JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

EUA sei oferese aviaun ida ba TL kontrola marítima

EUA sei oferese aviaun ida ba TL kontrola marítima

Estadus Unidus Amerika (EUA), sei rehabilita pista Aeroportu Baucau, no  oferese aviaun Ida (1) ba Governu Timor-Leste (TL), hodi uza ba halao patrullamentu iha área maritima nasaun ne’e nian.

Embaixadór Estadus Unidus iha Timor-Leste, Kevin Blacktone hatete ba Jornalista sira, hafoin hasoru malu ho Primeiru Ministru, Kinta (25/03), iha Palásiu Governu.

Kevin Blacktone, hatete, Estadus Unidus Amerika (EUA), kontinua ho programa ne’e ,tanba  iha tinan 2018, Timor-Leste hato’o ona pedidu ba Estadus  Unidus Amerika, atu halo rehabilitasaun ba pista Aeroportu Baucau , liu husi diálogu defeza bilateral ba área defeza iha Hawaii, no Estadus Unidus Amerika aprova Timor-Leste nia pedidu refere.

“Hau nia prioridade sira iha Timor-Leste ne’e, kona-ba ida ne’e maka, atu finaliza negosiasaun kona-ba dokumentu ne’ebe que depois sei aprova ,ezemplu rehabilitasaun aeroportu Baucau ne’e bele avansa ona ba oin, ho orsamentu USD 10 Milhoes ne’e sei apoiu ba rehabilitasaun pista aeroportu Baucau nian ,hari’i armazen ida hodi tau kareta governu, atu fornese aviaun sestra ida ba governu atu nune’e Timor-Leste bele uza ba halo patrullamentu ba ninia área maritíma”,dehan embaixadór

Antes nee programa asisténsia  iha ámbitu kooperasaun hanesan mós ho Autrália ne’ebe sei fó apoiu ró patrullamentu tasi nian ba Timor- Leste.

Diplomata Amerikanu nee dehan rehabilitasaun ba aeroportu Baucau ne’e,  Estadus Unidus laiha planu atu uza aerportu ne’e, tanba kampu aviausaun ne’e pertense ba Timor-Leste nian, kuarker desizaun iha futuru kona-ba aviasaun Baucau ne’e desizaun Governu Timor ninia.

Rehabilitasaun ba pista Aeroportu Baucau ne’e, Estadus Unidus Amerika sei fó apoiu orsamentu USD 10 Milhoes ,hodi uza atu konstroe lutu haleu aeroportu, rehabilita pista aeroportu, hari’i armazen ba kareta sira, no aviaun ne’ebé sei haruka mai Timor-Leste, inklui formasaun kona-ba manutensaun aviaun nian.

Lee hotu :   STAE deskute sigla parpol no imprimi buletin votus

Embaixadór Estadus Unidus iha Timor-Leste,esplika  aviaun ne’ebé atu oferese mai Timor, dadaun ne’e iha hela faze konstrusaun, no sei haruka mai Timor-Leste iha tinan 2021 ne’e nia rohan.

Antes atu realiza rehabilitasaun aeroportu Baucau ne’e, Kevin Blacktone, sei hasoru malu ho Vise-Primeiru Ministru, José Maria dos Reis hodi halo konkordansia hafoin implementa projetu ne’e.

Osan tokon USD 1.6  responde COVID-19

Estadus Unidus Amerika (EUA), apoia osan tokon USD 1.6 ba governu Timor-Leste, hodi responde ba situasaun COVID-19 ne’ebé nasaun ne’e infrenta.

“Ami tau ketak osan balu atu fó apoiu ba parte COVID-19 ,defaktu ami fornese ona osan hamutuk 1.6 Milhões sivikamente   ba COVID no ami planeia hela atu fornese tan ,atu apoia inisitiva fahe informasaun ba publiku, halo prevensaun ba COVID-19 no apoia ba parte kontrola fronteira nian, depois iha nivel global mundial nian Estadus Unidus mos komprimitidu fó apoiu Bilhoes de dolar ba iha inisitiva vasinasaun COVID-19 nian”,dehan ambaixador.

Estadus Unidus Amerika mós  planeia atu apoia tan orsamentu ba governu Timor-Leste, maibé seidauk esplika detallu husi Embaixadór Estadus Unidus Amerika iha  Timor-Leste ne’e.

Timor-Leste mos adere ona ba mekanizmu COVAX facility no sei iha asesu gratuita ba vasina AstraZeneca 20%.

Enkuantu akizisaun no implantasaun vasina ba populasaun 80% sei iha hela prosesu diskusaun governamentál nian, hamutuk ho parseiru dezenvolvimentu prinsipal nian, tuir mobilizasaun rekursu akizisaun no prestasaun servisu sira.Tos

Add to Comments Here!!!!

error: Content is protected.
Secured By miniOrange
You might also like:
Renovasaun no rejuvenezsia iha FRETILIN inevitável

Lider históriku partido FRETILIN, Jose Ramos...

Tribunál fó liberdade ba prizioneiru Bernardo Soares

Tribunál Distritál Baucau liuhosi Juíza Florência...

PTR la fó komentáriu ba kazu Kalbuadi

Prezidente Tribunal Rekursu (PTR), Deolindo dos...

Close