JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Konsidera privatiza PNTL ba interese partidária, CNRT husu PM Taur ezonera VMI

Konsidera privatiza PNTL ba interese partidária, CNRT husu PM Taur ezonera VMI

Vise xefe bankada CNRT, deputadu Gabriel Soares, liuhosi deklarasaun polítika iha plenária, husu Primeiru Ministru (PM), Taur Matan Ruak atu ezonera tiha Vise Ministru Interior (VMI) António Armindo, tanba deskonfia halo abuzu de poder hodi privatiza instituisaun Polísia Nasionál Timor-Leste (PNTL) ba interese privadu no partidária.

Deputadu opozisaun ne’e hato’o asuntu ne’e, liga ho kazu kapturasaun ba sidadaun Arnaldo Fernandes, hafoin solda besi iha portaun konselleiru partidu KHUNTO, José Naimori nia uma iha Manleuana, iha ne’ebé laiha karta mandadu kapturasaun husi parte judisiária.

“Bankada CNRT preokupa ho hahalok Vise-Ministru Interior de faktu António Armindo ne’ebé halo abuzu de podér no privatiza instituisaun PNTL ba interese privadu no grupu partidária nian. Liu-liu, Bankada CNRT preokupa tanba membru Governu de Faktu nian ne’e lori Instituisaun Estadu nian hodi hanehan fali povu kbi’it la’ek, povu ne’ebé na’in loloos ba Estadu Timor-Leste. Hahalok Vise-Ministru Interior ne’ebé lori Polísia Nasionál Timor-Leste iha oras kalan bo’ot liu tuku 09h00 hodi kaptura no lori sidadaun ida ba tuir investigasaun, hatudu katak Timor-Leste la-ós ona Estadu Direitu Demokrátiku, katak Lei laiha ona valór, maibé, indivídu nia orden maka sai fali lei. Ida ne’e hatudu katak, rejime anti-demokrasia no anti lei no orden maka oras ne’e hahú harii ona aliserse atu buras ba oin. Ita hotu asiste deklarasaun vítima husi hahalok Vise-Ministru Interior de Faktu nian, vítima deklara katak, “hahalok ida ne’e halo ta’uk povu ki’ik, no fó hanoin fali trauma tempu uluk nian kona-ba oinsá iha tempu okupasaun Indonézia nian, Polísia no militár mai buka kaer povu iha kalan bo’ot”,deklara.

Lee hotu :   KM Aprova proposta dekretu lei 4

Bankada CNRT mos lamenta no kondena hahalok Vise-Ministru Interior ne’ebé kumpre fali orden husi ema sivíl ida hanesan José Bucar Naimori, tanba de’it iha kestaun privadu ho sidadaun ida kona-ba odamatan. Hahalok ida ne’e hatudu loloos oinsá podér informal manda fali membru governu ida, membru governu ne’ebé tuir loloos tenke hatene di’ak liu lei no atu serbí povu no nasaun. “José Bucar Naimori mós sidadaun baibain ida, tanba ne’e sekarik nia iha problema ka disputa ho sidadaun seluk, tenke mós la’o tuir prosesu normal ne’ebé aplika ba sidadaun sira seluk. La-ós fó fali orden ba Vise-Ministru Interior hodi uza instituisaun Estadu nian ilegalmente kaptura sidadaun iha oras kalan bo’ot tanba de’it iha disputa ho sidadaun sira seluk”,dehan.

Tuir prosedimentu legal, bain-hira sidadaun ida komete krime ne’ebé la-ós fragrante delito, tenke iha mandadu detensaun husi Juiz. Tanba-ne’e, bain-hira PNTL halo kapturasaun ba sidadaun ida iha nia uma atu ba tuir investigasaun, sein iha mandadu ruma husi Juiz, ida ne’e konsidera ilegál no kontra artigu 220 no 221 husi Kódigu Prosesu Penal. Aleinde ne’e, detensaun só halo ba sidadaun bainhira komete kazu ne’ebé admisível ba prizaun preventativa, ka iha indísiu forte arguidu ne’e prepara atu halai husi justisa. Iha kazu Sr. José Bucar Naimori kontra Arnaldo Mendez Ribeiro, nein prienxe rekizitu ruma atu bele uza PNTL ba kaptura povu ki’ik iha nia rezidénsia hodi ba tuir investigasaun iha eskuadra Polísia Aimutin.

