JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

FRETILIN kritika Xanana kontra SS, CNRT defende

FRETILIN kritika Xanana kontra SS,  CNRT defende

Xefe bankada FRETILIN, deputadu Francisco Miranda Branco kestiona Prezidente CNRT, Kay Rala Xanana Gusmão, kontra regra Serka Sanitária (SS)  ne’ebé bandu halibur malu iha fatin públiku. Tanba ne’e, bankada CNRT husu Polísia Nasional Timor-Leste (PNTL) diak liu ba kaptura deit líder nasionál Xanana iha ninia rezidénsia Lecidere, Díli, hodi submete ba investigasaun.

Deputadu Francisco Miranda Branco, afirma, sidadaun presiza kumpri regra Estadu Emerjénsia, nune’e labele viola desizaun ne’ebé Estadu hasai.

 “Iha situasaun ida ne’e, ami rejista ema balun hakarak halo rezisténsia, hasoru desizaun Estadu nian, hodi dehan COVID-19 ne’e polítika de’it, píor liutan, kuandu deklarasaun sira ne’e hasai hosi líder bo’ot nasaun nian balun, eis prezidente, eis primeiru ministru balun, ha’u bele síta sr. Xanana Gusmão nia deklarasaun, hodi halo rezisténsia kona-bá Estadu Emejénsia ida ne’e, dehan ida ne’e polítika de’it. Ha’u hanoin ita presiza koríji iha situasaun ida ne’e, Estadu  ida ne’e Repúblika Demokrátika Timor-Leste, ne’e duni ita presiza hakru’uk ba ida ne’e. Órgaun soberania Estadu nia mak dekreta no deside ida ne’e, ita presiza hakru’uk ba ida ne’e, laiha esesaun, Estadu ne’e la’ós ema ida nian, Estadu ne’e povu TL nian. Labele halo Estadu  ne’e sai fali propriedade pesoál ida, favor ida, hakru’uk ba Estadu nia desizaun.”hateten deputadu Fretilin ne’e.

Hatán ba deklarasaun Fretilin nian ne’e, deputadu CNRT, Marcos Xavier, husu ba Polísia Nasionál Timor-Leste, diak liu hakat liu deit ba líder nasionál, Kay Rala Xanana Gusmão nia uma iha Lecidere, Díli, hodi kaptura deit.

“Fretilin koalia ema balu dehan COVID-19 ne’e, COVID buatan. Ha’u hanoin ita bo’ot sira koalia refere ba maun bo’ot Xanana. Maun bo’ot Xanana lor-loron la’o hela iha Díli laran, se agora Governu imi mak kaer, tanba saida imi laiha kbiit? Bele tesik ba iha ninia rezidénsia iha Lecidere ba kaer kedas nia iha ne’eba, investiga tok tanba saida maun bo’ot Xanana hasai nia deklarasaun ida hanesan ne’e? lalika ita mai iha parlamentu mak hatete hanesan ne’e, mas no fim ita bo’ot sira mos la brani para kaer maun bo’ot Xanana para lori ba investigasaun”,dehan deputadu Marcos Xavier.

Lee hotu :   Lori rezultadu diak ba TL, Xanana sei halo kampaña ba AMP

Entretantu deputada CNRT, Virgínia Ana Belo, rejeita Fretilin nia deklarasaun ne’ebé manipula faktus hodi la tuir realidade ne’ebé iha, tanba Xanana nunka hasai deklarasaun ofisiál ba públiku katak, COVID-19 ne’e polítika.

“Xanana nunka halo deklarasaun ba públiku, katak COVID-19 ne’e polítika, nunka mais, hanoin ita hotu-hotu sei lembra hela, durante ne’e Maun Bo’ot Xanana la’o, hodi hateten ba populasaun sira, oinsa sira atu proteje sira-nia an, hosi moras ida ne’e. Ha’u hanoin, se ita bandu ema hotu-hotu labele hasoru Maun Xanana, di’akliu halo lei ida, para kuandu Maun Bo’ot Xanana kuandu sai ba fatin ruma, ema labele mai besik, halo lei ida para bandu tiha, ou tau netik sírku  ida iha nia uma para depois nia labele sai. Se agora nia sai ba buka hahán mak ema mai besik nia,  ne’e nia mak sala ka? Depois Repúblika Demokrátika ne’e lakon tiha ona nia valór ne’e, bainhira golpe de Estadu ka hadau poder iha PN ne’e,”responde deputada opozisaun ne’e.

Maske nune’e, durante ne’e, líder karismátiku, Kay Rala Xanana Gusmão, mós halo asaun karitativa, hodi fó apoiu ba komunidade ne’ebé hasoru situasaun difísil, durante pandemia COVID-19.

Iha video ne’ebé viral iha media sosiál, Kay Rala Xanana Gusmão, hatete, COVID-19 ne’e tenke iha distansiamentu sosiál tuir desizaun Estadu nian relasiona ho COVID-19. Maibe povu sira hatete fali katak, COVID-19 iha Timor ne’e laiha, ne’ebé povu sira mak hadau malu hodi hobur hamutuk hakarak ba hasai foto hamutuk ho Xanana, bainhira líder karismátiku ne’e sosa hela hahán ruma iha loja Audian ba nia nesesidade lor-loron nian.

Lee hotu :   Promete bongkar mafia, CNRT: Bainhira mak MJ bongkar mafia

“Heiiiii Polísia sira, imi mai kaer ema sira ne’e (komunidade sira ne’ebé ba hobur Xanana atu hasai foto), agora ne’e COVID-19 labele besik malu,”dehan Xanana iha Audian bainhira nia ba sosa hela hahán ba ninia nesesidade lor-loron nian, Domingu (21/3/2021).Say

Add to Comments Here!!!!

error: Content is protected.
Secured By miniOrange
You might also like:
Estudante DIT triste la tuir prosesu aprendizajen liu husi Online

Estudante sira Díli Institute Of Technology...

Ekipa Pilár VI-MS koloka ona iha Kasa-Nafar

Ekipa pilár VI husi Ministériu Saúde...

Tenta korta dalan ba Baucau, PNTL kaptura ema 13 submete ba teste swab

Ekipa  Ministériu Saúde (MS) hala’o teste swab...

Close