JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Dom Virgílio solisita Governu presiza aselera subsídiu USD 100.00 ba povu

Dom Virgílio solisita Governu presiza aselera subsídiu USD 100.00 ba povu

Arsebispu Metropolitanu Díli, Dom Virgílio do Carmo da Silva, solisita ba Governu atu aselera lalais ona planu ne’ebé atu fó subsídiu ba kada família, tanba povu barak mak hein hela ona promesa ne’e.

“Ha’u sei la fó apelu tanba ita-nia Governu tau ona montante osan ne’ebé aprovadu ona, atu fó ba kada família, tuir planu ne’ebé mak fó sai ona iha média, buat ne’ebé mak ita husu ba Governu atu realiza lalais, tanba povu barak hein hela,”afirma, Arsebispu Metropolitanu Díli, Dom Virgílio do Carmo da Silva, iha Câmara Eclesiástica Lesidere Díli, Tersa (28/04/2020).

Dom Virgílio subliña, governu aprova ona montante subsídiu ne’ebé mak atu fó ajuda ba kada família, tamba ne’e governu labele hein no tenki lalais,atu nune’e povu sira hakmatek iha uma, bainhira planu governu ne’e to’o ona sira nia liman, hodi fó kontribuisaun durante Estadu Emerjénsia.

Alende ne’e, Arsebispu Metropolitanu Díli, Dom Virgílio do Carmo da Silva, mos aprezenta ekipa ne’ebé igreja prepara ona, hodi ajuda governu atu, fó apoiu psikolójiku no espirituál ba Timor-oan iha sala izolamentu no kuarentena, ba Primeiru Ministru, Taur Matan Ruak, iha Câmara Eclesiástica Lesidere Díli.

“Enkontru ida ne’e inisiativa husi parte igreja nian, tanba ami rona katak, husi ekipa COVID-19 nian, sempre temi atu fó apoiu espirituál, psikolójiku no morál ba ita nia maluk sira ne’ebé iha, izolamentu no kuarentena,” dehan, Arsebispu Metropolitanu Díli, Dom Virgílio do Carmo da Silva.

 Dom Virgílio esplika, dioseze forma hela ekipa ida, hodi aprezenta ba Governu, tanba ne’e agradese tebes tanba ohin (horseik-red), Primeiru Ministru, haraik aan tomak mai to’o iha Câmara Eclesiástica Lesidere Díli.

Lee hotu :   PR-PM apela ba povu tomak kumpri regra Estadu Emerjénsia

“Ho ida ne’e ami aprezenta ekipa ida ne’e, ekipa refere prontu bainhira governu presiza atu fó apoiu moral no espiritual, ekipa ne’e kompostu husi Padre, Madre no irmaun,” afirma, ArseBispu Metropolitanu Díli ne’e.

Nune’e Arquidiocese Metropolitana Dili, Arsebispu Metropolitanu Díli, Dom Virgílio do Carmo da Silva, konsidera  Estadu Timor-Leste estende Estadu Emerjénsia ne’e nesesáriu.

“Ha’u haree katak, estensaun ba Estadu Emerjénsia iha ita nia rai ne’e nesesariu, tanba ita haree númeru kazu ne’e kontinua aumenta, no númeru suspeitu mós sei barak, tanba ne’e presiza fó tan tempu atu nune’e ita bele prepara aan didiak,”hateten, Arsebispu Metropolitanu Díli, Dom Virgílio do Carmo da Silva, iha Câmara Eclesiástica Lesidere Díli, Tresa (28/04/2020).

Arce Bispo ne’e subliña, haree nasaun viziñu hanesan Indonezia no Australia, númeru moras ne’e aumenta, tanba ne’e Timor-Leste rai ki’ik oan ida, presiza prepara aan didiak

“Tanba ne’e liu husi meius Estadu Emerjénsia ne’e, bele hatoman ita nia aan, no lao tuir regras ne’ebé iha ona, ho ida ne’e estende tan EE ne’e nesesariu,”dehan, Dom Virgílio do Carmo.

Dom Virgílio do Carmo afirma, TL ne’e nasaun ki’ik no ki’ak, tanba laiha meius ne’ebé barak, TL nia kilat ne’ebé úniku hodi hasoru, liu husi prevensaun ida ne’e mak medidas ida ne’ebé.

“Se ita hotu hakarak sakrifika aan, no disiplina hodi lao tuir medidas hirak ne’e, ha’u fiar ida ne’e sei ajuda ita, atu la husik virus ida ne’e kontinua habelar, no daet ba ita nia sosiedade,”tenik, ArseBispu Metropolitanu Díli.

Alende ne’e, igreja mós sei kontinua, mantein suspende aktividade igjera nian, to’o situasaun la’o normal.Cin

Add to Comments Here!!!!

error: Content is protected.
Secured By miniOrange
You might also like:
SIJK husu Governu kontinua taka pontu entrada

Porta Voz Sentru Integrado Jestaun Krize...

Sidadaun 17 husi Liquiça rezultadu teste negativu

Porta Voz Sentru Integradu Jestaun Krize...

Deskonfia kontakta ho PS pozitivu COVID-19, Ema 35 halo ona teste laboratóriu

Porta Voz Sentru Integradu Jestaun Krize...

Close