JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Previzaun OJE 2019, Entre billiaun US$ 1.1 to’o billiaun US$1.3

Previzaun OJE 2019, Entre billiaun US$ 1.1 to’o billiaun US$1.3

Ministeriu Finansas (MF) propoin senariu tolu (3)  hodi ba define ou tetu Orsamentu Jeral do Estado (OJE) 2019.

Senariu tolu ne’e bele avansa ho senariu montante OJE 2019 nian ki’ik liu mak billiaun US$1.1, senariu meidu mak billiaun US$1.2 no senariu boot liu mak billiaun US$1.3.

Diretor Jeral MF, Januario Gama, esklarese katak, husi senariu ki’ik liu propoin orsamentu billiaun US$1.1 ho estimasaun,  kompostu husi salariu no vensimentu millaun  US$ 193, bens e servisu (millaun US$318), transferensia publikas (millaun US$261.9), kapital menor (Millaun US$3.6), kapital dezenvolvimentu inklui fundu infraestrutura (Millaun US$299),  fundu dezenvolvimentu kapital humanu (Millaun US$23.8), no  emprestimu millaun US$87.

Liu husi aprezentasaun jornada orsamental 2019 ne’ebé halao iha salaun Ministeriu Finansas (MF), Tersa (18/9/2018), Diretor Jeral MF, Januario Gama, esplika katak, senariu ki’ik liu ne’e hanesan senariu ida sustentavel liu, tanba wainhira opta senariu ida ne’e sei bele asegura Fundus Minarai iha 2050.

“Wainhira opta senario ida ho montante billiaun US$1.1 signifika husi kresimentu produto intrerna bruto non minarai nian, mesmu iha 2017 ita iha devisit 5.5% ho OJE 2018 ne’ebe iha prosesu atu promulga, sei hasa’e ita nia kresimentu to’o 2.6% iha tinan 2019,” hateten Januario Gama.

Iha senario mediu ninian, Ministeriu Finansas propoin billiaun US$1.2, signifika Fundu Minarai sei hotu depois 2050. Atu hateten katak, tanba iha tinan 2022-2024 sei opta politika frond loading entaun iha nia despezas ne’e sa’e, maibe depois 2024 komesa estabeliza ona despezas annual no nei-neik hasa’e reseitas domestika hodi kresimentu ekonomiku 2019 sae 4.2%.

Nia aprofunda katak, senariu boot liu mak billiaun US$1.3 tanba esperiensia tinan hirak liu dala barak lahetan apresiasaun.

Lee hotu :   Krizi institusional implika, Kresimentu ekonómiku TL husi 5,8 tun ba menus 1.6%

“Ho senariu ne’e ita nia fundu minarai sei hotu iha tinan 2044, signifika to’o 2044 sei ita nia reseitas domestika lakonsege halo kobertura ba iha osan ida ne’ebé ita investe fundu minarai, tanba fundu minarai tenke hotu, ita laiha orsamentu propriu para bele finansia kontinuasaun programa, no investimentu husi tinan 2024 ba oin,” hateten Januario Gama.

Governu sei deside OJE 2019 hodi define prioridade nasional lima, maibe dadaun ne’e seidauk iha rezultadu, tanba seidauk hetan aprovasaun iha Konsellu Ministrus, depois ida ne’e maka define area prioridade. Maske nune’e iha ona area prioridade balu maka setor Saude no Agrikultura.

Liu husi komferensia imprensa, Sekretario Estado Komunikasaun Social, Mericio Akara apresia tebes ho aprejentasaun ne’e tanba bele fo referensia ba sira nudar membru Governu hodi sai baze ida antes deskute diak liu tan iha Konsellu Ministrus to’o ba Parlamentu Nasional.

“Ami nudar membru Governu foun no primeiru ministru apresia tebes ho aprejentasaun sira ne’ebe maka hato’o husi aprejentadores sira, li-liu liga ba Sistema planeamentu no Sistema jestaun finansas publiku, nune’e mos aprejentasaun sobre prioridade nasional ba OJE 2019, hodi orienta ami atu deskute oinsa define tetu fiskal 2019. Husi aprejentasaun sira ne’e ajuda ona ami uja hanesan referensia antes deskute iha Konsellu Ministrus, ideia, dadus ne’ebe aprejenta ami konsidera no lori ba deskute klean liu iha konselho ministru hodi foti desizaun politikamente ba area prioridades sira ne’ebe sei tau antes lori ba aprejenta iha Parlamentu Nasional,” hateten Mericio Akara.

Konsellu  Ministrus iha tempu loron ha’at (4), konta husi Tersa (18/09/2018), halo ona dezagregadu ba Ministeriu no instituisaun Estado nian.

Lee hotu :   Atu apoia ekonómia povu, TL-RI koopera promove fatin turizmu ho kultura

Iha Sesta (21/09/2018), Ministeriu Finansas sei aprejenta ba Konsellu Ministrus hodi aprova tetu fiskal, no dezagregasaun no prioridade nasional 2019 nian.

Seminariu jornada orsamental 2019 durante loron rua ne’e lidera diretamente husi Primeiru Ministru, Taur Matan Ruak, ne’ebé partisipa maioria husi membru VIII Governu Konstitusional, inklui reprezentante ZEESM, diretores, sociedade civil, Administradores Munisipiu 12 inklui RAEOA no reprezentante orgaun outonimu Estadu nian. mia

Add to Comments Here!!!!

error: Content is protected.
Secured By miniOrange
You might also like:
Fila husi pengesahan, PNSIK kaptura membru PSHT 31 iha Aeroportu

Polísia Nasionál Servisu Investigasaun Kriminal (PNSIK) ...

PN kansela viajen PR Lú Olo ba Nova Iorke ■ PD lamenta PPN vota kontra

Parlamentu Nasionál (PN), kontinua la autoriza...

TL hahú jornada orsamental 2019, PM Taur lakohi haree korrupsaun

Maske distinu Orsamentu Jeral Estadu (OJE)...

Close