JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Xanana: CNRT iha atu hasoru laloran ne’ebé sobu konstituisaun

Xanana: CNRT iha atu hasoru laloran ne’ebé sobu konstituisaun

Partidu Congresso Nacional de Reconstrução Timorense (CNRT), Segunda (26/4/201) selebra ninia aniversáriu ba dala 14. Tanba ne’e, Prezidente partidu CNRT, Kay Rala Xanana Gusmão, hatete, lori Conselho Nacional Resistência Timorense (CNRT) ida uluk ninia espíritu, ninia determinasaun hodi hasoru laloran bo’ot ne’ebé mai hasobu konstituisaun RDTL no mos sistema sira ne’ebé iha hodi regula Estadu direitu demokrátiku ida ne’e.

Estadu direitu katak, lei mak bo’ot liu iha instituisaun hot-hotu nia leten. Demokrátiku katak, nu’udar povu, iha direitu atu hala’o demokrasia iha rai-laran. Tanba ikus-ikus ne’e, Estadu direitu demokrátiku la’o la tuir ninia dalan ona.

“Partidu CNRT lori CNRT ida uluk ninia espíritu, ninia determinasaun, ninia esperiénsia lori nu’udar nia forsa polítika, forsa moral atu hasoru laloran bo’ot ne’ebé mai hakarak naksobu, hasobu, ita-nia konstituisaun, haksobu sistema ne’ebé ita tau hela hodi regula didiak Estadu direitu demokrátiku ne’e. Bainhira aprova konstituisaun RDTL, CNRT seidauk iha, 2007 bainhira CNRT mosu ninia kompromisu boot maka atu kumpri konstituisaun”,deklara Prezidente Partidu CNRT, Kay Rala Xanana Gusmão, ba jornalista sira liu husi konferénsia ba imprensa, Segunda (26/4/2021), iha Bairu Grilhos, Díli.

Xanana dehan tan ho situasaun COVID-19 hotu-hotu tenke haka’as an, tau iha fuan laran no kakutak katak tempo sei mai no mudansa tenke halo. Esperansa ba saida, esperansa ba mudansa tanba estadu ne’e tuir Konstituisaun RDTL ezizi atu halo mudansa.

“Mudansa ba komportamentu politiku, mudansa ba hahalok nebe viola Konstituisaun, se lae ita temi estadu de direitu demokratiku, ita husu fali o hatene saida maka estadu de direitu demokratiku. CNRT partidu ki’ik ida laos bo’ot, partidu foun ita hotu hatene foin maka tinan 14, lahalo buat id aba ita nia rai, ita hotu hatene no ita hotu rekonese tanba ne’e makai ta tenki esforsu an nafatin, prepara an atu bele halo buat ruma ba ita nia rain, hahu husi respeita no kumpri Konstituisaun Republika depois hametin Sistema nebe diak tebes nebe halo komunidade internasional mos apresia, maluk sira husi G7+ mos kontente hodi hatene” dehan Xanana.

Lee hotu :   MOPTC sei revé eis membru Governu uza telefone gratuita

Xanana husu ba kuadru militante no simpatizante tomak CNRT nian atu aproveita tempu ne’e hodi halo reflesaun, tanba labele festeza aniversáriu ida ne’e tanba situasaun COVID-19.

“Bainhira ita halo reflesaun didiak to’o tempu ne’ebe ita atu halo konferénsia ita sei hasai lisaun kona ba saida mak diak saida mak ladun diak karik hodi hasai konkluzaun kona-ba saida mak diak iha ita nia estadu direitu demokratiku ne’e ka buat ruma ladun diak iha ita nia Estadu ddireitu demokrátiku ne’e. Ita hotu tenke haka’as an tau ita nia fuan ho kakutak katak tempu sei mai, mudansa tenke halo duni, tanba saida mak nuudar Prezidente Partidu CNRT nian hau bele dehan katak, triste oitoan, tanba ita sai tiha husi Estadu frájil, maibe agora fila-fali ona ba Estadu frájil. Mas labuat ida, se durante tinan 24 ho mate barak teb-tebes ho terus oi-oin deit povu Timor-Leste la hakiduk partidu CNRT mos, liu-liu tanba lori hela espíritu, lori hela determinasaun husi CNRT ida uluk mai CNRT ida agora atu harii nasaun, harii Estadu. Tanba ne’e, ita labele hasoru malu, mas ne’e laos problema, hau husu deit hot-hotu halo reflesaun”,dehan eis komandante em xefe Falintil Kay Rala Xanana Gusmão.

