba UNTL hein simu de’it lista estudante ne’ebé selesionadu ona.

“Karik ema ruma la kontente bele halo protesta, maibé lista mai ami ne’e lista finál, labele aumenta ou hakuran, UNTL mantein lista ne’e fixu”, nia afirma.

Bazeia ba rezultadu ne’ebé publika husi CAES totál estudante foun ne’ebé admitidu asesu ba UNTL hamutuk 5.282.

Iha enkontru ho Xefe Governu ne’e, Ekipa Foun Reitorál hato’o mós informasaun kona-bá planu prioridade ne’ebé sei realiza iha períodu tinan lima nia laran. ety/ida

Lee hotu :   PM Taur: Halakon rezolusaun, aplika lei ba GAM

Add to Comments Here!!!!

error: Content is protected.
Secured By miniOrange
You might also like:
MEJD kansela kontratu ho ajente Administrasaun Públika 90 resin

Ministériu Edukasaun Juventude no Desportu (MEJD)...

Haree progresu servisu, PM vizita Portu Tibar

Primeiru Ministru (PM), Taur Matan Ruak...

LABEH: Estadu labele kontente ho índise korrupsaun TL nian tun

Estadu labele kontente uluk ho índise...

Close