JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Olinda dezafia deputadu sira ko’a saláriu 50% ba estudante sira

Olinda dezafia deputadu sira ko’a saláriu 50% ba estudante sira

Deputada bankada KHUNTO, Olinda Guterres liuhosi plenária Segunda(22/03/2021) ne’e, dezafia deputadu hotu iha Parlamentu Nasionál Kinta lejislatura, atu ko’a osan 50% hosi saláriu mensal, hodi tulun estudante sira ne’eb’e mai hosi munisípiu no hela iha kost.

Deputada ne’e hateten, prioridade tebes atu tulun estudante sira ne’ebé hela iha kos no hasoru situasaun difísil ne’e, nu’udar asaun órgaun reprezentante povu nian.

“ Ami ko’alia ona, atu nune’e ita iha PN ne’e tau osan oituan, duke ita lor-loron hakilar dehan katak preokupa ho estudante sira, ita nu’udar umanu, ita iha PN ne’e ko’alia ba sira nia nessesidade, ko’alia ba estudante sira nia situasaun. Entaun ha’u sujere ba PN ida ne’e, se bele karik ita labele ko’alia de’it ba governu-governu, maibe deputadu 65 ne’e, ita iha sentimentu bo’ot ba ita nia oan sira ne’e hosi munisípiu 13, pelu menus ko’a 50% hosi ita nia saláriu. Ha’u ko’alia ne’e, hakarak ka lakohi hau prontu, ko’a ita nia saláriu 50%, atu nune’e bele ajuda ita nia oan sira hosi munisípiu hotu-hotu, agora ita ko’alia hakilar, oan sira inan-aman  dook, hahan laiha, ita deputadu sira iha Díli ne’e sira mak mai hili ita. Tanba ne’e, hau nia sujestaun mak ne’e, la’os atu fulan ida nian atu ko’a hotu la’e, maibe fulan ida ne’e nian ko’a 50% ba tau hamutuk hodi hola hahan ruma para ajuda ita nia estudante sira”sujere Xefe bankada Khunto ne’e iha plenária.

Maske nune’e, deputadu PD, António da Conceição ‘Kalohan’ hateten, kona-bá k’oa osan hosi saláriu rasik, la fasíl atu implementa, maibe Governu mak presiza iha asaun urjénsia ba estudante no populasaun vulneravel sira .

Lee hotu :   20 Jullu, Governu aprezenta OJE 2020 ba PN

“ Agora dadaun ne’e ita hotu preokupa, la’os ba estudante sira de’it, ita tenke hanoin populasaun em jerál ne’ebé mak afeitadu, sira hotu ne’ebé mak moris iha munisípiu, ekonomikamente mós sírkulasaun ekonomia ne’e fatin hosi kapital mak ba munisípiu, laiha sírkulasaun osan iha munisípiu, sira balun tenke mai iha kapital Díli. Problema sosial ne’e barak,  hau hanoin governu tenke hala’o nia knár hola responsabilidade, liu-liu ita tenke dehan katak, ita husu responsbailidade ukun ne’e la’os tau todan, ita husu apoiu moral ida ne’ebé nessesita atu governu hala’o nia knár, ida ne’e mak ita hanesan reprezentante povu ko’alia. Asaun solidaridade ne’e ita la presiza kampaña, atu ita hotu dehan ko’a fali saláriu ka buat sira ne’e hotu, tanba fasíl ema ko’alia, maibe realizasaun ne’e hanoin buat ne’ebé ita presiza tetu.”dehan Kalohan.

Maske nune’e, deputadu sira hotu hakfodak no hakilar, ho espresaun rejeita, bainhira deputadu Olinda Guterres hato’o pedidu ne’e, ba plenária, atu deputadu 65 foti asaun ba situasaun atúal ne’ebé impaktu hosi  implementasaun Serka Sanitária, no afeta liu-liu ba estudante sira ne’ebé hela iha kost, no povu vulneravel sira.Say

Add to Comments Here!!!!

error: Content is protected.
Secured By miniOrange
You might also like:
PN hasai ona imunidade deputadu ‘Kalohan’

Parlamentu Nasionál (PN) kinta lejislatura, hasai...

COVID-19: Kazu foun sia inklui Munisípiu Lautem ida

Koordenadór Forsa-Tarefa ba Prevensaun no Mitigasaun...

PNTL detein grupu balun iha Beto-Tasi ne’ebé baku joven na’in rua

Joven na’in rua ho inisiál AB...

Close