KJTL iha Sidney dezmente troka konta bankária foun

Konsuladu Jerál Timor-Leste (KJTL) iha Sidney-Austrália, rejeita deklarasaun Ministra Negósiu Estranjeiru no Kooperasaun (MNEK), Adalzija Magno, ne’ebé hateten, Governu labele halo tranferénsia osan ba servisu KJTL iha Sidney, tanba troka ona konta bankária foun. Tanba ne’e KJTL-Sidney konsidera informasaun ne’e laloos.

Konsuladu Jerál Timor Leste iha Sidney, Luciano Valentim da Conceição, hateten, servisu diplomata hotu iha estranjeiru uza konta bankária Estadu nian, nune’e Estadu mak iha kompeténsia hodi halo mudansa.

“Laiha ema ida mak bele muda númeru bankária, tanba ida ne’e númeru bankária ne’ebé estabelese hosi Ministériu Negósiu Estranjeiru ho Ministériu Finansa parte tezouru ninian, ne’ebé ha’u laiha kompeténsia atu muda, ne’e se deit laiha kompeténsia atu muda, so parte Ministériu no Negósiu Estranjeiru no Tezouru Finansa mak bele muda, ne’e lalos 100% lalos” Konsuladu Jerál TL iha Sidney-Austrália, Luciano Valentin Da Conceição, ba GMN via telefone (22/03).

Diplomata ne’e esplika, desde inísiu tinan 2003, estabelese servisu Konsuladu Timor Leste nian iha Sidney, Konsuladu Jerál utiliza konta bankária ida deit to’o agora.

Konsuladu Jerál Timor Leste iha Sidney, hahú husi fulan Novembru tinan 2020, uza osan privadu hodi finansia pesoal estranjeiru, ne’ebé hala’o servisu ba estadu Timor-Leste nian.

Antes ne’e, Ministra Negósiu Estranjeiru no Kooperasaun, Adaljiza Magno, hatete, MNEK labele halo tranferénsia osan ba iha KJTL Sidney-Austrália, tanba KJTL Sidney-Austrália troka ona konta hodi uza fali konta bankária foun. San