JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

PR konvida Horta diskute golpe militar iha Myanmar

PR konvida Horta diskute golpe militar iha Myanmar

Prezidente Repúblika (PR), Francisco Guteres Lú Olo, Tersa-feira (30/03/2021), konvida Laureadu Nobel da Paz, José Ramos Horta, hodi diskute kona-bá golpe militar ne’ebé nasaun Myanmar hasoru dadaun rezulta populasaun Myanmar barak mak lakon vida.

Tanba ne’e liuhosi sorumutu refere Ramos Horta husu ba Governu Timor-Leste, hanesan Estadu ida labele nonok de’it, maibé fó solidariedade ba povu no nasaun Myanmar ne’ebé hasoru hela situasaun ne’ebé refere.

“Liu-liu problema Myanmar, tanba ne’e ita nia rejiaun problema ida ke halo asean preokupadu nakdoko, tanba Myanmar rai ne’e importante nasaun bo’ot fronteira ho rai barak. No prezidente hatene problema Myanmar ha’u rasik mak halo dezenvolvimentu, no golpe militar kondenadu hosi indonézia rai rua demokrasia dinámika liu, Timor-Leste labele nonok nu’udar Estadu, nu’udar Governu ne’e mak prezidente nia preokupasaun ami koalia ida ne’e”, Eis Prezidente Repúblika, José Ramos Horta, informa asuntu ne’e ba Jornalista sira, hafoin enkontru ho Prezidente Repúblika, Francisco Gueterres Lú Olo, iha Palásiu Prezidensiál, Bairo-Pite, Tersa (30/03).

Golpe Estadu ne’e akontese, relasiona ho vitória ne’ebé Aung San Suu Kuy nia Partidu Liga Nasionál Demokrasia (LND) hetan iha eleisaun ne’ebé hala’o iha novembru 2020 liu bá iha Myanmar.

Parte militár konsidera katak, vitória maioria ne’ebé partidu LND hetan ne’e, la justu no militar konsidera mosu frau de eleitorál.

Nune’e mós antes ne’e, Jenerál Seniór, Min Aung Hlaing nu’udar komandante militár Myanmar, ameasa ona atu hamosu golpe de estadu iha nasaun refere, no ikus mai militár kaptura duni líder hirak ne’ebé temi ona hodi anúnsia estadu emerjénsia.

Militár iha myanmar halo golpe de estadu, iha nasaun refere hodi kaptura tiha Prezidente Myanmar, Win Myint no líder de-faktu Aung San Suu Kyi, no anúnsia iha segunda (01/02) ne’e katak, militár mak sei ka’er podér iha nasaun refere durante tinan ida. Ina

Lee hotu :   PN fó votus pezar ba saudozu Armindo da Silva

 

Add to Comments Here!!!!

error: Content is protected.
Secured By miniOrange
You might also like:
PNTL sei hasa’e volume operasaun iha Díli

Hela loron rua serka sanitária remata,...

Tauk swab test, komunidade balun evakua ba foho-leten

Polísia Nasionál Timor-Leste (PNTL) husu ba ...

PNTL sei foti medida hasoru motorista Ambulánsia hemu-tua, Nilton husu deskulpa

Polísia Nasionál Timor-Leste (PNTL) sei foti...

Close