JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Alerjia ho liafuan asalta podér, Bankada Governu “raut malu” ho opozisaun

Alerjia ho liafuan asalta podér, Bankada Governu “raut malu” ho opozisaun

Deputadu sira husi Bankada Governu hanesan KHUNTO no Fretilin, la simu no nervozu loos ho deklarasaun bankada CNRT nian katak, ukun ida agora ne’e rezultadu husi asalta podér ne’ebé planeadu, nune’e hamosu kedas diskute malu ho tensaun maka’as entre bankada Governu ho opozisaun sira.

Tuir observasaun GMN, iha diskuti malu entre to’o atu baku malu sal-sala ne’e, bankada opozisaun CNRT ho bankada Governu, laiha deputadu ida mak atu rende ba malu, sira foti liman hatudu ba malu.

Deputadu sira husi Bankada CNRT dehan, CNRT sees-an husi VIII Governu tuir konstituisaun no nunka kontra konstituisaun, maibe   bankada Fretilin ba tonka fali VIII Governu ida ne’e maske kontra konstituisaun, maibe la interese, hodi ikus mai asalta podér duni hodi ukun ho defaktu.

Deputadu bankada CNRT, Domingos de Carvalho iha nia intervensaun hatete, CNRT ne’ebé lidera husi Kay Rala Xanana Gusmão, ho nia ema sira la’ós stress ba ukun hanesan ema koalia, tanba faktus hatudu katak, líder sira ukun dadauk agora ne’e, Xanana Gusmão, mak fó, no Xanana Gusmão apoia mak povu foin fó fiar hodi sa’e ba ukun. Maibe ukun tiha, haluha ona hodi nafatin fó sala Maun Bo’ot Xanana.

“CNRT ne’e la’ós stress fali ba ukun, maun Xanana ne’e hakarak ukun ne’e, nia ukun to’o mate de’it, maibe nia foti fó-foti fó ukun ne’e, depois fila kontra fali nia, foti ida ne’e fila kontra nia, ne’e mak faktus, ne’e duni buat ida stress kona-bá ukun ne’e laiha ida. Ami ne’e xoke kuandu rona liafuan ida stress ba ukun ne’e, horibainhira mak stress ba ukun? se nia stress ba ukun nia fó ba ema seluk ukun halo saida,”dehan Deputadu CNRT, Domingos de Carvalho iha nia intervensaun ba plenária, Tersa (9/3/2021) iha Parlamentu Nasionál.

Lee hotu :   Horta husu Xanana-Governu diálogu ho PR ba alterasaun LAP

Rona tiha deputadu husi bankada CNRT nia deklarasaun ne’e halo deputada Fretilin, Angélica Rangel, halo kedas reajen hodi dehan, ukun ne’e la’ós eis Prezidente Repúblika, Kay Rala Xanana Gusmão mak fó deit.

“Ukun ne’e povu mak fó liuhosi eleisaun, la’ós Xanana mak fó, povu fó tiha, imi mak sobu malu ne’e, la’ós ami mak hadau poder,”responde deputada Fretilin, Angélica Rangel.

Nune’e mós deputadu KHUNTO, Luis Roberto, subliña, Kay Rala Xanana Gusmão ema hotu nian no povu hotu nian, la’ós CNRT nian mesak, nune’e labele polítiza líder istóriku sira.

“Bankada KHUNTO mai iha PN, la’ós ema pesoál ida mak fó de’it, maibe mai iha PN, tanba povu mak fó. Xanana ne’e la’ós deputadu CNRT 21 ne’e nian de’it, Xanana ne’e ita hotu ninian, Timor-oan tomak nian, naran Xanana, ita sai vítima ba ne’e barak iha TL ida ne’e, la’ós deputada deputadu sira 21 ida ne’e nian de’it,”afirma deputadu KHUNTO ne’e.

Ho dezintendimentu ne’e, Prezidente Parlamentu Nasionál, Aniceto Guterres ensera plenária, antes fó kompeténsia ba reprezentante Governu responde preokupasaun povu nian, ne’ebé aprezenta hosi deputadu sira rasik.Say

 

Add to Comments Here!!!!

error: Content is protected.
Secured By miniOrange
You might also like:
Deputadu no funsionáriu PN halo teste rastreiu ba COVID-19

Ekipa saúde halo ona teste swab...

PNTL blokeia ona estrada iha pontu entrada lima

Polísia Nasionál Timor-Leste (PNTL) munisípiu Díli...

Kazu pozitivu COVID-19 iha Díli identifika tan 13, atuál baixa 48

Kazu pozitivu COVID-19 iha Díli, loron...

Close