JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Reklamante suku Comoro konsidera MSSI inkapasidade solusiona USD 200

Reklamante suku Comoro konsidera MSSI inkapasidade solusiona USD 200

Benefisiáriu USD 200 suku Comoro konsidera Ministériu Solidariedade Sosiál no Inkluzaun (MSSI) inkapasidade rezolve pagamentu ba subsídiu refere.

Pagamentu subsídiu USD 200 ba lista reklamasaun, ne’ebé suku haruka MSSI hodi halo analiza durante loron 15 hodi halo pagamentu maibé, realidade hatudu MSSI halo servisu durante fulan barak, laiha solusaun husi Governu.

Tanba ne’e, Benfísiáriu iha suku Comoro husu ba Ministériu relevante servisu ho lolo’os labele buka de’it povu nia votus no presiza povu iha tempu kampaña.

“Ami povu nia preokupasaun tanba saida ita-nia na’i-ulun sira MSSI labele rezolve problema ida ne’e kapasidade ka ou inkapasidade mak hodi labele rezolve ami nia problema ida ne’e, ami povu nia problema tinan 2020 atu hotu agora ba 2021, atu hakarak pagamentu bainhira loos mak atu halo”, dehan, Simão Ximenes ba GMN iha sede suku Comoro, Kuarta (25/11/2020).

Nune’e mós benefisiáriu, Jaime Amaral, hateten, antes ne’e nia parte haree naran iha sede suku iha duni, maibé loron atu simu subsídiu naran laiha.

“Sé Governu iha kapasidade ka laiha kapasidade haruka naran kompletu mai iha suku ou suku mak manobra fali ami la hatene, tanba naran ha’u mai check duni iha suku ida ne’e, ha’u nia naran iha duni, mais loron atu mai simu osan ha’u nia naran laiha fali naran ne’e ba iha ne’ebé”, haktuir Jaime. 

Iha fatin hanesan mós, komunidade, Terezinha Gonzaga, Governu tenke halo pagamentu subsídiu USD 200, tanba ne’e promesa Governu nian relasiona ho COVID-19 ne’ebé Timor-Leste rejista iha fulan Marsu liu ba.

“Ami urus osan ida ne’e, ita hotu hatene tanba momentu ami urus ne’e kareta mós la halai ami kous ami nia oan la’o de’it, la’o ain husi Macelidun to’o mai Kampung Baru ne’e kilo hira mak to’o iha ne’e, ami koalia ida ne’e ami mós iha direitu, tanba osan ne’e la’os Timor nia osan, ne’e husi nasaun seluk mai ajuda ita tanba terus ba COVID-19, momentu ami urus ami nia naran hatama kompletu, maibé ami nia naran la sai husi sosiál dehan imi tenke urus reklamasaun ne’e mak ami urus duni, maibé to’o agora ami nia naran la sai nafatin, ami nia naran ne’e ba ne’ebé ami la’os Timor-oan ka”, tenik Terezinha.

Hatán ba kestaun ne’e, Vise Koordenadór ba Sekretariadu Ekipa Forsa Traballu MSSI, João Coimbra, hateten, MSSI nafatin servisu no iha tempu badak sei fó solusaun ba problema ne’e.

“Iha aspetu tékniku ita presiza konsidera presiza duni tempu atu fó solusaun la fasil ohin to’o mai ita fó kedas nia diretu ita presiza halo verifikasaun tanba ne’e, ita kumpri prosesu ida Governu atual, fó subsídiu USD 200 ba kada família iha teritótiu tomak”, tenik Vise Koordenadór ba Sekretariadu Ekipa Forsa Traballu MSSI.

Joao Coimbra mós husu ba benefisiáriu sira atu pasiensia, tanba dadaun ne’e ekipa tékniku MSSI sei halo hela ezersísiu ba verifikasaun dadus.

Entretantu númeru reklamasaun ne’ebé autoridade lokal suku Comoro submete ba MSSI hamutuk ema 1,222. eby

Lee hotu :   EDTL kontinua halo inspesaun ba komunidade dada ahi ilegál

Add to Comments Here!!!!

error: Content is protected.
Secured By miniOrange
You might also like:
Lere: Governu labele abandona populasaun iha baze

Xefe Estadu Maior Jeneral FALINTIL-Forsa Defeza...

Governu deside husu ba PR estende tan EE ba daualu

Governu liu husi reuniaun Konsellu Ministru...

Ró Haksolok la mai TL, CNRT ezije MP investiga Mari Alkatiri

Bankada Congresso Nacional Reconstrução Timorense (CNRT)...

Close