JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Governu entrega mate-isin ba família, Xanana: Laiha ida mak manan, laiha ida mak lakon

Governu entrega mate-isin ba família, Xanana: Laiha ida mak manan, laiha ida mak lakon

Governu liu husi Sentru Integradu Jestaun Krizi (SIJK), Kinta (15/4/2021), entrega ona mate-isin Armindo Borges (AB) ba família matebian ne’ebé reprezenta husi líder nasionál Kay Rala Xanana Gusmão. Tanba ne’e, Kay Rala Xanana Gusmão, hatete, asaun sívika ida ne’e laiha ema ida mak manan no laiha ema ida mak lakon, hot-hotu manan. 

Nune’e komunidade sira fó viva kedas ba Kay Rala Xanana Gusmão, tanba konsege hasai mate-isin Armindo Borges husi sala izolamentu Vera Cruz hodi ba haloot iha Semitériu Manleu, Díli, tuir tradisaun ka kultura Timor-Leste nian.

Matebian Armindo Borges, ne’ebé hakotu iis iha Hospital Nacional Guido Valadares iha Domingu (11/04/2021), maibé Ministériu Saúde deside hodi lori mate-isin Armindo ba sentru izolamentu Vera Cruz, tanba matebian sofre moras komplikasaun no mos COVID-19.

Ho desizaun ne’e, família matebian ho Líder Nasional Kay Rala Xanana Gusmão la simu, tanba matebian Armindo mate la’os tanba COVID-19, maibe strok.

Tanba ne’e, durante loron tolu família ho líder Nasionál Kay Rala Xanana Gusmão toba deit iha estrada-laran hodi hein iha resintu izolamentu Verra-Cruz nune’e ezije Governu atu entrega mate isin ba familia atu halot tuir kultura.

Nune’e Iha Kinta (15/04/2021) Governu liu husi Sentru Integradu Jestaun Krize, entrega  ona mate-isin ba família, hodi  lori ba hala’o seremonia funerál iha semitériu Manleu, tuir protokolu Organizasaun Saúde Mundiál.

Matebian sai husi fatin izolamentu Verra-Cruz, akompaña husi Líder Nasionál Kay Rala Xanana Gusmão, no akompaña husi Koordenadór Forsa Tarefa Prevensaun no Mitigasaun Surtu COVID-19, Rui Araújo  no Diretór Sentru Integradu Jestaun Krize, atuál Brigadeiru Jenerál  João Miranda Aluk Descartes no família matebian sira, ho komboiu  motorizada no kareta, maibé hetan seguransa máximu husi PNTL.

Lee hotu :   So’e lixu arbiru sei multa osan to’o USD 1000

Durante viajen lori mate-isin husi husi Verra Cruz ba Manleu, komunidade barak mak antusiazmu hamrik iha estrada-ninin hodi hakilar viva Xanana Gusmão.

Líder nasionál Kay Rala Xanana Gusmão, hatete katak, nia asaun ne’e hanesan asaun sívika atu povu nafatin fó konfiansa ba servisu iha parte saúde nian hodi kombate moras COVID-19 iha Timor-Leste. Xanana mos afirma, asaun ida ne’e laiha ida manan no laiha ida mak lakon, liu-liu Xanana husu ba SIJK atu servisu maka’as liu tan atu povu fó koanfiansa nafatin hodi kombate moras a’at ne’e iha Timor-Leste.

“Ami halo ida ne’e la’ós atu hatún ema ida, ida ne’e hanesan asaun sívika ida. Ami husu deskulpa karik atrapalla tiha ita bo’ot sira-nia hanoin buat sira ne’e hotu, ha’u sente solusaun ida ne’e mak ita hotu, laiha ida manan, laiha ida lakon.  Ha’u halo ida ne’e atu povu fó konfiansa ba servisu saúde ninian, tanba ha’u la’o tun ba povu, povu hakilar, COVID-19 ne’e laiha no COVID ne’e bosok ten, tanba ne’e mak ha’u halo ida ne’e atu povu fó fiar ba imi-nia servisu. Ha’u agradese teb-tebes ba imi-nia kompriensaun, pasiensia ba ami. La’ós dehan ida ne’e ami manan, imi lakon, lae!, laiha ida mak manan no laiha ida mak lakon, ita hotu manan. Ne’eb’e obrigado barak, obrigado ba imi-nia pasiensia”,dehan líder karismátiku ne’e ho tanis iha ekipa SIJK ninia oin, tanba durante kalan tolu Xanana ho família matebian sira toba deit iha estrada-laran hodi bele hadia naksalak sira iha parte saúde ninian.avi

 

Add to Comments Here!!!!

error: Content is protected.
Secured By miniOrange
You might also like:
BNCTL loke Ajénsia iha Kuluhun responde ba ezijénsia kliente

Banko Nasional Komersiu Timor-Leste (BNCTL-sigla Portugés),...

FONGTIL konsidera deklarasaun Somotxo modelu ditadura

Forum  Organizasaun Naun Govermentál Timor-Leste (FONGTIL)...

Disputa kona-ba mate-isin AB, Komité 12 Novembru husu Governu foti lalais desizaun

Mate Restu 12 Novembru, sujere ba...

Close