Enkontru Horta ho Lú Olo la koalia osan TL iha BFA

Tersa-Feira (30/03) ne’e, Laureadu Nobél da Paz, José Ramos Horta hetan konvite hosi Xefe Estadu, Francisco Guteres Lú Olo, hodi halo diálogu kona-bá situasaun atuál, maibé la diskuti kona-bá Orsamentu Jerál Estadu (OJE) sei iha Banko Federal Amérika (BFA) ne’ebé durante ne’e sai diskusaun públiku ni’an, maske hetan ona promulgasaun hosi Prezidente Repúblika, maibé to’o ohin loron Governu seidauk halo levantamentu.

“La koalia ba ida ne’e, tanba ne’e la’os ha’u nia knar, ne’e prezidente la bolu ha’u atu koalia fali orsamentu ne’e, se preimeiru bolu karik ha’u la’os atu koalia kona-ba orsamentu jerál Estadu, kontinua koalia buat sira ne’ebé sira hatene ha’u bele fó kontribuisaun ruma”,argumenta José Ramos Horta, hafoin enkontru ho Prezidente Repúblika, Francisco Gueterres Lú Olo, iha Palásiu Prezidensiál, Bairo-Pite, Tersa (30/03).

Antes ne’e, Ministru Finansas (MF), Rui Gomes, deklara, iha loron 05 fulan Janeiru katak, seidauk iha nesesidade atu halo levantamentu fundu petrolíferu, hosi Banco Central de Timor-Leste, tanba sei iha hela saldo tezoru Estadu  sufisiente.

“Ministériu finansas hanoin katak seidauk nesesidade atu halo pedidu ba banco sentral, tamba ita nia liqudez sei iha, tamba osan sei iha ita la presiza halo pedidu lai. Liquidez ne’e hamutuk dólar tokon 325 portanto ida ne’e to’o. Ami sei monitoriza buat sira lor-loron, portanto a medida que liquedez ne’e tun tokon 200.ami sei halo pedidu ba banku sentral”.

Antes ne’e mós, Vise Governador Banco Central de Timor-Leste (BCTL), Venâncio Alves Maria, hateten, BCTL hein hela instrusaun hosi governu liu-liu Ministériu Finansas, atu halo transferénsia Orsamentu Jerál Estadu tinan 2021 hodi halo ezekusaun.

“Mekanismu prosesu polítiku hotu iha parlamentu, prezidensia kuandu publikadu ona iha jornal da repúblika, buat hotu loos ona ministériu finansas haruka instrusaun mai ho dokumentus relevante sira ne’ebé mak anexu, iha ne’eba kuandu prenxidu hotu dokumentu rekerimentu ne’ebé mak iha akordu jestaun operasional BCTL exerse ninia responsabilidade transfere osan ba konta estadu”.dehan.

Orsamentu Jeral Estadu (OJE) tinan 2021, ho montante billiaun USD 1.895 hetan ona aprovasaun iha Parlamentu Nasional no mós promulga ona hosi Xefe Estadu, iha fulan Dezembru tinan 2020. Ina