JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

PN seidauk simu proposta alterasaun OJE 2021 hosi Governu

PN seidauk simu proposta alterasaun OJE 2021 hosi Governu

Parlamentu Nasionál (PN) komisaun C ne’ebé trata asuntu finansas públikas seidauk simu proposta alterasaun ba orsamentu ne’ebé governu da-ualu aprova ona iha konsellu ministru.

Prezidente komisaun C, Maria Angélica Rangel, informa, maske proposta ne’e seidauk to’o iha komisaun C, maibe tuir deputada Fretilin, Governu la viola lei bainhira halo retifikasaun, tanba iha nesesidade urjente.

“ Ami-nia komisaun seidauk simu proposta retifikasaun ne’ebé Governu aprova ona iha KM. Maibe ha’u hanoin lei Jestaun Finanseira la fó tempu máximu ou limite ba iha alterasaun orsamentu ida, tanba lei rasik dehan iha artigu 34 no 35 dehan katak Governu bele halo alterasaun, kuandu iha orsamentu ne’e bele halo kativa ka deskativa hosi orsamentu ne’ebé mak labele ezekuta.

“Retifikativu ne’e, ami mós akompaña informasaun hosi reuniaun Konsellu Ministru katak atu halo alterasaun ba orsamentu, signifika katak, retifikativu ne’e PN atu aumenta de’it, mas la’e. Retifikativu ne’e atu halo mós alterasaun muda hosi osan ne’ebé mak labele uza dentru serka sanitária ne’e, atu fó biban hodi fó apoiu ba Governu ba iha fundu COVID. Rejimentu PN mós la viola, no lei jestaun finanseira mós dehan katak Governu bele halo alterasaun iha kualker tempu ne’ebé nesesáriu.”tenik deputada Fretilin ne’e ba jornalista iha PN, Kinta (25/03/2021).

Alénde ne’e, deputada CNRT, Viginía Ana Belo, afirma, maske nia parte seidauk asesa ba proposta alterasaun ne’e, maibe tuir deputada opozisaun ne’e, seidauk nesesáriu ba Governu halo retifikasaun, tanba foin mak fulan Marsu.

“Priense hela rekezitus ka la’e? ami seidauk simu (proposta). Se ami simu, iha tempu badak, talves ami bele fó ami-nia informasaun, maibe ami seidauk simu. Retifikasaun ne’e bele akontese, kuandu ita hala’o orsamentu ne’e iha metade do ano, maibe agora foin tama primeira trismestral seidauk hotu, depois husu tan retifikasaun mai PN, lahatene objetivu saida? Ami seidauk hatene ninia intensaun loloos saida? tanba ne’e ami seidauk bele hateten iha violasaun ka lae”,subliña deputada Virgínia.

Lee hotu :   PN husu MP investiga prosesu ezekusaun fundu COVID-19

Liuhosi reuniaun Konsellu Ministru Kuarta semana ne’e, Governu halo ona alterasaun ba lei Orsamentu Jerál Estadu tinan 2021,atu foti tokon atus rua, hodi responde ba epidemiolójika COVID-19.Say

 

Add to Comments Here!!!!

error: Content is protected.
Secured By miniOrange
You might also like:
Atu hakoi ema mate ho COVID-19 Koveiru na’in 27 simu informasaun

Ministériu Solidariedade Sosiál no Inkluzaun (MSSI)...

COVID-19: Díli aumenta ba 238, Covalima ida

Koordenadór Forsa-Tarefa ba Prevensaun no Mitigasaun...

EUA sei oferese aviaun ida ba TL kontrola marítima

Estadus Unidus Amerika (EUA), sei rehabilita...

Close