JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

MPLM husu Governu aselera ezekusaun OJE 2021

MPLM husu Governu aselera ezekusaun OJE 2021

Movimentu Popular ba Libertasaun Maubere (MPLM) husu governu atu aselera lais ezekusaun Orsamentu Jerál Eestadu (OJE) 2021, hodi fó apoiu imediata ba komunidade hotu, ne’ebe afetadu husi inundasaun iha Díli no mos Munisípiu no mos haree ba COVID-19.

“Ami husu halo ezekusaun lalais ba OJE, la’ós diskusaun no alterasaun bebeik, atu bele halo intervensaun imediata husi entidade prinsipal no relevantes ba rekonstrusaun no rehabilitasaun infraestrutura públiku hanesan bee, eletrisidade, ponte no dalan iha Timor laran tomak”, dehan Porta Voz, Guerson Ribeiro, liuhosi konferensia ba imprensa, Kinta (29/04/2021) iha Kampu-Alor, Díli.

Porta Voz ne’e  afirma, dezde COVID-19 tama mai Timor iha 2020, no inundasaun foin lalais ho tinan kotuk, lori dezastre no nahan todan liu tan ba Povu Maubere, maluk Timor-oan besik 45 mak lakon nia vida tanba inundasaun no nain-tolu foin mate tamba virus Covid-19 foin lalais, la sura tan ho maluk maubere hotu ne’ebé lakon servisu, lakon rendimentu, lakon estudu tan deit medidas prevensaun Covid-19 no ba sira ne’ebé lakon ema, rikusoin, sasán no uma tanba deit inundasaun bo’ot foin lalais iha dia 4 Abril 2021.

“Ami Movimentu Popular ba Maubere konsidera katak, dezastre ka inundasaun ne’e laos mosu deit maibé tanba dezenvolvimentu Timor nian lori deit benefisiu ba ema oituan no ema oitoan mak sai risku no hetan privilejiu no ema barak sai kiak, exkluidu no exploitadu. Dezenvolvimentu ne’ebé lori ema barak hela iha sidade ninin ho konsekuansia ne’e halo ema barak, ne’ebé kiak no kbiit-laek sai risku ba kualker dezastre naturais inklui Covid-19”,subliña Guerson Ribeiro .

Nia haktuir, hafoin inundasaun, MPLM haree katak, Governu atual prátika polítika fase-liman atu fo apoiu imediatu no tempu naruk, no MPLM haree katak, partidu FRETILIN, PLP ho KHUNTO halo asaun karidade falsu no hala’o karidade falsu ne’e iha ida-idak nia partidu, duke lidera Governu atu fo apoiu konkretu no garante atu fo apoiu ba familia ne’ebé nia uma lakon no estragu totál tamba inundasaun foin lalais.

Lee hotu :   CNRT: Ró Haksolok sei la mai TL, tanba Atlantic Eagle bankarrota ona

“Inundasaun fo hanoin katak, atu labele destroi ka estraga ambiente tanba deit buka lukru privadu hanesan Empreza Privadu sira halo be-beik, no fo hanoin deit katak Governu tenke kria dezenvolvimentu ne’ebé diak ba ema no ambiente ka natureza”,subliña.

Tanba ne’e, MPLM husu intervensaun no inisiativa popular, movimentu liu-liu apoiu rekursu husi Governu hodi hala’o inisiativa reflorestaun masimu ba foho no rai ne’ebe risku ba rai halai no inundasaun sira inklui seluk tan.

“Ami ho fuan metin, hakarak ejije Timor oan nia direitu nu’udar sidadaun ne’ebé tenki moris diak, no hetan protesaun husi estadu, tanba ne’e ami ejije ba Estadu hodi atua iha tempu hirak mai atu iha planu no asaun konkretu hodi ezekuta programa realokasaun sosiedade no reintegra ba área ka bairu foun ne’ebé adeakuadu atu moris no dok husi risku dezastre naturais”subliña Guerson Ribeiro .

Porta Voz ne’e hatutan, laos komunidade nian hakarak atu hela iha área risku ba dezastre naturais maibe tanba hetan presaun no obrigasaun sosial husi prosesu dezenvolvimentu, ne’ebé inbalansu ka komunidade barak rasik hela ona besik mota molok Estadu ne’e eziste.

Tanba ne’e, MPLM ezije atu Governu tenki harii bairu foun ba komunidade ne’ebé risku ba dezastre naturál ho gratuitu, dignu no kualidade no implementasaun programa realokasaun tengke ho transparensia, partisipativu, koletivu no laiha interese kapitál no interese partidu ka individual.

“Ami fiar katak, dezenvolvimentu inbalansu mak halo urbanizasaun ka halo ema husi Munisipiu hotu mai konsentra hodi buka moris iha sidade Dili laran, no ho konsekuensia naruk durante periodu  kolonialismu, okupasaun estranjeiru mai Timor to’o mai independensia halo ema barak mos hahu lakon rai, no laiha kbit atu hetan rai adekuadu ba hela no tan presaun sosial sira tenki hili hodi hela iha mota-ninin, ka area ne’ebé risku tebes ba dezastre naturais hanesan inundasaun, rai halai ka rai-monu no selu-seluk tan. Ami ezije Governu atu hahú ona konsidera direitu sidadaun atu hetan rai ne’ebé igual”,haktuir.Fel

Add to Comments Here!!!!

error: Content is protected.
Secured By miniOrange
You might also like:
PR fó pose ba Alfonso Lopes lidera PJR ■Promete kombate kriminalidade organizada no korrupsaun

Prezidente Repúblika (PR), Francisco Guterres Ló...

Dokumentu motorizada mate, PNTL autoriza sirkula durante SS

Polísia Nasionál Timor-Leste (PNTL) autoriza motorizada...

Reativa konfinamentu obrigatóriu bazeia ba rekomendasaun SIJK

Governu liu husi Reniaun Konsellu Ministru...

Close