JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Ke’e estraga foho lolon sira, PN bolu atensaun ba Governu atu kontrola

Ke’e estraga foho lolon sira, PN bolu atensaun ba Governu atu kontrola

Xefe bankada Fretilin, deputadu Francisco Miranda Branco, bolu atensaun ba Governu atu kontrola kompañia no komunidade sira ne’ebé ke’e foho lolon sira hodi estraga ai-horis sira.

Reprezentante povu ne’e hateten, ho aktu sira ne’ebé kompañia sira halo, sei estraga ambiente ne’ebé nia implikasaun ba bee moos iha futuru oin mai, liu-liu iha tempu bai loron.

Nia husu parte relevante, atu tetu didi’ak antes autoriza kompañia sira fera foho lolon.

 “Ha’u preokupa kuandu haree área marjinal, ema sobu rai lolon sira ne’e, sobu foho lolon sira ne’e, atividade sira ne’e liuhosi estudu ambiental kala’e, se laiha tenke hapara, tanba nasaun ne’e tenke iha autoridade ida, la’os atividade hotu-hotu ita estraga ita nia rain. Ha’u kompara ho tempu Indonézia nian, sira okupa ita nia rain maibe la estraga ita rai lolon hanesan  ne’e. Se lisensa iha se mak fó autoridade ida ne’ebé mak fó lisensa, iha impostu hira mak selu ba Estadu, hanoin ita tenke haree didi’ak ida ne’e. Tanba rai ida ne’e rai ki’ik, se ita la koidadu didi’ak,  nia impaktu ba ita nia jerasaun sira tuir mai sei sofre, tanba de’it grupu ki’ik-oan ida rakus atu buka osan, sobu ita nia rain arbiru, rai lolon foho sira ne’e, laiha autoridade ida hapara”,kestiona deputadu Branco iha plenária semana ne’e.

Alénde ne’e, deputadu David Dias Mandati mós preokupa ho estabelesimentu estasaun kombustivel iha sidade Díli, tanba lori risku boot, bainhira akontese dezastre ruma, implika ba komunidade tomak.

 “Pertamina iha Praia dos Coqueiros bele karik redus, sidade agora abranje to’o ona iha ne’ebá, ate liutan tiha ona ita atu halo medida preventiva,  ho tan estasoens kombustivel ninian iha Timor laran, sobre tudu iha Díli, ne’e mós atensaun ona, sela’e, buat ruma akontese ita halai hotu la hetan.”subliña deputadu Mandati.

Lee hotu :   Seidauk selu projetu 143, PN: Governu hamosu dezastre ba povu

To’o nótisia ne’e fó sai, GMN seidauk halo konfirmasaun ho parte relevante sira, tanba iha faze aplikasaun serka sanitária iha sidade Díli, hodi prevene transmisaun COVID-19.Say

Add to Comments Here!!!!

error: Content is protected.
Secured By miniOrange
You might also like:
Metinaro sai fatin semitériu ba kazu mortál COVID-19

Autoridade Munisípiu Díli hamutuk ho Diresaun...

Kompañia Raios Camanasa simu ona pedidu Governu halo kaixaun 92 ba kazu mortál COVID-19

Empreza Raios de Camanasa Unipessoal, Lda....

COVID-19 iha Díli aumenta ba 47, atuál baixa 76

Koordenadór Forsa-Tarefa ba Prevensaun no Mitigasaun...

Close