JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

PN simu proposta orsamentu retifikativu tokon USD 223

PN simu proposta orsamentu retifikativu tokon USD 223

Prezidente Parlamentu Nasionál, Aniceto Guterres ho estrutura meza Prezidensia Parlamentu Nasionál, simu proposta orsamentu retifikativu husi Governu neébé entrega hosi Ministru Asuntu Parlamentares no Komunikasaun Sosial, Francisco Jerónimo, iha gabinete Prezidente Parlamentu, Tersa (30/3/2021).

Reprezentante governu, Ministru Asuntu Parlamentares, Francisco Jerónimo afirma, orsamentu retifikativu ne’e, foti hosi orsamentu infraestrutura no foti hosi programa ne’ebé seidauk prioridade atu ezekuta Orsamentu tinan 2021 ne’e, nune’e bele utiliza lai ba situasaun emerjénsia surtu COVID-19 ne’e.

“Governu lori proposta orsamentu retifikativu ne’e mai PN, aru halo ajustamentu ba OJE ne’ebé aprova tiha ona iha fulan Dezembru 2020, tanba ami hanoin katak ho situasaun ne’ebé mak agora iha, ami husu PN aprova fali retifikativu ne’e, nune’e, OJE 2021 ne’e ami aloka fila fali ba situasaun COVID ne’e agora ita hasoru, oinsa mak ita  bele fó solusaun ba problema sira ne’ebé ita hasoru, tanba ita halo serka sanitaria proteze ita nia povu, maibe nia impaktu ba ekonomia rai laran.

Maibe la foti hosi fundu petrolíferu, ka la aumenta tan osan, osan 2021 ninian mak halo de’it ajustamentu hosi dotasaun do todo governu balun ne’ebé mak la presiza uza (ladun prioridade) no mós osan hosi fundu infraestrutura ninian.

Situasaun ne’e se la’o bebeik, hanoin difikuldade ba ita atu ezekuta iha 2021 ne’e, tanba ne’e mak orsamentu ne’ebé mak ba fundu infraestrutura ho osan ba dotasaun tudo governu, osan ne’e boot oituan, entaun ami halo ajustamentu para atu tau fali iha esensial ne’ebé imediatamente ami tenke rezolve hodi fó solusaun ba ita nia povu, tanba ne’e impaktu hosi COVID-19.”Justifika governante ne’e iha PN.

Lee hotu :   FRETILIN eziji governu aprezenta kontratu konstrusaun portu Beasu

Alénde ne’e, Prezidente Parlamentu Nasionál, Aniceto Guterres Lopes afirma, proposta refere sei diskute bainhira semana santa remata, Tanba governu husu ho pedidu urjensia .

“Governu husu ho karat’er urjénsia, ne’eduni PN sei hala’o prosesu ne’e tuir tramitasaun rejimental PN nian.

Klaru ke ajusta ho nia durasaun ne’e, para alénde karatér urjénsia, ami sei trata tuir karatér ujrénsia, se PN la deside ho karatér urjénsia ba orsamentu ne’e, se la fó karik mós nia durasaun sei la kleur liu hanesan OJE babain, sei iha adaptasaun ho ajustamentu ho retifikativu, satan nia substansia iha retifikativu ne’e mós laiha material barak, apenas halo transferénsia ruma mai tau fali iha verb aba atu reforsa iha programa governu nian, kontrola COVID ho nia impaktus.

Ohin kedas hau sei husu nota téknika ba asesores jurídiku PN nian, posivelmente aban (ohin) sei baixa kedas ba komisaun C, para atu apresia lalai pedidu karat’er urjénsia hosi governu nian.”tenik Aniceto

Enkuantu Parlamentu Nasionál aprova ho montante billaun 1.895. Alénde ne’e, tuir ajenda, ohin Kuarta, Parlamentu Nasionál sei diskute estensaun Estadu Emerjénsia ba dala-12.Say

 

Add to Comments Here!!!!

error: Content is protected.
Secured By miniOrange
You might also like:
Estudante Timor-oan husi Israel no Cuba to’o ona iha TL

Estuda Timor-oan 72 husi Israel no...

PGR konsidera deklarasaun Xanana hanesan matéria ba investigasaun

Prokuradór Jerál Repúblika (PJR), José Ximenes,...

SEFOPE seidauk hatene motivu traballadór Timor-oan lakon iha Korea

Sekretária Estadu Formasaun Profesionál no Emprego...

Close