JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Governu altera lei OJE 2021 responde ba situasaun COVID-19

Governu altera lei OJE 2021 responde ba situasaun COVID-19

Governu halo alterasaun ba lei Orsamentu Jerál Estadu Tinan (OJE)  2021, atu foti osan  tokon USD 200, hodi responde ba situasaun  epidemiolójika COVID-19.  Alterasaun ne’e, sei aprezenta ba Parlamentu Nasionál ho pedidu prioridade no urjénsia.

Ministru Prezidensia Konsellu Ministru, Fidelis Manuel Leite Magalhães, hatete Konsellu Ministrus aprova projetu Proposta Lei ba alterasaun dahuluk ba lei númeru  14/2020, loron 29 fulan, Dezembru, ne’ebé aprova Orsamentu Jerál Estadu ba tinan 2021, hodi fó resposta ba situasaun epidemiológica COVID-19 nian, ho nia efeitu ekonómiku no social.

Fidelis Manuel leite Magalhães ,hatutan  alterasaun ne’e, reseita konsolida sira Setór Públiku Administrativu nian, sa’e ba dolar amerikanu milaun rua resin (2.165,1),  reseita órgaun no servisu Administrasaun Sentrál nian sa’e ba dolar amerikanu Millaun  Ida Resin (1.932,5),  Orsamentu Rejiaun Administral Espesiál Oekuse Ambeno no Seguransa Sosiál sei la afetadu.

Governante ne’e esplika alterasaun ne’e atu finansia konjuntu ida husi medida prinsipál Neen (6) ne’ebé Governu prepara hanesan,  apoiu ba empregu, moratória kréditu nian, izensaun propinas, akizisaun alimentu, apoiu ba profisionál liña oin no medida prevensaun no mitigasaun COVID-19.

Iha ámbitu medida apoiu ba empregu,  preve atribuisaun subsídiu estraórdináriu ,  ho períodu fulan tolu,  hahú husi Marsu to’o Maiu tinan 2021. Nune’e mós  ba traballadór sira ne’ebé serbisu ba ema seluk ho montante ekivalente ho 70% husi saláriu, ba setór sira atividade nian ne’ebé legalmente iha impedimentu hodi halo operasaun  50%, husi remunerasaun ba setór sira ne’ebé halo hela operasaun hanesan bai-bain.

Entidade empregadór no traballadór sira,  sei dispensa husi dever pagamento kontribuisaun sosiál relativa ho rendimentu ne’e.

Lee hotu :   Governu sei vasina uluk populasaun porsentu ualu

Governante nee mos esplika ba traballadór independente sira, emprezáriu individual, traballadór sira servisu doméstiku nian ,  jerente no administradór sira,  prevé  mós atribuisaun subsídiu estraordináriu,  hanesan ba periódu fulan Tolu (3) ekivalente ho 8%,  husi valór remunerasaun konvensionál, sira mós sei dispensa husi dever pagamentu kontribuisaun sosiál relativa ba rendimentu ne’e, Inklui mós medida hanesan traballadór sira ne’ebé hala’o atividade informal,  durante sira halo ba ninia formalizasaun hamutuk ho Institutu Nasionál Seguransa Nasionál.

Alende prevé mós subsídiu estraordináriu dezempregu nian ba traballadór inskritu sira no ho kontribuisaun realiza ona ba seguransa Sosiál,  ho montante  40%  husi valór remunerasaun konvensionál relativa ho eskalau dala 1.

Husi osan ne’e mos propoin  atu  fó subsidiu ba  pagamentu propinas ba estudante ensinu superór sira,  ne’ebé labele hala’o ensinu prezensiál,  to’o USD 150.

Prevé akizasaun ai-han husi produtór nasionál sira husi Sentru Lojístika Nasionál ba distribuisaun husi ema no família sira ne’ebé presiza liu.

Nia dehan parte husi reforsu OJE 2021, sei utiliza mós hodi finansia medida prevensaun no mitigasaun COVID-19, liu-liu relasiona ho implementasaun programa vasinasaun no akizisaun materiál  ba teste sira,  no tratamentu kona-ba moras internadu, konstrusaun fatin izolamentu no kuarentena foun.

Governu sei prevé mos iha Proposta Lei ne’e, osan apoiu ba profisionál liña oin, ba atividade Sentru Integradu Jestaun Krizi, ba Programa Sesta Bázika no reforsu estok foos iha Sentru Lojístiku Nasionál.Tos

Add to Comments Here!!!!

error: Content is protected.
Secured By miniOrange
You might also like:
SJIK ho embaixadór RI diskute mekanizmu prevensaun COVID-19 iha fronteira

Ekipa Sentru Integradu Jestaun Krize (SJIK)...

Povu moris susar iha SS, PN husu Governu labele “gava-an” deit iha média

Deputadu bankada PD iha Parlamentu Nasional...

COVID-19: Kazu konfirmadu foun 16, atuál baixa 227

Kordenador Forsa-Tarefa ba Prevensaun no Mitigasaun...

Close