JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

PN fó votu pezár ba vítima dezastre naturál iha TL

PN fó votu pezár ba vítima dezastre naturál iha TL

Deputadu sira kinta lejislatura aprova votu pezár ho unanimidade, a favór 45, kontra 0, no abstensaun 0, maibe deputadu balun la marka prezensa.

Prezidente Parlamentu Nasionál, Aniceto Guterres, husu membru Governu atu atende kontaktu hosi deputadu sira, liu-liu iha situasaun emerjénsia sira, hanesan inundasaun no seluktan.

“Deputadu sira kuandu telfoni ba membru governu sira, maibe membru governu sira ladun atende, ne’eduni liuhosi meza PN ne’e, ho MAPKOMS, aviza hela ba membru governu sira, para simu kontaktu deputadu sira nian, para hodi partilla informasaun ne’ebé sira husu. Tanba formas sira hanesan ne’e, maibe bele fasilita no ajuda iha situasaun urjénsia sira hanesan ne’e, se la’e ida-idak ka’er informasaun sira ne’ebé loloos iha ka halo tiha ona, maibe tanba komunikasaun ladun di’ak, entaun laiha informasaun.”afirma PPN, Aniceto iha plenária, Tersa (06/04/2021).

Iha plenária, deputadu sira bankada Fretilin ho CNRT kontinua fó kulpa ba malu, kona-bá akontesimentu dezastre naturál ne’e.

“Saudasoens solidariedade ba ita nia populasaun sira iha Timor laran tomak, votu de pezár ida ne’e mai hanesan efeitus hosi ita nia desizoens polítikas tinan 10 resin ba kotuk. Tinan-tinan ita aprova osan iha PN ida ne’e, ba manutensaun rutina, kontrollu de seias, maibe to’o ohin loron lahatene osan sira ne’e lori halo fali saida? nunka halo kontrolu de seía. Se desde Primeiru Governu mai to’o iha Sétimu Governu to’o Oitavu Governu mak konsentra iha kanalizasaun bee sir aba nia fatin, labele husik de’it tama iha sidade Díli, ohin loron ita la sofre hanesan ne’e. Tanba ne’e ha’u husu ba iha oitavu governu, orsamentu tuir mai tenke konsentra iha ida ne’e, ema ne’ebé responsavel ba gasta osan ne’e, tenke seletivu. sofrimentu ida ne’e, mai hosi ita nia ezekutivu sira nia desizaun ne’ebé laloos, fó osan nar-naran de’it ba ema, gasta arbiru de’it, agora ita halo votu de pezár ba povu, ita mo’e. Ha’u husu, pelu menus iha fulan 6 nia laran ne’e konsentra lai ida ne’e, inundasaun iha Díli ne’e la’os primeira-vez, ne’e akontese tinan-tinan, ita aprova osan, maibe la uza osan ne’e ho loloos, relatóriu mai mak gasta hotu ona, realidade la justifika, tanba ne’e mak ohin loron ita atu halo votu de pezár ba povu ne’e, hau husu para tinan oin mai ita labele halo tan votu de pezár, tanba ne’e husu governu responsbailiza orsamentu ne’ebé Parlamentu Nasionál autoriza ne’e.”afirma deputadu Fretilin, Joaquim dos Santos iha plenária ne’e.

Lee hotu :   Angela Freitas-Aitahan Matak mobiliza massa hato’o petisaun kontra PR Lú Olo

Nune’e deputadu bankada CNRT, Gabriel Soares, hatete, Governu ida ne’e tau osan bar-barak, maibe la halo buat ida. Tanba ne’e, tenke buka solusaun hodi rezolve povu ninia problema.

“Husu Governu ida ne’e, aprova osan tau osan bar-barak, para atu halo drenajen ka atu asegura mota ka, tenke halo, labele ko’alia mak barak, labele fó razaun mak barak, tenke buka solusaun, solusaun ne’e mak importante, la’os akontese tiha, mai iha ne’e ita dun malu, duun ba uluk, uluk duun fali ba agora, atu duun tan ba se, se loos mak atu rona ida ne’e, agora dadaun lalika buka razaun, maibe buka para fó solusaun ba povu nia vida no povu nia moris, tanba ne’e husu governu atu haree didi’ak, tanba ita lahatene bainhira mak uda ne’e atu para. ”realsa deputadu CNRT, Gabriel Soares.

Tuir dadus provizoriu husi protesaun sivíl, inundasaun ne’ebé akontese iha Sábadu kalan to’o Domingu ne’e, rezulta ema kuaze 30 resin mak lakon vida,no kuaze ema atus ba atus mak lakon nia uma no sasán sira, hodi refuzia ba fatin seguru sira,  inklui edifisiu estadu sira iha Díli.Say

Add to Comments Here!!!!

error: Content is protected.
Secured By miniOrange
You might also like:
MS lansa vasina AstraZeneca, Asanami dezafia vasina uluk PR, Governu ho PN

Ministra Saúde (MS), Odete Belo, informa,...

Vítima inundasaun Hera husu Governu fó apoiu ai-han

Komunidade Aldeia Halidolar, Suku Hera, Munisípiu...

Kazu mortál COVID-19 iha TL ba dahuluk feto ida

Família rekoñese Francisca Gama mate tanba...

Close