JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Komisaun E husu Governu rezolve infraestrutura ne’ebé estragus

Komisaun E husu Governu rezolve infraestrutura ne’ebé estragus

Prezidente Komisaun E ne’ebé tratas asuntu infraestrutura,  deputadu Abel Pires husu governu atu rezolve ho lalais, ba infraestrutura hirak ne’ebé hetan estragus hosi dezastre naturais iha Díli no munisípiu sira.

Alénde ne’e, deputadu PLP ne’e mós rekomenda ba governu, atu identifika didi’ak, fatin ne’ebé risku ba inundasaun, nune’e konstroi foun, hodi labele implika tan ba povu nia moris.

“ Agora ne’e iha servisu bo’ot rua, primeiru mak oinsa atu bele rekoopera hosi impaktu kalamidade ne’e mak sobu Estrada, ponte  ne’e tenke iha atensaun imediatamente.

Ita tenke halo prevensaun, ita tenke halo antesipasaun, sela’e tinan-tinan ita nia servisu mak hanesan ne’e hela de’it, inundasaun ne’e tinan kotuk mós akontese, se agora ita la halo buat ida, konserteza tinan oin mós sei akontese tan.

Diskusaun la’o hela, importante mak ita tenke aloka orsamentu ne’ebé adekuadu, iha parte fundu kontizensia, para governu bele iha biban hodi halo intervensaun rápida ba situasaun ida ne’e, agora dadaun ne’e ita iha de’it 22 millõens iha fundu kontijénsia, ne’e la sufisiente, ita presiza ne’e 200 millõens I tál, tanba ne’e sei iha asesu lubuk ida, hosi parte PN no mós parte governu, para atu haree posibilidade sira ne’e, ne’e para fó biban ba governu hodi halo intervensaun rápidu.

Labele tinan-tinan povu mate bebeik tan akontesimentu ida hanesan ne’e,  tanba ne’e, servisu bo’ot ida mak halo prevensaun.

Ida ne’e problema komplikadu ne’ebé presiza intervensaun integradu hosi parte hotu-hotum la’os MOP ho SEPS nian de’it, maibe  ema hotu.

Ida ne’e ita presiza halo agora ona, tanba ita lakoi tinan oin akontese tan, tanba ita lakoi ita nia povu mate tan dala ida.

Lee hotu :   José Reis esplika Governu la politiza kazu COVID-19 iha Timor-Leste

Primeiru ita halo intervensaun ba impaktu ne’e, segundu mak halo prevensaun, hadi’a ita nia ordenamentu ita nia sidade,”dehan Prezidente komisaun E ne’e ba GMN, iha PN, Kinta(08/04/2021)

Iha sorin seluk, deputadu CNRT, Patrocínio Fernandes husu governu, atu aselera ajudu emerjénsia ba vítima inundasaun sira iha Díli no iha munisípiu ne’ebé afeitadu hodi dezastre naturais ne’e.

agora governu tenke iha kreatividade, atu responde lalais, ba povu nia hamlaha, no povu nia sasán hotu-hotu ne’ebé hetan estragus, hosi ida ne’e, para lalais.

liu-liu sira ne’ebé uma laiha, uma estragus hotu, toba fatin laiha, buat sira ne’e hotu, ida ne’e mak governu tenke tau prioridade, para responde lalais, tanba povu presiza governu nia asaun, la presiza governu ninia deklarasaun.”afirma deputadu opozisaun ne’e.

hosi akontesimentu dezastre naturais ne’e, kuaze ema nain 40 resin mak lakon vida, maibe ne’e dadus provizoriu, tanba mate isin balun seidauk konsege hetan.say

 

Add to Comments Here!!!!

error: Content is protected.
Secured By miniOrange
You might also like:
Ativista DH konsidera Naimori laiha étika morál

Ativista Direitu Umanu (DH-sigla Portugés) konsidera...

Komunidade hetan tan mate isin ida iha Maubisse

Komunidade Suku Maulau, postu administrativu Maubisse,...

Palásiu nakonu ho tahu, PM-PR enkontru iha rezidénsia Farol

Enkontru entre Xefe Esatdu, Francisco Guteres...

Close