JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

PN presta omenajen ikus ba saudozu Julião Mausiri

PN presta omenajen ikus ba saudozu Julião Mausiri

Reprezentante povu iha uma fukun Parlamentu Nasionál (PN), Kinta Lejislatura liu hosi plenária Segunda (15/02/2021) ne’e, presta omenajen ikus ba saudozu Julião Augusto Mausiri ho kódigu ‘Metan Zebra’ no fó votus pezár unanimidade a favór 53.

Hafoin ukun-rasik-an, saudozu Metan Zebra, kontinua kontribui nu’udár deputadu iha Primeira Lejislatura iha asembleia konstituente, reprezentante hosi Partidu Demokrátiku (PD).

Bankada parlamentár hotu, rekoñese ‘Metan Zebra’ nu’udár eroi ne’ebé nia kontribuisaun barak tebes ba Timor-Leste nia independénsia, liu hosi organizasaun rezisténsia Juvenil no luta libertasaun pátria.

“Sakrifísiu ne’ebé kompañeiru fó mak sosa mós ukun-rasik-an ne’e, Timor-Leste rejista iha istória pasajen hotu ne’ebé lutadores Timor-oan mós fó, ne’ebé ohin ema barak mós fó, ne’ebé ita-boot mós fó. Lori bankada PD nia naran hato’o ami nia sentidu kondolénsia ba mana (fen-faluk) ho oan sira hotu ne’ebé oras ne’e lutu, Na’i Maromak fó nia hetan rahun di’ak nafatin”, afirma Xefe bankada PD, deputadu António da Conceição ‘Kalohan’, iha intervensaun bankada nian.

Nune’e mós, deputadu bankada FRETILIN, David Diaz Ximenes ‘Mandati’, haktuir, saudozu Mausiri fó nia enérjia no matenek tomak atu kontribui ba libertasaun nasionál, nia la sura nia kolen, nia la sura nia terus ba luta ukun-rasik-an.

“A vossa memória é alfa diamantina sois lorico Asuwa’in filhos Mauberes verdadeiros herois da nossa pátria, elevo este omenagen é motiva e censera não preto maior ergendo nas vilhas cidade no solo Maubere. Hoje os de outro hora que aqui tem o culto prene e dos recentos aqui envocados o destino ligounos a todos ”, afirma deputadu Mandati.

Xefe bankada PUDD, António de Sá Benevides, hatutan, sofrimentu hotu ne’ebé mak saudozu Mausiri enfrenta iha luta ba libertasaun nia folin boot tebes ba rai doben ida ne’e.

“Terus naruk ne’ebé maun Mausiri hetan, laiha metru ne’ebé ita bele sukat, nia kolen no todan ne’ebé nia lori, laiha dasi ida mak ita uza, atu bele tetu”, tenik Xefe bankada PUDD ne’e.

Saudozu antes ne’e mós asume kargu nu’udár Chefe Unidade Jurídiku iha prizaun Becora. No iha tinan 2014 to’o 2015 nu’udár Ofisiál ba Diresaun Promosaun no Marketing iha Ministériu Turizmu Komérsiu Indústria (MTCI-Sigla Portugês) no sai mós nu’udár Diretór Nasionál ba Asuntu Komérsiu Internu. No pozisaun ikus, nu’udár Xefe Unidade Jurídiku iha MTCI to’o hakotu nia peregrinasaun.

Saudozu Julião Agosto Mausiri ‘Metan Zebra’ moris Díli,  iha loron 17, fulan Juñu, tinan 1966 no hakotu nia peregrinasaun ikus iha loron 12, fulan Fevereiru, tinan 2021.

Matebian nu’udár oan ba dala-3 hosi maun alin na’in 4 no husik hela feen Olinda da Costa Kumau ho oan na’in 5. say

Lee hotu :   SRJE fó omenajen ba saudozu Sebastião Gomes "Jorge Serrano : Tenke konta istória ho loloos"

Add to Comments Here!!!!

error: Content is protected.
Secured By miniOrange
You might also like:
Lisun ameasa hapara distribuisaun sesta bázika

Jestór empreza Lisun, Pascoal Suri Mali,...

Governu bandu ema tama-sai Bobonaro no Covalima

Konsellu Ministru (KM) estraordináriu iha Segunda...

Heineken hapara traballadór Timor-oan, uza fali estranjeiru

Reprezentante povu iha uma fukun Parlamentu...

Close