USAID sei kontribui tokon USD 17 ba TL

Estadu Unidu Amérika (EUA) liu husi USAID sei kontribui osan tokon USD 17 resin ba Timor-Leste (TL), hodi reforsa Governasaun di’ak.

“KM mos ohin delibera aprova proposta akordu no atribui poder tomak ba iha Ministru Finansas atu bele asina akordu kontribuisaun finanseira  entre RDTL no EUA ne’eb’e aprezenta husi USAID, akordu ida ne’e estabelese atu sai hanesan akordu kuadru ida akordu kooperasaun RDTL ho EUA nian iha ámbitu USAID nian ho montante USD 17 Milhoes resin akordu ida ne’e sei loke dalan programa dezenvolvimentu iha ámbitu USAID no TL nian bele la’o to’o tinan 2025. Liu husi kontribuisaun adisionál ida ne’e mos envolve montante  ho totál estimasaun 92 Milhões resin”, Ministru Prezidensia Konsellu Ministru, Fidelis Manuel Leite Magalhães,hato’o asuntu ne’e liu husi konferensia ba imprensa iha Ministériu Finansa, Aitarak-Laran, Kuarta (5/5).

Reniaun Konsellu Ministru ne’e mós halo deliberasaun hodi atribui podér tomak ba Ministru Finansa (MF), Rui Augusto Gomes,  atu asina akordu hodi Estadu Unidu Amerika kontribui finanseira ba Governu Timor-Leste, ne’ebé reprezenta husi United States for International Development (USAID).

Ministru Prezidénsia Konsellu Ministru, Fidelis Manuel Leite Magalhães, esplika, akordu ne’e prevé mós posibilidade kompleta, depende husi kapsidade orsamentál doadór,  liu husi kotribuisaun adisionál.

Kontribuisaun adisionál sira ne’e karik akontese, iha futuru sei presiza halo akordu ba kontribuisaun finanseira ida-ida.Tos

Leave a Reply

Your email address will not be published. Required fields are marked *