JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Ramos Horta: Rekuperasaun ekonómika la’o sabraut

Ramos Horta: Rekuperasaun ekonómika la’o sabraut

Eis Prezidente Repúblika, José Ramos Horta, konsidera, rekuperasaun ekonómika iha Timor-Leste la’o sabraut, tanba ezekusaun ba programa nasionál sesta bázika ne’e la benefisia benefisiáriu sira.

Programa nasionál sesta bázika ho pakote rekuperasaun ekonómika ne’ebé  VIII Governu Konstitusionál implementa ba povu relasiona ho pandemia Covid-19, ne’ebé sai ameasa ba ema nia vida no implika ba roda ekonomia rai-laran.

“Kona-bá rekuperasaun ekonómika mak ha’u haree ke la’o sabraut oituan, intensaun di’ak karik sesta bázika ninia ezekusaun ne’ebé ha’u akompaña,  ha’u koalia ho benefisiáriu sira sira barak la kontente, ita mós haree televizaun barak la kontente. Sé ha’u mak ka’er karik programa sesta bázika ha’u la fó produtus 25 dolar kada fulan rua kada kabesa, signifika uma ida bele simu 400 bele simu 500 ne’e bele aguenta fulan 3, fulan 5, sé sira mak halo jestaun ba osan ne’e”, Líder Nasionál,  Ramos Horta, hato’o deklarasaun ne’e, bainhira prienxe programa Grande Entrevista iha GMN-TV, Bebora, Kinta (26/03/2021).

Alende ne’e, Premiadu Nobel da Paz ne’e mós deklara, nia rasik mós la komprende, tanba Banco Central de Timor Leste (BCTL) la kordena ho banku sira seluk iha rai laran, no kontinua ejize jurus ne’ebé banku impoin.

“Ha’u kompriende tanba sa Banco Central la koalia ho banku sira iha ne’e ho governu nia intervensaun para labele kontinua halo kobransa ezije kobransa ba jurus ka funan ne’ebé banku sira impoin,  BNU 14% mandiri, BRI nune’e, BNCTL mak menus banku instrumentu finanseiru ba dezenvolvimentu ekonómika”,haklean Horta.

Rekuperasaun ekonómika ne’ebé governu implementa ba nia povu durante estadu emerjênsia mak, sesta bázika, diminui jurus ba ema ne’ebé halo kréditu iha banku, apoiu porsentu ne’en nulu ba traballador sira iha empreza privada, apoiu agregadu familiar no seluk tan.

Ba Programa Nasional Sesta Bázika, ho pakote rekuperasaun ekonómika oitavu governu konstituisional aloka orsamentu ho montante tokon USD 71.5, maibé programa nasional ne’e hetan

krítika makas hosi komunidade iha fatin-fatin, tanba sasan bázika ne’ebé governu fahe la tuir promesa governu.

Kompañia hirak ne’ebé hetan konfiansa hosi governu hodi responsabiliza ba programa nasional

ne’e iha terenu hodi distribui sasan ba benefisiáriu sira hamutuk 70 resin. ​Ina

Lee hotu :   PNUD apoia konstrui uma komunikasaun ba PN

Add to Comments Here!!!!

error: Content is protected.
Secured By miniOrange
You might also like:
Aviaun Airnorth lori osan husi Darwin mai TL

Aviaun Airnorth husi Darwin-Austrália ho númeru...

PN seidauk simu proposta alterasaun OJE 2021 hosi Governu

Parlamentu Nasionál (PN) komisaun C ne’ebé...

Atu hakoi ema mate ho COVID-19 Koveiru na’in 27 simu informasaun

Ministériu Solidariedade Sosiál no Inkluzaun (MSSI)...

Close