JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Reativa konfinamentu obrigatóriu bazeia ba rekomendasaun SIJK

Reativa konfinamentu obrigatóriu bazeia ba rekomendasaun SIJK

Governu liu husi Reniaun Konsellu Ministru Estraordináriu, Kinta (29/04), desidi reativa Konfinamentu Obrigatóriu iha Munisípiu Díli, tamba númeru COVID-19 aumenta maka’as iha loron hirak ikus ne’e.

Ministru Prezidensia Konsellu Ministru, Fidelis Manuel Leite Magalhães, hatete, governu deside reativa konfinamentu obrigatóriu hafoin rona apresentasaun pontu situasaun epidemolójika iha nasaun ne’e husi sala situasaun, Sentru Integradu Jestaun Krize.

 “Iha sorumutu Konsellu Ministru ne’e, asiste ona aprezentasaun ida husi pontu situasaun epidemiolójika país nian, husi sala situasaun Sentru Integradu Jestaun Krise (SIJK), hahú kedas husi inisíu pandemia to’o agora deteta ona ema hamutuk 2.124 ,ne’ebé infetadu ho corona virus foun ,iha kazu ne’e husi munisípiu 12 no RAEOA ,maibé Díli mak munisípiu ida ne’ebé infetadu liu hamutuk ema 1.794 ,konsidera eziste klasifikasaun transmisaun komunitária, oras ne’e dadaun iha kazu ativu hamutuk 1.014 no rejista ona kazu moderadu 21 no nain 2 grave COVID-19, taxa insidénsia iha munisípiu Díli, oras ne’e dadaun maka 27,3 husi abitante 100.000”, hatete Ministru Prezidensia Konsellu Ministru, Fidelis Manuel Leite Magalhães ba Jornalista sira hafoin Reuniaun Konsellu Ministru.

Fidelis Magalahães  esplika, medida sira ne’ebé impoin iha diploma ne’e maka hanesan regra ezekusaun sira anteriór, deklarsaun Estadu Emerjénsia nian.

Governante ne’e esplika katak sidadaun hirak ne’ebé simu ona vasina AstraZeneca kompletu, sei bele la’o livre ba mai husi munisípiu ida ba sira seluk.

Reativa Konfinamentu Obratóriu iha Munisípiu Díli, ne’e sei hahú iha Kinta feira ne’e, iha tuku:12:00 no sei remata iha loron 13, fulan Maiu, tinan ne’e.

Antes ne’e Governu implementa Konfinamentu Obratóriu iha Díli, maibe Governu suspende tamba mosu inundasaun iha Díli nune’e fó biban ba komunidade atu ajuda malu no sosa nesesidade ba sira nebe afetadu husi inundasaun nebe akontese iha 4 Abril.

Lee hotu :   Koligasaun foun entrega ona rezultadu konferénsia ba PR ■Indijita Xanana ba PM

SIJK rekomenda pontu tolu

Ba implementasaun Estadu Emerjénsia ba dala sanulu resin tolu (XIII) ne’e, Sentru Integradi Jestaun Krise – Sala Situasaun (SIJK-SS), rekomenda opsaun  tolu  (3) ba governu atu kombate transmissaun komunitária Sars-Cov-2.

OPSAUN DAHULUK (I)

  1. Aseita Nova Normalidade (New Normal);
  2. Lalika impoin Serka Sanitária;
  3. Lalika halo konfinamentu domisiliáriu Jeral;
  4. Lalika bandu ema hobur malu (aglomerasaun);
  5. Lalika bandu aula eskola (atividade aprendijazen);
  6. La bandu atividade relijiozu;
  7. La fó subsídiu agregadu familiar;

Maibe,  halo deit detensaun restreia, halo deit tratamentu, halo deit medida prevensaun ijiene pessoal no halo fiskalizasaun ba fatin públiku sira.

OPSAUN DARUAK (II)

  1. Impoin Serka Sanitária maibe la halo konfinamentu domisiliaria;
  2. Lalika bandu ema hobur malu (aglomerasaun);
  3. Lalika bandu aula eskola (atividade aprendijazen);
  4. La bandu atividade relijiozu;

Maibe fó subsídiu agregadu familiar ba rendimentu la fiksu sira (sira nebe la manan osan mensalmente/fiksu) no bainhira identifika kazu ruma tenki halo prevensaun no fiskalizasaun

OPSAUN DATOLUK (III)

  1. Impoin Serka Sanitária;
  2. Halo konfinamentu domisiliaria;
  3. Bandu ema hobur malu (aglomerasaun);
  4. Bandu aula eskola (atividade aprendijazen);
  5. Bandu atividade relijiozu;

 Maibe fó subsídiu agregadu familiar no tenki aplika medida prevensaun ijiene pessoal no halo fiskalizasaun ba fatin públiku sira.

SS iha munisípiu Lautém-Liquisa no Manufahi

Konsellu Ministru (KM) ,deside, aplika Serka Sanitária (SS) iha Munisípu Lautém, Liquisa no Manufahi, tamba númeru COVID-19 iha munisípiu 3 refere aumenta.

Iha reniaun Konsellu Ministru Estraordináriu Kinta Semana ne’e mós  aprova projetu Rezolusaun Governu nian ba renovasaun impozisaun Serka Sanitária iha Munisípiu Ainaro, Baucau, Díli, Ermera, Covalima no Viqueque, hahu iha loron 3 to’o loron 16, fulan Maiu.

Lee hotu :   Mariano Assanami Sabino: Kadoras GS mai TL iha impaktu pozitivu

Alende Konsellu Ministru mós aprova Impozisaun Serka Sanitária iha Munisípiu Lautém,Liquisa,no Manufahi, hahu iha loron 30 fulan Abril, to’o loron 16, fulan Maiu ,tinan ne’e.

Konsellu Ministru mos aprova tan projetu Dekretu Governu nian , ne’ebé aprenzenta husi Primeiru Ministru Taur Matan Ruak, konaba medida ezekusaun ba deklrasaun estadu merjénsia ne’ebé efetua husi Dekretu Prezidente Repúblika Númeru 24/2021, loron 28, fulan Abril, hodi hatán ba pandemia COVID-19.Tos

Add to Comments Here!!!!

error: Content is protected.
Secured By miniOrange
You might also like:
CNRT husu Governu separa fatin izolamentu ba mane no feto

Deputada bankada CNRT, Virgínia Ana Belo,...

PR husu PTR aselera promove setór justisa

Prezidente Repúblika (PR), Francisco Guteres Lú...

MEJD husu PNTL kaptura estudante la uza máskara

Ministériu Edukasaun  Juventude no Desportu (MEJD)...

Close