“Bazeia ba preokupasaun sira ne’e, Bankada CNRT ezije ba Governu de Faktu atu foti asaun imediata hanesan tuir mai ne’e: Ezonera Vise-Ministru Interior António Armindo ne’ebé hakat liu kompeténsia Tribunal nian hodi ilegalmente kaptura sidadaun ida sein iha mandadu husi Juiz, no ilegalmente uza PNTL halo kapturasaun ba povu ki’ik; Halakon tiha pasta Vise-Ministru Interior, kompeténsia tomak ba asuntu interior kabe hotu ba Ministru Interior nia responsabilidade; Lori Vise-Ministru Interior hodi submete ba prosesu investigasaun ba aktu ilegál ne’ebé nia komete. Atu termina, Bankada CNRT ezije Governu de Faktu nia seriedade atu hare’e ba asuntu ida ne’e, tanba asuntu ida ne’e importante atu hatuur PNTL iha dalan lós no livre husi politizasaun no privatizasaun. Governu de Faktu tenke sériu hodi hare’e ba asuntu ida ne’e, tanba Membru Governu nia hahalok hodi hakat liu kompeténsia Tribunal nian fó ameasa ba Integridade sistema judisiál nian. Hahalok Vise-Ministru Interior nian ne’e sei fó lembra fila fali politizasaun ba PNTL iha Primeiru-Governu nia mandatu ne’ebé ikus mai lori tempu naruk atu bele restaura fali povu nia konfiansa ba PNTL.”kestiona deputadu Gabriel iha deklarasaun bankada CNRT, Segunda (08/03/2021).

Lee hotu :   Fó apoia ba empreza no traballadór aprovadu iha KM

Hatán ba kestaun ne’e, deputada KHUNTO, Irene Gonzaga, rejeita orden Vise Ministru Interior nian, hodi halo kapturasaun ba sidadaun refere.

Deklarasaun bankada CNRT ne’ebé akuza Vise MI hateten vise MI mak orienta polísia Dom Aleixo ba ka’er Sr.Arnaldo. Ida ne’e ladun loos, polísia sira simu informasaun hosi viziñu mak marka prezensa iha ne’ebá, hodi halo asegura, tanba ne’e, bankada husu katak, karik iha maluk balun mak sente nia direitu violadu, bele lori ba iha Tribunál”,responde deputada KHUNTO ne’e.

Nune’e, reprezentante Governu iha Parlamentu Nasionál, Sekretáriu Estadu Komunikasaun Sosiál, Mericío Juvinal dos Reis Akara, husu deputadu sira, atu fó biban ba parte justisa hala’o nia kompeténsia, tanba kazu refere tama ona iha Tribunál.

“Se iha preokupasaun kona-bá prosedimentu legál ruma, husik prosedimentu legál ne’e rasik mak rezolve, maibe deklara asaun polítika para atu deskredita de’it, informasaun loloos mak ohin ita-nia deputada balun hato’o ona, klaru katak ita hotu, se de’it iha devér atu kontribui ba seguransa. Se ita rona buat ruma ne’ebé iha potensia atu halo kríme, ita iha devér atu informa hodi kolabora ho parte seguransa, para sira hala’o sira nia knár. Bele membru governu, bele deputadu, no se de’it, kuandu haree ka rona iha potensia kríme ruma ne’e, informa kedas para ita prevene, labele ita husik sai problema tiha mak ita foin hakfodak fó sala ba malu.”argumenta Governante ne’e. Kazu ne’e akontese iha semana kotuk, loron 03, fulan Marsu, tinan ne’e.Say

 

 

Add to Comments Here!!!!

error: Content is protected.
Secured By miniOrange
You might also like:
PM Taur ho Membru Governu submete ba teste restreiu

Primeiru Ministru (PM), Taur Matan Ruak,...

Governu deside konfinamentu obrigatóriu iha sidade Díli

Reuniaun Konsellu Ministru Extraordinária Segunda (8/3),...

Rui Castro: Programa sesta bázika dezastre bo’ot ba empreza nasionál

Emprezáriu nasionál, Rui Castro, deskontenti ho...

Close