JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

OR tokon USD 223,8 aprovadu iha jeneralidade

OR tokon USD 223,8 aprovadu iha jeneralidade

Parlamentu Nasionál (PN) kinta lejislatura aprova ona proposta Orsamentu Retifikativu (OR) ho montante tokon USD 223,08 iha jeneralidade hodi responde ba dezastre naturál no  prevensaun ba surtu COVID-19 iha Timor-Leste.

Proposta Orsamentu retifikativu ne’e, passa ho votu a favór 44, abstensaun 21 no kontra 0.

Iha diskusaun, Primeiru Ministru (PMN), Taur Matan Ruak, husu membru Parlamentu Nasionál sira, atu hases interese polítika hodi aprova Orsamentu Retifikativu ne’e, nune’e Governu bele responde imediata ba situasaun kalamidade no surtu COVID-19 iha TL.

“Hanesan tinan kotuk, dala ida tan PN bele fó nia apoiu tomak ba governu, independentemente hosi bankada ka partidu ne’ebé de’it, para ita bele rezolve ita nia problema ne’ebé afeta ita nia sidadaun sira. Diskusaun iha jeneralidade ne’e riku tebes, tanba hotu-hotu iha hanoin hakarak atu hadi’a problema sira ne’ebé afeta ba ita nia nasaun, tenke iha solusaun. Dalan ba hakbi’it ita atu hetan solusaun mak iha rekursu finanseirus, tanba ne’e agradese ba apoiu tomak hosi PN.”hateten PM Taur iha PN, Tersa(20/04/2021).

Xefe bankada Fretilin, deputadu Francisco Miranda Branco, liuhosi deklarasaun bankada, husu governu da-ualu, atu ezekuta ho transparansia ba  orsamentu hirak ne’ebé Parlamentu Nasionál aprova, nune’e bele hetan konfiansa povu ho di’akliu tan.

“ Apela ba governu, PM Taur Matan Ruak, atu haree didi’ak jestaun ba fundu sira ne’e, atu labele akontese hanesan iha ita nia viziñu sira, ne’eb’e halo desviu ba fundus covid ne’ebé sira hetan, ida ne’e labele akontese iha ita nia rain, ida ne’e sai lisaun ida ba ita hotu-hotu bele loke matan.

Halo transparansia ba ezekusaun fundu sira ne’e, atu nufim ita sai liuhosi situasaun difisil ida ne’e, ema hotu-hotu sei basa liman ba ita.”tenik Branco.

Lee hotu :   OJE ba PN bo’ot aprovadu, PPN hetan krítika

Nune’e mós bankada opozisaun CNRT,  konsidera Governu halo redusaun barak hosi ministériu sira kontra lei jestaun finanseira.

“Iha loron 30 Marsu 2021, Governu submete proposta Orsamentu Rektifikativu 2021 hamutuk Miliaun $223,8 de dolares mai iha Parlamentu Nasionál, Governu halo alterasaun no ezersísiu ba OJE 2021 hamutuk Miliaun $89 de dolares no husu tán aumentu Miliaun $135,3 de dolares. Hodi nune’e OJE 2021 sei sa’e ba Biliaun $2,030 milhões de doláres. Hare’e husi orsamentu orijinál 2021 ho montante Biliaun $1,895, tetú mós kapasidade no dezenpeñu ezekusaun real iha loron 19 Abril 2021 foin mak atinzi 18.9% de’it hatudu katak Orsamentu Rektifikativu ida ne’e laiha fatin atu diskute no aprova tanba Governu laiha duni kapasidade, sá tán hasoru hela situasaun Covid-19”,dehan xefe bankada CNRT, Patrocínio Fernandes.

Bankada CNRT hare’e katak, kapasidade Governu nian ne’ebé fraku iha ezekusaun orsamentu, sei halo orsamentu retifikativu ida ne’e mós laiha kontribuisaun ba ekonomia, nune’e, Governu ida ne’e nia obra bo’ot ba dezenvolvimentu Timor-Leste nian maka kria Resesaun Ekonómika.

“Program Rekuperasaun Ekonómika falha totál tanba kompañia barak taka, dezenpregu aumenta, povu barak maka halerik no hamlaha tanba laiha osan iha sira-nia liman, no kresimentu ekonómiku ne’ebé prevee atu rekopera iha 2021 ne’e difísil atu atinji, hanesan hatudu iha previzaun kresimentu ekonómiku ne’ebé revê ona husi previzaun orijinál 3.5% tu’un ba iha 2.0%. Lei Orsamentu no Jestaun Finanseiru permite atu Governu bele halo tranferénsia dentru de 20% husi totál orsamentu aprovadu, maibé Lei Orsamentu no Jestaun Finanseiru artigu 38, númeru 3 no 4 bandu atu halo alterasaun ka tranferénsia fundu iha kategoria orsamental Kapital Dezenvolvimentu no Saláriu no Vensimentu. Ne’e signifika saída? Governu bele halo redusaun ka alterasaun orsamentu maibé só bele halo dezde ke iha kategoria orsamental bens servisu, transferénsias públikas no kapital menor”,dehan.

Lee hotu :   Fornesimentu internet ilegál fó impaktu ba reseita Estadu

“Fundu Infraestrutura ninia ezekusaun kiik tebes iha fulan-hát nia laran, ezekusaun globál foin atinzi 7%, ezekusaun iha real aumenta ho komprimissu no obrigasoins ninian. Iha ezekusaun real foin ezekuta osan hamutuk Miliaun $10 husi totál Fundu Infraestrutura Miliaun $269, reprezenta ezekusaun ida ne’e foin mak 3.7% de’it. Bankada CNRT hakarak atu fó hanoin mós katak reapropriasaun redusaun osan kada Ministériu 7% juridikamente la nesesáriu atu tau fali iha Orsamentu Rektifikativu.”afirma vise xefe bankada CNRT, Patrocínio Fernandes iha deklarasaun bankada.

Ba planu rekuperasaun infraestrutura, Parlamentu Nasionál sei halo alterasaun liuhosi proposta ne’ebé sei aprezenta no diskute iha faze espesialidade.

Tuir estimasaun hosi Governu, atu rekupera estragus hosi dezastre naturál ne’e, Governu presiza osan kuaze tokon USD 300.Say

 

Add to Comments Here!!!!

error: Content is protected.
Secured By miniOrange
You might also like:
Júlio Crispim: FK menus, Governu iha dalan altera OJE 2021

Jurista Timor Oan, padre Júlio Crispim,...

Kazu konfirmadu COVID-19 foun hamutuk 83

Koordenadór Forsa-Tarefa Prevensaun no Mitigasaun Surtu...

Governu presiza tokon USD 200 rekopera infra-estrutura

Populasaun ne’ebe vítima afetadu Inundasaun husi...

Close