JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

EUA apoia osan USD 100.000 ba vítima DN iha TL

EUA apoia osan USD 100.000 ba vítima DN iha TL

Estadu Unidu Amérika (EUA) liuhosi embaixada Amérika iha Timor Leste (TL), apoia osan ho montante USD 100.000 ba família vítima dezastre naturais (DN), iha ne’ebé provoka husi siklone seroja tropikal, ne’ebé akontese iha Domingu liu-ba.

Alénde osan, EUA mós apoia hahán nesesidade bázika no materiál uma laran nian balun, hanesan bikan, kanuru, sanan, taxu, balde, no seluk tan.

Osan, materiál no sasán nesesidade bázika ne’e oferese diretamente husi Embaxadór EUA, Kevin Blackstone ba Sekretáriu Estadu Protesaun Sivíl, Joaquim Gusmão, iha eskola 4 Setembru UNAMET Balide Díli.

Embaixadór Kevin Blackstone hateten, osan no materiál hirak ne’e, atu hakbi’it fila-fali komunidade afetadu sira, iha situasaun ne’ebé dadaun ne’e povu hasoru.

“Osan dollar rihun atus ida ne’e, atu ajuda ba rekuperasaun ba sidadaun Timor-Leste hirak ne’ebé lakon sira-nia sasán no uma”,hateten Diplomata ne’e, hafoin entrega sasán uma laran no simbolikamente osan iha Eskola 4 Setembru Balide (09/04).

Diplomata ne’e mós, espresa nia sentidu kondolénsia, ba família enlutada sira, nomós ba família vítima sira hotu, iha territóriu nasionál.

“Ha’u hakarak hato’o ha’u-nia sentidu kondolénsia profundu ba ema Timor, sira ne’ebé mate no lakon sasán durante inundasaun”,dehan.

Kevin Blackstone promete, sei koloka mós forsa naval, ba reabilita komunidade afetadu sira-nia uma, ne’ebé hetan estragu durante inundasaun no erozaun.

Sekretáriu Estadu Protesaun Sivíl, Joaquim Gusmão, agradese ba solidaridade husi povu Amérikanu nian. No Governu esforsa nafatin rekoella dadus, vítima dezastre naturál, iha territóriu nasionál, nune’e bele hetan apoiu emerjénsia, husi Governu no parseiru husi nasaun seluk.

“Governu nia servisu sei bele susesu, bainhira iha mós kooperasaun diak husi komunidade sira”,subliña.

Lee hotu :   Singapura apoia ona Timor-Leste tama ba ASEAN

Joaquim Gusmão mós salienta, kona-ba apoiu materiál ba uma sira, ne’ebé hetan estragu, ekipa sei verifika hela iha terrenu.

“Etapa tuir mai mak Governu sei apoiu materiál uma, hanesan kalen, uma sementi no seluk tan”,konfirma.

Montante osan ne’ebé iha, sei jere husi IOM, hodi sosa materiál báziku uma nian, nomós nesesidade báziku sira.

Atualizasaun dadus, husi Sekretaria Estadu Protesaun Sivíl, to’o ohin (09/04) rejista ema ne’ebé mate, durante inundasaun no erozaun ba territóriu nasionál hamutuk 42, númeru ne’e 29 mak hetan ona no 14 sei buka hela.

Husi númeru ne’e akumula Munisípiu Ainaro 10, Aileu 2, Manatuto 5, Díli 22, no Viqueque na’in 3. Husi Ainaro iha na’in 10, maibé na’in 5 mak hetan ona, na’in 5 seidauk hetan. Aileu parte Remixio na’in 2 mak lakon tanba mota mak lori, no seidauk hetan. Manatuto hetan ona na’in 1, no na’in 4 seidauk hetan, tanba mota mak lori.

Iha munisípiu Díli, postu Administrativu Cristo Rei, Suku Hera, na’in 4 mak mate, no na’in 1 seidauk hetan. Vera Kruz, suku Villa Verde na’in 1 hetan ona. Dom Aleixo parte Comoro 30 de Agusto, hamutuk na’in 4, na’in 3 hetan ona na’in 1 seidauk hetan. No parte Malinamok mate 1 no hetan ona.

Dom Aleixo suku Comoro na’in 5 mak mate, no hetan ona. Beduku na’in 7 mak mate, na’in 6 hetan ona, no 1 seidauk hetan. Viqueque mate-isin na’in 3 hetan ona.

Alénde ema, iha kapitál Díli komunidade mós lakon uma 10.000, no seidauk konta ho munisípiu sira. San

 

Add to Comments Here!!!!

error: Content is protected.
Secured By miniOrange
You might also like:
MKAE husu tan tokon USD 31 iha OR kompleta distribuisaun sesta bázika

Ministru Koordenadór Asuntu Ekonómiku (MKAE), Joaquim...

Komunidade afetadu ba DN hein Xanana nia prezensa

Komunidade sira husu líder karismátiku, Kay...

COVID-19: Kazu konfirmadu foun 70, Manatuto rejista kazu ida

Kordenador Forsa-Tarefa ba Prevensaun no Mitigasaun...

Close