Troka konta bankária, KJTL iha Sidney seidauk bele simu osan

Konsul Jerál Timor Leste (KJTL) iha Sidney-Austrália, durante fulan Novembru tinan 2020, Ministériu Negósiu Estranjeiru no Kooperasaun MNEC labele halo transferénsia osan, tanba troka ona konta, hodi uza fali konta bankária foun.

Nune’e mós iha parte embaixada Timor Leste iha Austrália, kona-ba osan ba saláriu no alojamentu governu sempre halo transferénsia, maibé orsamentu Operasionál, depende ba relatóriu ne’ebé parte sira submete ba governu.

Ministra Negósiu Estranjeiru no Kooperasaun, Adaljiza Magno konfirma, situasaun ne’e, kada tinan sempre akontese ba servisu Diplomasia hotu, Timor Leste nian iha estranjeiru.

“sira nia orsamentu operasionál nee depende ba sira nia relatóriu mós. Kuandu ema fó case ba o, o la fó relatóriu mai, oinsá mak finansa bele asegura orsamentu sira ne’e, ida ne’e ami trata internamentu hotu ona. Agora ida be Sidney nian ne’e desde Novembru tanba sira troka tiha ona númeru konta bankária, ne’e maka finansa haruka osan ba, osan nunka tama, osan fila-fali deit” klarifika MNEC, Adaljiza Magno, hafoin remata seremónia entrega karta kredensial husi embaixada Amérika no Brazil, ba PR iha Palásiu Prezidensial Nicolao Lobato, Bairo-Pité (19/03).

Tanba ne’e Governante ne’e, husu Embaixada no Konsul Jerál Timor Leste iha Austrália submete lalais relatóriu, no komunika kedas ba Ministériu atu resolve.

Konsul Jerál Timor Leste iha Sidney, hahú husi fulan Novembru uza osan privadu, hodi finansia pesoal estranjeiru, ne’ebé hala’o servisu ba estadu Timor Leste nian. San