JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

PR nomeia Alfonso Lopes ba PJR no estende mandatu PTR atuál

PR nomeia Alfonso Lopes ba PJR no estende mandatu PTR atuál

Prezidente Repúblika (PR), Francisco Guteres Lu Ólo nomeia ona prokuradór Alfonso Lopes hodi lidera instituisaun Prokuradoria Jerál Repúblika (PJR) tinan 2021-2025 hodi troka PJR sesante, José Ximenes.

Liu husi dekretu Prezidénsia Repúblika, númeru 22/2021 hodi nomeia Alfonso Lopes hodi troka Prokurador Jeral Repúblika sesante, José Da Costa Ximenes ne’ebé termina nia mandatu iha loron 28 fulan abril, tinan ne’e.

Informasaun refere GMN asesa liu husi Komunikadu Imprensa, ne’ebé publika ofisialmente husi mídia Palásiu Prezidensial, Kuarta (28/04).

Xefe Estadu nomeia Alfonso Lopes hodi lidera Prokuradoria Jeral Repúblika ba periodu tinan 2021 to’o 2025, hafoin rona Governu tuir artugu 86, aliñia k husi artigu 133, númeru 3 konstituisaun  repúblika ne’ebé konjuga iha artigu 12, númeru 1 no númeru 2, husi lei númeru 14/2005 loron 16 fulan Setembru dekreta estatutu Ministériu Públiku.

Liu husi dekretu Prezidente Repúblika 21/2021/ kuarta, loron 28 fulan Abril tinan ne’e, Franscisco Guteres Lu-Ólo ezonera Alfonso Lopez husi nia kargu hanesan adjuntu Prokurador Jeral Repúblika, sai prokurador lídera Ministériu Públiku.

Tuir ajenda, Alfonso Lopez sei simu tomada de posse husi Prezidente Repúblika, Francisco Guterres Lu Ólo, ba Prokurador Jeral Repúblika, iha kinta feira aban tuku 09:00 oras Timor-Leste, iha Palásiu Prezidensial, Bairo-Pite.

Nune’e mos, Jurista Timor-oan Sérgio Quintas, hateten, Xefe Estadu Francisco Guterres Lú Olo, nomeia ona Prokuradór Alfonso Lopes, ba Prokuradór Jerál Repúblika (PJR), hodi troka Prokuradór Jerál sesante José Ximenes.

Sérgio Quintas, hateten, tuir prosesu normál, kandidatu ne’ebé Prezidente Repúblika nomeia ba PJR, sei publika uluk iha pájina Jornal Repúblika, antes simu pose.

Jurísta ne’e haktuir, kandidatu ne’ebé kompete iha pozisaun PJR ne’e, hamutuk prokuradór karreira na’in tolu mak hanesan, Jacinto Babo, Angelina Soares Saldanha no Alfonso Lopes, nu’udar Adjuntu PJR sesante nian.

Lee hotu :   Bankada CNRT husu PR nomeia ona PGR foun

“Ha’u rona fontes kredível katak, Prezidente Repúblika nomeia tiha ona Doutor Alfonso Lopes, parese nia prosesu ne’e sei publika iha Jornal  Repúblika, hafoin maka Prezidente Repúblika fó pose ba nia”,dehan Jurista Sérgio Quintas, iha nia rezidénsia Delta III-Díli Kuarta (28/04).

Kona-ba kapasidade Prokuradór Repúblika ne’ebé, xefe Estadu nomeia ne’e, jurista ne’e hatete, laiha duvida, tanba prokuradór refere, mai husi antesedénsia prokuradór karreira no prokuradór primeira klase.

“Ha’u la duvida kona-ba nia kapasidade tékniku, tanba nia mai husi instituisaun ne’ebé nia servisu ba, tanba nia ema majistradu ida, no nia iha klase mais elevadu”,dehan Jurista ne’e.

Jurista ne’e hateten tan, maibé tenke obedese ba konstituisaun RDTL, no estatutu Ministériu Públiku nian, lei númeru 11/2011, primeiru alterasaun ba númeru 14/2005, ne’ebé hatúr ona katak, kompeténsia Ministériu Públiku nian mak, promove legalidade demokrátiku, komvoka reuniaun konsellu superior Ministériu Públiku nian no seluk tan, tuir artigu ne’e.

Tuir informasaun ne’ebé iha, Kinta (29/04), Prezidente Repúblika sei fó posse ba prokuradór ne’ebé propoin ona.

Prokuradór Jerál Repúblika sesante, José da Costa Ximenes nia mandatu termina ona iha loron 15, fulan Abril tinan ne’e.

Entretantu tuir kontes konfirmadu haktuir katak, PR Lú Olo estende mandatu Prezidente Tribunal Rekursu, Deolindo dos Santos, ba períodu ida tan. Ina/San

Add to Comments Here!!!!

error: Content is protected.
Secured By miniOrange
You might also like:
PNTL seidauk iha planu atu retira postu sia iha fronteira

Polísia Nasionál Timor-Leste (PNTL) Munisipiu Díli,...

Saharaui agradese TL nia apoiu solidariedade ba sira-nia luta

Povu Arabe Saharaui Osidental liu hosi...

Mohamed Slama Bady halo despedida ho PM

Embaixadór Repúblika Demokrátika Saharawi, Mohamed Slama...

Close