JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Governu sei muda uma-kain 200 iha aeroportu Nicolau Lobato

Governu sei muda uma-kain 200 iha  aeroportu Nicolau Lobato

Prezidente Autoridade Munisípiu Díli (AMD), Gaspar Soares, hateten, komunidade uma-kain 200 resin ne’ebé afetadu ba konstrusaun aeroportu internasionál Prezidente Nicolau Lobato, Comoro, Díli, sei hetan indemnizasaun husi Governu.

“Autoridade Munisípiu Díli nia kna’ar mak oinsa atu halo koordenasaun ho autoridade lokal sira kona-ba komunidade afetadu sira iha aldeia Beto Tasi, Anin Fuik ho Beto Naroman hodi halo sosializasaun kona-ba konstrusaun refere, tanba tuir planu konstrusaun ne’e sei hahu iha tinan 2021, tanba antes atu implementa projetu ne’e presiza komunidade sira atu hatene uluk, nune’e bele koopera malu di’ak”, Gaspar Soares ba GMN iha ninia kna’ar fatin Matadouru-Díli, Segunda (19/10/2020).

Prezidente AMD ne’e relata, konstrusaun foun ba aeroportu Prezidente Nicolau Lobato ne’e  sei halo iha tinan oin, sei konstrui husi governu Japaun ho osanmentu tokon USD 44 no konstrusaun ne’e sei fó benefísiu mós ba komunidade sira iha kapitál Díli.

Iha sorin seluk, komunidade afetadu, Albino Soares Pinto, hateten ,sira prontu koopera ho Governu atu husik sira-nia hela fatin, maibe antes muda sira husi sira-nia hela fatin, Governu tenke prepara fatin ba sira atu hela.

“Ami prontu atu koopera ho Governu atu husik ami-nia hela fatin ne’e, maibé presiza kria uluk kondisaun ba ami, nune’e wanhira sai husi fatin ne’e ami bele hela fila-fali ba fatin ne’ebé Governu prepara ona”, realsa Albino.

Antes ne’e, Embaixadór Japaun ho ekipa sira halo ona sorumutu ho Governu, inklui Prezidente Repúblika (PR), Francisco Guterres “Lú Olo” kona-ba konstrusaun aeroportu Prezidente Nicolau Lobato ne’e. aba

Lee hotu :   PNTL hamoos ona letra iha moru-lolon

Add to Comments Here!!!!

error: Content is protected.
Secured By miniOrange
You might also like:
Promesa kampu traballu ba ema rihun 60 la realiza, Fidelis tau todan ba CNRT

Ministru Prezidénsia Konsellu Ministru (MPKM), Fidelis...

PSIK kaer kilat, Lere: Polítika la’o sabraut ona

Xefe Estadu Maior FALINTIL-Forsa Defeza Timor-Leste...

MBX kondena deputada Nelia laiha étika moral

Movimentu Brigada Xanana (MBX), deklara, deputada...

Close