Governu renova SS iha Baucau no Viqueque to’o 2 Abril

Governu realiza reuniaun estraordinária Konsellu Ministru, hodi aprova projetu rezolusaun Governu, ba renovasaun inpozisaun Serka Sanitária (SS)  no konfinamentu domisiliáriu jerál ba populasaun iha munisípiu Baucau no Viqueque, to’o tuku 23:59, loron 2, fulan Abril, tinan ne’e.

Governu renova Serka Sanitária iha munisípiu Baucau no Viqueque  ba loron rua (2), Abríl, tinan 2021, tanba munisípiu rua ne’e sei rejista kazu pozitivu COVID-19.

Iha reuniaun ne’e, Governu husu ba Komunidade atu mantein nafatin, régra sira hotu, ne’ebé antes ne’e defini ona, iha Rezolusaun Governu númeru/ 17/2021/ 18/2021/ 19/2021 no 20/2021 loron 15, fulan Marsu, ne’ebé impoin serka sanitária, no konfinamentu domisiliáriu iha munisípiu rua ne’e.

Desizaun ne’e, kontinua bandu sirkulasaun ema nian, entre munisípiu rua ne’e, ho sirkunskrisaun administrativa sira-seluk, ezetu iha kazu sira ho fundamentu forte, tanba razaun seguransa públika, saúde públika, asisténsia umanitária, manutensaun husi sistema abastesimentu públiku, ka ba realizasaun interese públiku nian.

Antes ne’e Munisípiu Baucau no Munisípiu Viqueque ne’e Governu deside implementa Serka Sanitária ba semana rua, hahu 15 Marsu too 29 Marsu, tanba rejista kazu pozitivu Covid-19, maibe too data nebe determina, sei iha kazu pozitivu Covid-19 nunee aumenta tan semana id aba 2 Abril. Tos