JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Filomeno Paixão: PNTL ho F-FDTL la detekta ema hatama kilat ilegál mai TL

Filomeno Paixão: PNTL ho F-FDTL la detekta ema hatama kilat ilegál mai TL

Ministru Defeza  no Interior Interinu, Filomeno Paixão hateten,  membru Polísia Nasionál Timor-Leste (PNTL) ho FALINTIL-Forsa Defeza Timor-Leste (F-FDTL), seidauk detekta kilat ilegal ruma ema hatama mai Timor-Leste, liu husi liña fronteira  Motain, Atambua Belu Indonézia.

Filomeno Paixão akresenta, Tentara Nasional Indonézia (TNI)  iha instrumentu diak,  tanba   sira konsege detekta kilat sira ne’e, kilat  balun komunidade entrega de’it.

 “Ita seidauk iha investigasaun,  ita labele akuza uluk, maibe nia lori tesik mai, nia iha terminada intensaun, ita nia servisu  koordenasaun ho sira Indonézia detektadu buat sira prende hotu”,esplika Ministru Defeza  no Interior Interinu Filomeno Paixão, ba jornalista sira Segunda (24/06/19), iha Sentru Formasaun Polísia Komoro, Díli.

Governante ne’e mós dehan, governu mós iha  politika hodi prevene, arma ilegal sira labele tama  mai iha Timor-Leste.

“Imi hatene ita iha Unidade Patrullamentu Polísia iha fronteira no F-FDTL, Alfándega  fó apoiu ita, durante ne’e  ita seidauk detekta  ida tama iha laran”,dehan Filomeno Paixão.

Alende ne’e, Komandante  Jerál PNTL Komisáriu Faustino da Costa, konsidera,  kilat 102, TNI prende iha tinan kotuk, la’os buat foun hodi fó sai iha media.

“Ita akompaña  iha televisaun Indonézia nian fó sai informasaun ne’e,   ita hotu akompaña hela,  PNTL sempre akompaña informasaun ne’e, maibe la’os PNTL mesak, servisu konjuntu  informasaun ninian, ne’ebé buat ida la’os foun, ne’ebé dala ruma sirkulasaun ne’e foun, dala ruma ema hanoin, buat ne’e foin horiseik ka horibainrua”,dehan Faustino da Costa.

Maibe  ho kazu ne’e, PNTL mós halo hela antesipasaun oinsa atu prevene ema lori arma ilegal tama mai nasaun ne’e.

“Orientasaun Komando PNTL nian, husu ekipa  servisu informasaun konjuntu atu koordena malu nafatin, ba UPF no  munisípiu sira besik iha fronteira oinsa servisu hamutuk hodi kombate  saida mak atu mosu”,dehan Faustino da Costa.

Lee hotu :   Konstrusaun esgotu la tuir padraun, Hamosu inundasaun iha kapital Díli

FM konsidera PNTL ho F-FDTL la rigór iha Fronteira

Nune’e mos, Fundasaun Mahein (FM), konsidera servisu Polísia Nasionál Timor Leste ( PNTL) ho FALINTIL-Forsa Defeza Timor-Leste (F-FDTL) iha liña fronteira la rigór.

“Iha semana kotuk notisia husi media Indonezia nian fó sai mós katak, iha tentativa balun husi ema koko atu hatama kilat 100 resin mai iha Timor-Leste. Seidauk klaru katak kilat ne’e ninia distinasaun ema ne’ebé ka grupu ida ne’ebé no tipu kilat ne’e saida? Tanba ne’e ha’u hanoin katak kazu ida ne’e seriu teb-tebes ba ita nia rai liu-liu ita nia autoridade seguransa F-FDTL ho PNTL importante kolabora ho autoridade seguransa Indonézia nian atu bele asuntu ida ne’e ho klean”, Diretór ezekutivu FM, João Almeida, ba GMN iha nia kna’ar fatin Fomentu, Komoro-Díli, Segunda (24/062019) relasiona ho grupu deskoñesidu ne’ebé tenta atu lori tama kilat hamutuk 102 mai Timor, maibé autoridade seguransa Indonézia kaptura iha liña fronteira foin lalais ne’e.

João Almeida afirma, persiza halo investigasaun kona-ba kazu grupu balun ne’ebé mak tenta atu lori tama kilat mai TL, tamba ida ne’e ameasa mós ba nasaun bele kria instabilidade iha rai laran.

“Se bainhira ita temi kona-ba kilat ho númeru ida hanesan ne’e perigu bo’ot ho amiasa bo’ot ba ita nia estabilidade porque ne’e kilat, tamba ne’e ha’u hanoin kolaborasaun autoridade seguransa ita nian ho Indonézia nian, atu bele haree ida ne’e no haree mós ámbitu seguransa ninian para iha futuru labele akontese tan”, afirma diretór ezekutivu FM.

Iha okaziaun ne’e FM preokupa tebes ho kazu ema balu tenta hatama kilat mai TL no kazu droga ne’ebé polísia Indonézia kaptura sidadaun TL nain 2 ne’ebé lori droga ba Indonezia.

Lee hotu :   Igreja husu Governu rehabilita Igreja Sagradu Kurasaun de Jesus-Baucau

“Tanba ne’e mak iha fronteira tantu iha Terrestre, Aeroportu no Portu ita nian ne’e iha risku, tamba ita rasik la kuidadu para bele haree sasan sira ne’ebé tama sai iha ita nia territóriu nasionál. Nune’e FM rekomenda ba autoridade seguransa liu-liu PNTL ho F-FDTL tenke servisu rigór iha fronteira, airoportu no portu sira nune’e ema kriminozu sira labele lori tama sasan sira ne’ebé ita lei bandu, nune’e mós husu atu serivisu ho profesional hodi kontrola diak liu fronteira sira.

Antes ne’e tuir informasaun ne’ebé fo sai husi televizaun Indonézia, METRO-TV, katak, forsa militar Indonézia iha fronteira konsege prende kilat ilegal hamutuk 102 ne’ebé ho intensaun hatama mai Timor-Leste.avi/aes

Add to Comments Here!!!!

error: Content is protected.
Secured By miniOrange
You might also like:
Autoridade indonézia hahú inkéritu ba kazál Timor-oan ■Estadu fo fiar, advogadu TL prontu defende

Autoridade Indonézia nian hahú halo inkéritu...

DIA 25/06/19 || GMNTV LIVE STREAM || DADER KMANEK

DIA 24/06/19 || GMNTV LIVE STREAM || JORNAL NASIONAL KALAN

Close