JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Aniceto konsidera Xanana la ajuda Governu

Aniceto konsidera Xanana la ajuda Governu

Prezidente Parlamentu Nasionál (PPN), Aniceto Guterres, deklara, atitude líder karismátiku Kay Rala Xanana Gusmão nian ne’ebé tenta atu foti fila-fali matebian Armindo Borges ne’ebé identifkadu COVID-19 ba família ne’e, la kontribui ba servisu Governu nian.

Líder segundu órgaun soberanu ne’e afirma, atitude Kay Rala Xanana Gusmão la eduka povu atu prevene moras COVID-19 iha Timor-Leste.

“Maun Xanana ka Avó Nana hateten ona dehan Covid ne’e bosok, ka covid politik, agora derepente ema mate, lahatene tanba saida mak nia preokupa tun ba, ne’e atu hatudu mensajen saida, ou nia interese ne’e saida? Mas hanesan líder ida, estadista bele kritika, maibe labele impede, ne’e aktu sira ne’ebé atu desautoriza Estadu, desautoriza Governu, i desakredita ita nia tékniku no espesialista Timor-oan sira. Tuir regra kuandu pozitivu no depois ema mate tanba pozitivu ne’e, ne’e tenke aruma tuir ida ne’e. Ha’u la konkorda, hanesan sidadaun no hanesan PPN, ne’e komportamentu ka atitude ida hanesan ne’e, la’os atitude ne’ebé bele hetan apresiasaun hosi ema hotu. Karik buat ruma nia la konkorda, nia bele hato’o nia kritika, nusa mak tenke turun tangan  langsung ba lapangan, so para atu impede de’it, ho forma atu desautoriza Governu. Ne’e la’ós atitude líder nian, bom ita agora hanesan fali Donald Trump foun ida iha Timor. Ha’u-nia respeitu bo’ot ba maun Xanana, mas uluk kedas, respeita sim, maibe ha’u kuandu atu kritika, ha’u kritika tiha, tanba ita labele adora líder sira hanesan maromak, ne’e laloos”,deklara Aniceto Guterres ba jornalista, liuhosi konferénsia ba imprensa, iha PN, Segunda (12/04/2021).

Iha Segunda ne’e, líder rezisténsia Kay Rala Xanana Gusmão ho família ho matebian Armindo Borges, lori ho Kaisaun ba hein hela iha izolamentu vera kruz oin to’o lorokraik ne’e, atu foti mate isin refere lori fila ba família, tanba konsidera mate tanba moras seluk, la’os tanba COVID.

Lee hotu :   PM Taur sai ema primeiru simu vasina AstraZeneca

Antes ne’e,  rejista ona matebian Francisca Gama ne’ebé identifika mate tanba COVID.19

Enkuantu Timor-Leste mós dadaun ne’e rejista hela kazu ativu ba COVID-19 atinji 500 resin.Say

 

Add to Comments Here!!!!

error: Content is protected.
Secured By miniOrange
You might also like:
Xanana: Ema la mate ba COVID-19, Governu labele inventa

Líder nasionál Kay Rala Xanana  Gusmão,...

Família konsege salva Agustinho hosi rai ne’ebé taka tomak nia isin-lolon

Família konsege salva vítima Agustinho Neno,...

PM Taur orienta PNTL buka tuir grupu lansa boatu Tsunami

Primeiru Ministru (PM), Taur Matan Ruak,...

Close