JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Emposadu IADE 24 asina termu pose ba kargu xefia

Emposadu IADE 24 asina termu pose ba kargu xefia

Emposadu Institutu Apoiu Dezenvolvimentu Emprezarial (IADE), nain 24 asina dokumentu termu pose ba kargu xefia.

Iha seremonia asina dokumentu termu pose ne’e, Prezidente Komisaun Funsaun Públiku(KFP), Faustino Cardoso, husu ba diretór hirak ne’e atu serbisu ho responsabilidade hodi servi povu liu-liu sétor privadu sira.

Faustino Cardoso mós apelu ba diretór sira  ne’e, atu halo serbisu ho neutralidade, durante sira nia mandatu tinan ha’at (4) mai.

“Dezempeñu hatudu kualidade responsabilidade no alkansa objetivus instituisaun ninian, tan ne’e iha dekretu lei 25/2016 artigu 15 no 16 define klaramente, atu seguru tenki hatudu dempeñu, kualidade, responsabilidade no intregridade hodi tau aas interese Estadu no interese povu nian klientes ninian, emposadus hodi ajuda motiva sira no fó forsa liu tan atu la’o serbisu ho auto konfiansa no kualidade dezempeñu hodi glofika povu”, hateten, Faustino Cardoso liu husi nia diskursu iha Edifisiu IADE, Tersa (11/02/2020).

Iha fatin hanesan, Diretór Ezekutivu IADE, Filomeno Marcelino Belo, promete sei halo servisu di’ak hodi serbi povu no nasaun,  durante nia mandatu.

Ezistensia IADE, forma ona emprezáriu sira rihun resin ona, husi munisípiu sanulu resin rua (12) inklui Rejiaun Administrativa Espesial Oe-cusse Ambeno (RAEO-A).

 “Atu bele hetan ita nia diretór xefe departamentu kualidade diak bele servi ita nia komunidade no emprezáriu iha Timor -Leste, ami baze de dadus, ami suporta, kuaze rihun ba leten ona, maibé iha programa keta-ketak, programa espesial ba formasaun akompanamentu emprezárial no mós programa seluk ne’ebé liga ba ita nia emprezariu foun juventude atu bele suporta sai emprezáriu foun”, hateten, Diretór Ezekutivu IADE, Filomeno Marcelino Belo.

Lee hotu :   Governu sei reforsa kapitaliza BNCTL

Nune’e mos, Ministru Kordenador Asuntu Ekonómiku (MKAE), Fidelis Leite Magalhaes, husu ba empozadu hirak ne’e atu servisu ho profisionalismu, neutralidade no imparsialidade, hodi hasa’e ekonomia iha rai laran.

“Importante mai ita sai membru okaziaun ida ne’e, tanba ne’e sinal ida katak ministériu ne’ebé tau matan ba suntu ekonomia nian, hodi nia ajensia sira, hodi hadia di’ak liu tan estrutura, atu halo esforsu di’ak liu tan iha teritoriu, ne’e importante tebes se ekonomia la la’o bainhira instituisaun sira ne’ebé mak apoiu dezenviolvimentu iha setór ekonómiku laiha kapasidade, ho estrutura foun ne’e ho ita boot sira nia pose bele kapasita liu tan ita nia governu bele presta serbisu ne’ebé di’ak liu tan iha setór privadu”,husu, Fidelis Leite Magalhaes.

Partisipa iha seremonia asina dokumentu termu pose ne’e, Ministru Kordenador Asuntu Ekonómiku, Fidelis Manuel Leite Magalhaes, funsionáriu IADE, no familia empozadu sira. Ina

Add to Comments Here!!!!

error: Content is protected.
Secured By miniOrange
You might also like:
Evita Eleisaun Antesipada, PD sei submete karta ofisiál ba CNRT-FRETILIN

Xefe bankada Partidu Demokrátiku (PD), António...

Defende kazál Timor-Oan iha Indonézia, PJR : Governu mak iha kompetensia rekruta advogadu

Relasiona ho alegasaun ikus ba kazal...

TL sai uma na’in ba jogu CPLP, KM aprova orsamentu rihun USD 511.250

Ministra Edukasaun Juventude no Desportu (MEJD),...

Close