JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

FONGTIL konsidera deklarasaun Somotxo modelu ditadura

FONGTIL konsidera deklarasaun Somotxo modelu ditadura

Forum  Organizasaun Naun Govermentál Timor-Leste (FONGTIL) konsidera,   deklarasaun Deputadu FRETILIN, Agustinho Sequeira ‘Somotxo’ haruka seguransa tiru mate manifestante sira no asegura líder nasionál Kay Rala Xanana Gusmão, hanesan modelu ditadura ninian.

Relasiona ho deklarasaun Prezidente Komisaun B  ne’ebé  trata asuntu defeza no seguransa deputadu José  Agustinho Sequera Somotxo Tersa (13/04/2021) deklara Polísia Nasionál Timor-Leste (PNTL) asegura Líder Kay Rala Xanana Gusmão, no tiru joven sira  ne’ebé mak hamrik iha estrada hodi hein mate isin Armindo Borges iha estrada ninin Verra-Cruz.

Koordenadór  Advokásia  FONGTIL  IVO  Colimau  Lay Costa  katak, tuir lei  númeru 5/2004  loron 5 fulan Maio koalia kona-bá estatutu deputadu la fó kompeténsia  ba deputadu sira  atu koalia kona-bá atu halo destroisaun. Tanba ne’e kompeténsia  Ministériu Defeza no Ministru Interiór, hodi hatun ba Polísia tuir artigu 147 konstituisaun RDTL.

 Tuir lolos deputadu hanesan ema fiskalizadór atu hare’e  ba atuasaun Polísia la tuir lei ka lae hodi  hadia perfomens Polísia sira nia servisu iha terrenu, la’os  deputadu mak ba inisía fila-fali situasaun ida ne’ebé hakmatek hela.

 Maibé mai fila-fali ho esteitmen hanesan provokativu, FONGTIL la admiti ida ne’e, FONGTIL deskorda tebes ho nai deputadu nia esteitmen refere  ne’e konsidera deklasaun ne’ebé mak vulnerável tebes.

“Ha’u hanoin Parlamentu Nasionál bele foti partisipasaun ruma hodi bele hare’e atetude refere. Imi hatene povu nia pensamentu ida ne’e sei mukit hela tenkiser fó hanoin diak ida ne’ebé para bele konvénse sira, la’os mai fila-fali ho hanoin sira ne’ebé mak, ita bele konsidera hanesan hanoin sira ditadura nian. Ne’e modelu-modelu sira ditadura nian. Uluk ita la admiti ida ne’e mak ita  halo rezisténsia hodi duni invazór sira husi  ita nia ukun a’an ida ne’e”,esplika Koordenadór  Advokásia  FONGTIL,  Ivo  Colimau  Lay Costa, ba jornalista GMN, Kuarta (14/04/2021), iha FONGTIL Kaikoli Díli.

Lee hotu :   Estadu kondekora doutór Daniel Murphy ho medalla Orden Timor - Leste

Alende ne’e Ko’ordenador Redi Defensór Dereitus Humanus  Inosénsio Xavier hateten,prezensa deputadu Somotxo iha uma fukun Parlamentu Nasionál hodi  rezolve povu nia sofrementu/la’os  atu uza fali poder polítik.

 “Ita nia konstituisaun artigu 29 ne’e koalia kona-bá dereitu da vida, iha ita nia Konstituisaun mós la hateten katak, pena de morte ne’e iha pela prefeitua mak iha nafatin asegura no respeita ba valores humanu”, dehan Inosénsio Xavier.

Prezensa joven sira iha área Verra-Cruz, la halo violénsia bo’ot ida Tamba ne’e la presiza hasai deklarasaun tiru joven sira.

 “Hanoin deputadu Somotxo reprezenta Bankada FRETILIN, nia la reprezenta povu Timor, povu hili nia atu rezolve  povu nia problema, la’os  atu uza forsa poder politik hodi oho fali povu, hodi fó oriéntasaun ba Polísia hodi oho fali povu ne’e  ne’e sala, sira ba halo kampanha atu proteze povu atu fó solusaun ba problema, la’os atu oriénta fali maun bo’ot Xanana Gusmão  hetan tiha apoiu husi forsa sira, depois povu ita haruka Polísai atu tiru ne’e so akontese iha Timor. Ha’u fó hanoin ba distintus deputadu atu ba lee livru relatóriu  CHEGA  ne’ebé atu aprende husi ita nia pasadu, konflitu lori sofrementu bo’ot ba  ita nia vítima sira. Ne’e tanba sa ita la hakribi ho ita nia hahalok pasadu nian. Tanba ne’e ami fó hanoin ba distintus Deputadu Somotxo atu haree ba ita nia relatóriu CAVR” , dehan Inosénsio Xavier.

Entretantu, FONGTIL mos husu ba  líder Nasionál Kay Rala Xanana Gusmão no Governu rezolve desputa   mate isin  Armindo Borges, ho ulun malirin.

Kestaun ne’e hato’o husi Diretór Ezekutivu Forum Organizasaun Naun Govermentál Timor-Leste Daniel Santos do Carmo ba  jornalista sira  Kuarta (14/04/2021) semana ne’e relasiona  ho situasaun atual  ne’ebé mak akontese  iha munisípiu  ne’ebé envolve  líder nasionál Kay Rala Xanana Gusmão  ho parte Sentru Integradu Jestaun Krize  sobre  seremonia  funerál  ba matebian   Armindo Borges ne’ebé mak sei iha hela faze desputa.

Lee hotu :   PESOAL BALUN HALO PROJETU ILEGAL IHA MUNISÍPIU ■ FIDELIS: HETAN INFORMA LALAIS

Tanba ne’e  FONGTIL   husu    Xanana Gusmão ho governu atu rezolve ho ulun malirin ho fuan bo’ot  hodi nune’e bele garante   estabildiade nasionál.

“Husu ba  señor Xanana ne’ebé mak desputa   ho Governu   atu rezolve  kestaun ne’e ho ulun malirin  no fuan bo’ot hodi  obter solusaun ne’ebé diak ba parte hotu”,esplika Diretór Ezekutivu FONGTIL Daniel Santos do Carmo,  iha FONGTIL Kaikoli Díli.

Pasiente Armindo Borges hakotu iis iha Hospitál Nasionál Guido Valadares  iha Domingu (11/04/2021), tanba moras komplikadu no akompaña ho COVID-19,  Dadauk ne’e mate isin sei iha fatin Izolamentu Verra-Cruz.avi

Add to Comments Here!!!!

error: Content is protected.
Secured By miniOrange
You might also like:
Disputa kona-ba mate-isin AB, Komité 12 Novembru husu Governu foti lalais desizaun

Mate Restu 12 Novembru, sujere ba...

CNRT-ACBN konsidera Xanana nia asaun atu koriji erru ukun na’in sira

Partidu Congresso Nacional da Reconstrução de...

Governu la rezolve problema mate-isin AB, veteranu sira ameasa sei mosu buat seluk

Veteranu sira ameasa atu halo asaun,...

Close