JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

PR fó pose ba Alfonso Lopes lidera PJR ■Promete kombate kriminalidade organizada no korrupsaun

PR fó pose ba Alfonso Lopes lidera PJR ■Promete kombate kriminalidade organizada no korrupsaun

Prezidente Repúblika (PR), Francisco Guterres Ló Olo, Kinta (29/04/2021) ne’e fó posse ba Alfonso Lopes, hodi lidera Prokuradoria Jerál Repúblika (PJR), ba periodu tinan 2021 to’o 2025.

Alfonso Lopes nomeia hosi PR Lú Olo, bazeia ba dekretu Prezidensia Repúblika 21/2021, loron 28 fulan Abril tinan ne’e, hodi ezonera Alfonso Lopez hosi nia kargu hanesan Adjuntu PJR , asumi fali kargu PJR.

Xefe Estadu nomeia Alfonso Lopes, hafoin rona Governu tuir artigu 86, aliñea K hosi artigu 133, númeru 3 Konstituisaun Repúblika ne’ebé konjuga iha artigu 12, númeru 1 no númeru 2, hosi lei númeru 14/2005 loron 16 fulan Setembru dekreta estatutu ministériu públiku nian.

Iha sermonia espesiál refere, Alfonso Lopes agradese, ba konfiansa Prezidente Repúblika, Francisco Guterres Ló Olo, hodi nomeia nia hodi lidera instituisaun refere, no promote sei esforsu durante nia mandatu ne’e hodi kontinua serbisu lori instituisaun PJR no MP ba oin, tanba instituisaun hirak ne’e hanesan serbisu independente no autónomo.

“Ha’u agradese konfiansa ne’ebé depósitu mai ha’u, ha’u sente onradu tebe-tebes no sei esforsu no kumpri ho di’ak hodi fiar katak konfiansa hametin liu-liu iha kompartilla ba malu arkitetura kona-ba ministériu públiku ne’ebé hatur iha nia autónomu ordenasaun ba poder polítiku ho titlu kona-ba tribunal sira, ministériu públiku nu’udar órgaun autónomu da justisa, ministériu públiku autónomu ida no indpendente”, afirma Alfonso Lopes, liuhosi diskursu iha Palásiu Prezidensiál, Bairo-Pite, Kinta (29/04).

Hafoin fó posse ba Alfonso Lopez, Prezidente Repúblika, Francisco Guterres Lú Olo rekoñese, pontu fraku MP ni’an, tanba durante ne’e kazu barak nia prosesu la’o kleur liu.

Nune’e, husu ba prokurador foun, kapasita-an hodi hadia di’ak liu tan serbisu hirak ne’ebé durante ne’e la’o nei-neik liu, iha instituisaun ministériu públiku no prokuradoria jerál repúblika.

Lee hotu :   La presiza dois terços, Tilman: Konstitusionalista Bacelar bosok

“Ita nia sistema justisa formal sei iha nafatin problemas oi-oin. ida mak prosesamentu kazu la’o kleur liu, tanba falta rekursu humanu no falta aptidaun téknika kona-ba matéria espesializada. ita tenke rekoñese ita nia pontu fraku sira atu it abele hadiak-an liu-hosi kapasitasaun no bele hadi’ak liu tan serbisu. ho rekoñesimentu ida ne’e mak ita harii baze ba kapasitasaun no hadi’ak-an bebeik”.

Alfonso Lopez nomeia hodi troka, prokurador sesante, José da Costa Ximenes, ne’ebé termina ona nia mandatu iha loron 28 fulan Abril tinan 2021. Entetantu José da Costa Ximenes lidera instituisaun PJR no MP hosi tinan 2013 to’o 2017 no suspende tan iha tinan 2017 to’o tinan 2021.

Promete fó prioridade kombate kriminalidade organizada no korrupsaun

Iha okaziaun ne’e Prokurador Jerál Repúblika (PJR), Alfonso Lopes promote, durante nia mandatu sei prioridade ba kombate kriminalidade organizada no korrupsaun.

“Iha prioridade sentral sira ne’ebé mak assume ba tinan haat oin mai ne’e mak sei fó prioridade ba resposta lalais ba efikaz liu ba kombate kriminalidade organizada, korupsaun ida ne’e sai prioridade sentral ni’an,  koperasaun judisial matéria penal ne’e sai importante, ita barak mak arguidu no suspeitu halai lakon, ida ne’e tenke hametin tan koperasaun internasional liu hosi husu apoiu ba estadu atu estabelese”, dehan Alfonso Lopes.

Alende ne’e sei fó mós formasaun iha área espesialidade oi-oin, ba ema sira ne’ebé hala’o knar iha instituisaun MP ho PJR dadaun ne’e. nune’e mós sei fó atensaun ba despeza públika, tanba ne’e konta jerál estadu ni’an, liu-liu respons’avel finanseira hotu-hotu ne’ebé jere osan ba bem públiku sira. Ina

Add to Comments Here!!!!

error: Content is protected.
Secured By miniOrange
You might also like:
Dokumentu motorizada mate, PNTL autoriza sirkula durante SS

Polísia Nasionál Timor-Leste (PNTL) autoriza motorizada...

Reativa konfinamentu obrigatóriu bazeia ba rekomendasaun SIJK

Governu liu husi Reniaun Konsellu Ministru...

CNRT husu Governu separa fatin izolamentu ba mane no feto

Deputada bankada CNRT, Virgínia Ana Belo,...

Close