JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Governu fó kréditu ba sidadaun afetadu ba COVID-19 ho USD 2,500 laiha funan

Governu fó kréditu ba sidadaun afetadu ba COVID-19 ho USD 2,500 laiha funan

Ministru Estadu Koordenador Assunto Ekonómiku (MEKAE), hatete, Governu  fo mos kréditu ho montante máximu USD 2,500 no laiha funan, durante Estadu Emerjénsia,  ba sidadaun sira ne’ebé tama kuarentena no izolamentu. Tanba ne’e  hanesan apoiu diak ida hodi ajuda família sira ne’ebé “dalaruma” bele sai vítima husi COVID-19.

“Ita mos iha liña kreditu. Iha diskusaun ida iha lina kréditu emerjénsia, liña kréditu emerjénsia ne’e ba se? Ne’e ba sidadaun sira ne’ebé maka hetan moras ou balun maka foin kuarentena ba loron 14 ou balun loron 14 hetan estensaun karik. Entaun sira ne’ebé maka tamba COVID-19 hetan impaktu negativu ba sira nia ekonomia familiar. Sira ne’e bele foti ou rekorre ba iha emprestimu ida ne’ebé mak laiha funan ho montante maximu dolar 2,500 husi banku, maibe se ema ne’e ou sidadaun ne’e mate entaun osan ne’e la pasa fali hanesan deve ba nia família sira. Entaun se mak foti fali deve ne’e, Estadu mak foti fali”,  hateten iha nia knaar fatin Palásiu Governu, Sesta (24-04).

Entretantu konaba mekanismu kréditu hirak ne’e Fidélis hateten Governo tenki servisu hamutuk ho banku sentral no banku komersial sira hodi fasilita sidadaun no empresa sira ne’ebé hakarak foti osan durante estadu emerjensia. Governante ne’e mos esplika objetivu prinsipal husi kréditu ne’e maka atu assegura oinsa sidadaun sira ne’ebé maka oras ne’e foti hela osan ,selu hela osan fulan no osan prinsipal ka osan inan iha banku.  Além de ne’e atu sidadaun sira mos bele halo durante estado emerjensia ne’e sei bele iha kelongaran balun para bele pausa tiha pagamentu sira ba banku.  “Kontextu ida ne’e bainhira pausa pagamentu ba Banku Governo mak sei fo apoio hodi halo kobertura ba fulan tolu ka fulan rua ka tolu uainhira ita iha hela estadu emerjensia ida ne’e ami fiar katak sei apoio familias barak”, esplika.

Lee hotu :   João Saldanha: Kreximentu ekonomia TL hatudu pozitivu

Além de fo subsidio ba sidadaun sira ne’ebé infetado ho Covid-19 membro governu ne’e mos hatete executivo mos sei fo kréditu ba kompanhia importador sira hodi redus tia sira nia problema ho osan iha sira nia negocio tamba oras ne’e impaktu husi coronavírus foun ba oferta no prokura husi merkadu regional sa’e dadauk.  Governo mos sei fo kréditu ba instituisaun mikrofinansa sira hodi garante nafatin sira iha osan hodi fo kréditu ba sidadaun sira.

“Tamba ita hatene katak  iha situasaun ida hanesan ne’e maioria ita nia sidadaun sira usa instituisaun mikrofinansas sira barak husi sira mos laiha possibilidade atu bele selu ou balu presisa osan lalais husi mikrofinansas labele tamba mikrofinansas sira nia osan rasik  mos la to’o.Tamba iha possibilidade katak kréditu mal paradu sira aumenta. Tamba ida ne’e maka ita fo apoio iha esquema ida kréditu ba instituisaun finanseira sira, atu sira bele nafatin iha kbiit atu bele fo nafatin kréditu ho termus ne’ebé diak ita nai sidadaun sira ne’ebé mak vulneravel liu sira ne’ebé precisa acesso ba mikrokreditu sira. Tamba ida hatene katak kliente barak liu husi mikrokreditu maka agrikultor sira no mos organizasaun hanesan feto sira iha ita nia musipio sira”, hatete.

Entretanto Total orsamentu ba pakote estimulos ekonómiku ne’ebé aprova ona hamutuk dólar tokon 142 fahe komponente tolu mak hanesan, apoio monetário, kréditu, no izensaun sira.Oct

 

Add to Comments Here!!!!

error: Content is protected.
Secured By miniOrange
You might also like:
Suspeitu ba COVID-19 iha Munisipiu tolu, rezultadu teste negativu

Porta Voz Sentru Integradu Jestaun Krize...

Rui: ESML hala’o vijilánsia epidemiolojika ba komunidade

Porta Voz Centro Intergrado gestão Crize(CIGC)...

PN ejiji ba Governu atu kria kondisaun diak ba povu bainhira estende EE

Segundu Viçe Prezidenti Parlamentu Nasionál (PPN),...

Close