JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

PN aprova karáter urjénsia ba proposta OR

PN aprova karáter urjénsia ba proposta OR

Parlamentu Nasionál (PN) kinta lejislatura, liu hosi plenária Tersa (7/4/2021), aprova ona pedidu urjénsia ne’ebé Governu propoin iha proposta alterasaun ba Orsamentu Retifikativu (OR).

Prezidente Parlamentu Nasionál, Aniceto Guterres, hateten, orsamentu retifikativu ne’e, prioridade tebes ba Governu, hodi responde ba situasaun rua ne’ebé pertinente tebes, hanesan COVID-19 no dezastre naturál, maibe sei la aumenta no hamenus osan hosi Parlamentu Nasionál nian.

Tanba bazeia proposta ne’ebé Governu propoin, ko’a de’it hosi parte balun ne’ebé ladun urjente atu ezekuta iha tinan ne’e, inklui aumenta hosi apoiu balun ne’ebé parseiru sira  fó.

“Ami nein diminui nein aumenta ami-nia osan, tanba PN nia osan to’o hela, sa tán agora Estadu hasoru hela situasaun ida ne’e, Governu mak presiza liu rekursu, doque PN, PN labele inkomoda tan Governu, enkuantu Governu mós hasoru difikuldade ba situasaun emerjénsia rua, kalamidade ho Covid-19”,afirma PPN, Aniceto ba jornalista sira iha PN, Kuarta (07/04/2021).

Ministru Finansa, Rui Gomes, afirma, konfirma, proposta ne’e presiza tebes atu diskute ho urjénsia, nune’e bele responde urjénsia mós ba situasaun atúal, antes grave liutan.

“Ami rejista preokupasoens lubuk iha ne’e, importante tebes iha debate espesialidade relatóriu sira ne’e ami sei aprezenta, hau rasik mak sei mai, ita sei diskute detallu. Ami tenta atu hadi’a, tempu ida ne’e, tempu ida difísil, tenta para medida sira ne’ebé aplika iha tinan kotuk, bele efetivu liu iha tinan ida ne’e, ida ne’e mak ita atu halo. Ha’u mós konkorda katak, se de faktu ida ne’e aprova ho karatér urjénsia, tuir kalendáriu ne’ebé aprezenta, to’o kedas iha Maiu, ida ne’e sei difísil teb-tebes, signifika katak opsaun ne’e mak, ita husik empreza sira ne’e taka dadaun ba, husik dezempregu ne’e sa’e nafatin ka, ka ita rezolve kedas agora, antes situasaun sira ne’e bele grave liu tan. Tanba ne’e mak ha’u hanoin intervensaun sira ne’e urjente teb-tebes, liu-liu ho kalamidade foin dadaun ne’e, ida ne’e afeta liutan.”tenik governante ne’e.

Lee hotu :   PM Taur: Governu konsiente estensaun EE afeta ba ekonomia povu nian

Iha poprosta OR ne’e, Governu propoin tokon USD 200 resin, ne’ebé ajusta hosi Orsamentu Jerál Estadu ba tinan 2021 ne’ebé aprovadu ho montante billiaun USD 1.895. Pedidu ba karatér urjénsia ne’e, pasa ho votu a favór 39, kontra 0 no abstensaun 14.Say

Add to Comments Here!!!!

error: Content is protected.
Secured By miniOrange
You might also like:
PPN: Simu vasinanasaun AstraZeneca la halakon totál COVID-19

Prezidente Parlamentu Nasionál (PPN), Aniceto Guterres...

PM Taur : Timor-oan hamutuk tau matan ba vítima inundasaun

Primeiru Ministru (PM), Taur Matan Ruak,...

Marí Alkatiri husu governu apoia vítima inundasaun iha munisípiu

Sekretáriu Jerál FRETILIN, Mari Alkatiri husu...

Close