Xanana dehan, ba simpatizante no militante sira hotu halo reflesaun liu-liu kona-ba problema polítiku ne’ebé Timor-Leste enfrenta.

“Kuandu ita temi dehan problema polítiku, la’ós ita la kaer ukun, lae, ita mak ses! tanba ne’e, ita ses ho konsiensia tomak kona-ba saida mak loloos tuir konstituisaun RDTL devia hala’o, ne’e duni tanba ita la konsege fulan hira tiha ona hahú kedas Dezembru ita la konsege halao ita-nia atividade reestruturasaun husi suku to’o munisípiu, ita labele lakon konfiansa, ita labele lakon esperansa,  povu la lakon, tinan 24 kedas, tinan rua oan, tinan tolu oan ne’e la’os ita mak atu lakon fali esperansa. Esperansa ba saida? Esperansa ba mudansa. Tanba Estadu ida ne’e tuir konstituisaun RDTL ezije ba ita atu halo mudansa, mudansa ba komportamentu polítiku, mudansa ba hahalok ne’ebé viola konstituisaun, se lae ita temi Estadu direitu demokrátiku, ita husu fali”,dehan tan Xanana.

Lee hotu :   Munisípiu rua ho RAEOA mai Díli, obrigatóriu tama kuarentena

Xanana dehan, CNRT foin tinan 14, ne’ebé seidauk halo buat barak ba rai ida ne’e, tanba ne’e mak esforsu nafatin atu halo buat ruma ba rai ida ne’e, hahú husi respeita no kumpri konstituisaun RDTL, hametin sistema ne’ebé komunidade internasionál mos apresia. Tanba ne’e ba militante no simpatizante CNRT tomak labele lakon konfiansa, tanba povu nunka lakon konfiansa iha tinan 24 nia laran hasoru okupasaun Indonéziu.

Xanana afirma, Timor-Leste agora enfrenta hela situasaun ida ho problema rua. Ida mak pandemia COVID-19 no ida seluk mak problema polítiku.

“Ha’u la temi pandemia polítika, maibe problema polítiku. Ha’u tenke repete tanba iha violasaun ba konstituisaun, violasaun ba regras demokratika, violasaun ba leis, ba sistema. Tanba ne’e kompañeiru/a sira ba to’o Aldeia, mensajen mak ida ne’e, labele lakon esperansa katak, partidu CNRT sei kumpri nia devér, hadia hala’o fali, hametin fali Estadu direitu demokrátiku ida ne’e. Saudosoens ba imi hotu, fiar-an, hanoin didi’ak hein loron ne’ebé sei mosu. Ho ida ne’e mak ha’u despede, triste oitoan tanba ita labele hakoak malu, triste oitoan tanba ita labele hasoru malu tanba pandemia, mas kontente tanba imi mos iha imi-nia laran, imi sente buat ne’ebé ha’u dehan, i iha imi-nia ulun to’o imi-nia fuan imi hatene katak ita tenke hamutuk, hanoin ida deit hodi bele defende Estadu direitu demokrátiku ne’eb’e povu ho ran ho ruin mak harii, hakoak boot ba imi hotu, tempu diak sei mai, i CNRT sei ajuda atu tempu diak ne’e sei sai diak liu tan”,dehan Xanana.Nes

Add to Comments Here!!!!

error: Content is protected.
Secured By miniOrange
You might also like:
PN husu Governu ezekuta OR tuir planu ne’ebé iha

Hafoin diskute no aprova proposta Orsamentu...

Bee iha lagoa hahú menus, komunidade agradese Xanana

Komunidade agradese ba líder Nasionál Kay...

Governu sei selu kompañia ne’ebe halo ona normalizasaun ba mota

Vise Ministru Obras Publikas, Nicolau Lino...

Close