JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Somotxo: Ha’u laiha intensaun atu ameasa povu

Somotxo: Ha’u laiha intensaun atu ameasa povu

Prezidente Komisaun B  ne’ebé trata asuntu Negosiu Estranjeiru no Defeza  Seguransa, José Agostinho Somotxo justifika, nia deklarasaun ne’ebé fó sai iha loron hirak liu ba la’ós atu ameasa povu, liga ho prezensa líder Karismátiku, Kay Rala Xanana Gusmao iha izolamentu Vera-Kruz, ne’ebé hobur hosi komunidade sira.

Somotxo deklara laiha intensaun atu ameasa sidadaun sira, maibe atu tiru de’it gas lakrimonjéniu, bainhira viola demais regras Serka Sanitária, nune’e nia parte husu sidadaun hotu atu lalika pániku.

Eis Ministru Defeza ne’e hato’o esklaresimentu ne’e, iha Parlamentu Nasionál, Kinta (15/4/2021). “Se momentu ne’e hateten atu tiru manifestante sira, normalmente iha mundu tomak, ne’e lori saida? ohin loron ne’e, bala de borraxa mós bandu tiha ona. Ha’u lakohi responde ema ne’ebé ho hau edukasaun la hanesan, hau nia edukasaun iha sira nia okos, hau la hanesan sira, maibe nu’udar polítiku, hau la simu insulta sira ne’e. Maibe ida ne’e mak nível polítiku ka matenek sira TL nian, hau hanoin to’o momentu ida ita sei hetan  krítiku. Tanba hosi maun bo’ot Xanana to’o ami sira hosi 1975 nian mate hotu, saida mak sei akontese.

Husi Senrvisu investigasaun Kriminal atu check to’o, ha’u-nia sala ne’e ida ne’ebé, ne’ebé hau dehan atu tiru ho saida? tiru kainaun ka, tiru ho bazooka ka tiru ho missel, ne’e para ema komprende, Somotxo hakarak oho ninia povu, tanba uluk bapa sira oho ne’e seidauk to’o, ne’ebé tenke oho ninia povu? Se mak hanesan ha’u hadomi povu ne’e ho tinan 15 to’o ohin loron, agora tanba problema ida ne’e mak ha’u dehan tenke tiru povu? Ha’u lori saida?. Ha’u husu mós ba joven sira, buat ida kuandu ita hakarak reajen, tuir ne’ebé uluk ami fuik iha ai-laran aprende, tenke investiga uluk, segundu mak foin reajen. Hanesan ezemplu ida, se hahan ita nia ibun, ita ko’alia ladi’ak, kuandu ita laiha investigasaun, lahatene tuir saida mak ema ne’e ko’alia, mak ita reazen arbiru de’it, ida ne’e mós lahatene ita nia edukasaun ne’e ba to’o iha ne’ebé?”dehan nia.

Lee hotu :   Jurista: PM Taur retira OJE 2020 iha PN la viola lei

“Ha’u lakohi mafíozu sira iha ita nia komunikasaun sosial, liu-liu Repúblika Demokrátika Timor-Leste ninia Televizaun. Se ha’u mak sala, karik ha’u ko’alia missel ruma ka kainaun ka bajuka ruma, ha’u prontu ba hatan ba iha povu tomak. Hateten ba povu tomak katak, ha’u Somotxo, ha’u lakon ha’u-nia juventude tomak, no ha’u-nia família tomak, para atu defende povu ida ne’e, ne’eduni la’os atu oho fali povu ida ne’e, ne’ebé joven sira tenke tetu liafuan, para hanesan formasaun ba sira rasik, aban bainrua sia hanesan Timor-oan ida di’ak hodi serví nasaun.”justifika Prezidente komisaun B ne’e ba jornalista sira iha PN, Kinta(15/04/2021).

Maske nune’e, mate-isin Armindo Borges ne’ebé identifika pozitivu COVID-19, governu ho Sentru Jestaun Krize entrega ona ba família hodi halo’ot, hafoin líder rezisténsia Kay Rala Xanana Gusmão toba hein iha Izolamentu Vera-Kruz durante kalan tolu. Say

Add to Comments Here!!!!

error: Content is protected.
Secured By miniOrange
You might also like:
PM Taur: SIJK reprezenta ha’u koalia ho Maun Xanana ■Husu deskulpa ba família matebian FG

Primeiru Ministru (PM), Taur Matan Ruak,...

Governu entrega mate-isin ba família, Xanana: Laiha ida mak manan, laiha ida mak lakon

Governu liu husi Sentru Integradu Jestaun...

BNCTL loke Ajénsia iha Kuluhun responde ba ezijénsia kliente

Banko Nasional Komersiu Timor-Leste (BNCTL-sigla Portugés),...

Close