FONGTIL: Halo festa iha tempu KDJ krime dezobediénsia

Forum Organizasaun Naun Governamentál Timor-Leste (FONGTIL), husu autoridade Polísia Nasionál Timor-Leste (PNTL), atu halo investigasaun ona ba ema sira ne’ebé halo festa ilegál iha ámbitu Serka Sanitária (SS) no Konfinamentu Domisiliáriu Jerál (KDJ), tanba ne’e krime dezobediénsia tuir artigu 224, kódigu penál Timor Leste.

“Se ajente polísia balun mak envolve ka autoriza loke festa ne’e, tuir ita nia kódigu penál katak dezobediénsia ne’e krime”,hateten Diretór Ezekutivu FONGTIL, Daniel dos Santos Carmo, liuhosi Konferensia Imprensa iha Caicoli Kuarta (05/05).

Daniel dos Santos Carmo konsidera mós, hahalok ne’e, la kontribui ba Estadu atu kombate transmisaun komunitária COVID-19, iha Timor Leste.

“Lori ONG forum nia naran dezafia sira, atu halo investigasaun no publika rezultadu investigasaun ba publiku”,termina Diretór ne’e.

Maske kontra rezolusaun ne’ebé Governu aplika, Porta-voz PNTL Superintendente Xefe, Arnaldo de Araújo iha Tersa, konfirma katak, parte forsa seguransa nian, seidauk halo komentáriu ba áktu halo festa ilegál iha Colmera ne’e, tanba seidauk iha relatóriu ruma, ne’ebé relata kona-ba asuntu ne’e.

Maibé iha loron 2, fulan Maiu ne’e, polísia hala’o identifikasaun ba sidadaun na’in 23 ne’ebé hala’o ezersísiu iha fatin públiku, inklui iha tasi-ibun, tanba konsidera viola rezolusaun Governu, númeru 45/2021, kona-ba Serka Sanitária no Konfinamentu Domisiliáriu Jerál. San

 

Leave a Reply

Your email address will not be published. Required fields are marked *